agriculture news in marathi Follow the bird flu instructions: Panke | Page 2 ||| Agrowon

बर्ड फ्लूच्या सूचनांचे पालन करावे ः पंके

टीम अॅग्रोवन
रविवार, 24 जानेवारी 2021

अंबाजोगाई, जि. बीड : ‘‘प्रशासनाकडून वेळोवेळी देण्यात येणाऱ्या सूचनांचे तंतोतंत पालन करावे. कुकुट तसेच इतर पक्ष्यांत मरतुक आढळून आल्यास जवळच्या पशुवैद्यकीय अधिकाऱ्यांशी तत्काळ संपर्क करावा’’, असे आवाहन कृषी विज्ञान केंद्र अंबाजोगाईचे कृषी विस्तार शास्त्रज्ञ सुहास पंके यांनी केले.

अंबाजोगाई, जि. बीड : ‘‘प्रशासनाकडून वेळोवेळी देण्यात येणाऱ्या सूचनांचे तंतोतंत पालन करावे. कुकुट तसेच इतर पक्ष्यांत मरतुक आढळून आल्यास जवळच्या पशुवैद्यकीय अधिकाऱ्यांशी तत्काळ संपर्क करावा’’, असे आवाहन कृषी विज्ञान केंद्र अंबाजोगाईचे कृषी विस्तार शास्त्रज्ञ सुहास पंके यांनी केले.

दीनदयाल शोध संस्थान कृषी विज्ञान केंद्र अंबाजोगाई यांच्या माध्यमातून ‘बर्ड फ्लू जागरूकता अभियान’ राबविण्यात आले. केंद्राच्या कार्यक्षेत्रातील अंबाजोगाई, केज व परळी तालुक्यातील विविध गावांमध्ये १३ ते २१ जानेवारी या कालावधीत अभियान राबविले गेले. 

केंद्राचे वरिष्ठ शास्त्रज्ञ डॉ. सौरभ शर्मा म्हणाले, ‘‘शेतकऱ्यांच्या गटचर्चा, किसान गोष्टी, तंत्रज्ञान प्रात्यक्षिक, शेतकरी चर्चासत्र व शेतकरी प्रशिक्षण कार्यक्रमाच्या माध्यमातून ‘बर्ड फ्लू’ विषयी जागरूकता निर्माण करण्यात आली. जिल्हा पशुसंवर्धन विभागाचे अधिकारी-कर्मचारी व आत्मा बीडचे तालुकास्तरीय व्यवस्थापकांनी अभियानात सहभाग घेतला. गावांमध्ये व पशुचिकित्सालयात जागरूकता पोस्टर चिटकविण्यात आले. शेतकऱ्यांच्या मनातील भीती व शंका-कुशंका दूर करण्याचे काम करण्यात आले. कुक्कुटपालक शेतकऱ्यांचे चर्चासत्र घेऊन पोल्ट्री शेडचे शास्त्रशुद्ध पद्धतीने निर्जंतुकीकरण करण्याचे तंत्रज्ञान प्रात्यक्षिक करण्यात आले.’’ 

पशुविज्ञान शास्त्रज्ञ डॉ. रवींद्र कोरके म्हणाले, ‘‘बर्ड फ्लू पक्षांना होणारा संसर्गजन्य आजार आहे. बर्ड फ्लू विषाणूंच्या ८ प्रजाती आहेत. हा विषाणू बदकासारख्या पाणपक्ष्यात आढळतो. बाधित पक्षांच्या संपर्कात आल्यावर माणसांमध्ये ‘बर्ड फ्लू’चा संसर्ग होऊ शकतो. त्याची लागण झाल्यास माणसांमध्ये सर्दी, घसा खवखवणे, खोकला, ताप, पोटात दुखणे व जुलाब ही लक्षणे दिसून येतात. बर्ड फ्लू विषाणू माणसाच्या श्वसनसंस्थेवर हल्ला करतो. त्यामुळे न्यूमोनिया होण्याची शक्यता असते. चिकन व अंडी खाण्यापूर्वी पूर्णपणे शिजवून सेवन करावे.’’

‘‘एक लिटर पाण्यात ७ ग्रॅम या प्रमाणात धुण्याचा सोडा (सोडियम कार्बोनेट) मिसळून द्रावणाने कोंबड्यांचे खुराडे फवारावे,’’ असा सल्ला त्यांनी दिला.


इतर ताज्या घडामोडी
सोलापुरात कोथिंबीर, मेथीच्या दरात...सोलापूर  ः सोलापूरबाजार समितीच्या आवारात...
औरंगाबादमध्ये कैरी खातेय भाव;...औरंगाबाद : आठवडाभरात जवळपास चार वेळा आवक झालेली...
नाशिकमध्ये डाळिंबांच्या आवकेत सुधारणा;...नाशिक : येथील बाजार समितीमध्ये गत सप्ताहात...
आरोग्यदायी हळद मिश्रित दूधहळदीचा वापर औषधोपचारामध्ये चांगल्या प्रकारे होते...
कोल्हापूरच्या उन्हाळी नाचणी प्रयोगाचे...कोल्हापूर/नगर : कोल्हापूर जिल्ह्यातील पन्हाळा...
केंद्र सरकार शेतकऱ्यांना आत्मनिर्भर...नागपूर : शेतकऱ्यांना संघटित करीत त्यांना देखील...
नगर जिल्ह्यात दीड लाख हेक्टरवर कांदा...नगर ः पाण्याची उपलब्धता असल्याने नगर जिल्ह्यात...
रुंद सरी वरंबा पद्धतीबाबत...जळगाव ः सुसरी (ता. भुसावळ) येथे नुकतेच जळगाव...
औरंगाबादेत बटाटा सरासरी ८०० रुपये...औरंगाबाद : येथील कृषी उत्पन्न बाजार समितीमध्ये...
हरभरा विक्रीसाठी ३७८३ शेतकऱ्यांची नोंदणीपरभणी/हिंगोली : केंद्र शासनाच्या आधारभूत किंमत (...
‘बॉयोमिक्‍स’मुळे विद्यापीठास वेगळी ओळख...परभणी ः वनस्पती रोगशास्त्र विभागातर्फे निर्मित...
केंद्र सरकारचे कृषी कायदे शेतकरी हिताचे...गडचिरोली : केंद्र सरकारने पारित केलेले कृषी कायदे...
पावसाळ्यातील भरपाईसाठी गावकरी करणार...भंडारा : तुमसर तालुक्‍यातील वैनगंगा, बावनथडी...
कोल्हापूरसाठी पाच फिरते पशुवैद्यकीय...कोल्हापूर : फिरत्या पशुवैद्यकीय दवाखान्यासाठी पाच...
वनमंत्री संजय राठोड यांचा अखेर राजीनामामुंबई : पूजा चव्हाण आत्महत्या प्रकरणात शिवसेना...
स्वतःच्या तुंबड्या भरण्यासाठी ...मुंबई : कॉँग्रेसच्या काळात आंतरराष्ट्रीय...
‘चामोली’ आपत्तीचा अन्वयार्थबर्फ वितळल्यानंतर उघडा पडलेला मातीचा भाग शेती,...
कृषी सल्ला : भुईमूग, हरभरा, मका, खोडवा...हरभरा पीक सर्वसाधारणपणे ११० ते १२० दिवसांमध्ये...
गहू कापणी, साठवणीचे नियोजनगेल्या काही दिवसांपासून थंडी कमी होत असून...
पुण्यात काकडी, फ्लॉवरच्या दरात सुधारणापुणे ः गुलटेकडी येथील कृषी उत्पन्न बाजार...