Agriculture news in marathi By following Corona's rules Start market committees | Page 2 ||| Agrowon

कोरोनाचे नियम पाळून  बाजार समित्या सुरू करा 

टीम अॅग्रोवन
सोमवार, 17 मे 2021

नाशिक जिल्ह्यामध्ये कोरोनाचा प्रादूर्भाव नियंत्रित करण्यासाठी १२ ते २३ मेपर्यंत कडक लॉकडाउन जाहीर करण्यात आला आहे. या पार्श्वभूमीवर जिल्ह्यातील सर्वच बाजार समित्या बंद असल्याने शेतकऱ्यांचे नुकसान होत आहे.

नाशिक : जिल्ह्यामध्ये कोरोनाचा प्रादूर्भाव नियंत्रित करण्यासाठी १२ ते २३ मेपर्यंत कडक लॉकडाउन जाहीर करण्यात आला आहे. या पार्श्वभूमीवर जिल्ह्यातील सर्वच बाजार समित्या बंद असल्याने शेतकऱ्यांचे नुकसान होत आहे. त्यामुळे कोरोनाचे नियम पाळून जिल्ह्यातील बाजार समित्या सुरू करा, अशी मागणी जिल्ह्यातील शेतकरी संघटनांनी पालकमंत्री छगन भुजबळ यांच्याकडे केली आहे. 

बाजार समित्या बंद करण्यात आल्याने रयत क्रांती संघटनेने या पूर्वी निवेदन सादर केले आहे. शरद जोशी प्रणीत शेतकरी संघटना, संघर्ष शेतकरी संघटना, स्वाभिमानी शेतकरी संघटना, प्रहार शेतकरी संघटना, महाराष्ट्र राज्य कांदा उत्पादक शेतकरी संघटनांनी या निर्णयावर संताप व्यक्त केला आहे.

आता कामकाज सुरू करण्याची आग्रही मागणी होत आहे. दोन पैसे मिळत असल्याने मोठ्या कष्टाने जिल्ह्यातील शेतकरी उन्हाळी भाजीपाला लागवड करत असतात; मात्र बाजार समित्या दहा दिवस बंद राहणार असल्याने नाशवंत शेतमालाचे नुकसान होत आहे. त्यामुळे कठोर निर्बंध घालून का होईना पण बाजार समित्या सुरू कराव्यात, अशी मागणी स्वाभिमानी शेतकरी संघटनेचे प्रदेशाध्यक्ष संदीप जगताप यांनी पालकमंत्र्यांकडे केली आहे. अवकाळी व पूर्वमोसमी पावसामुळे कांदा उत्पादकांचे नुकसान आहे.

साठवणुकीसाठी चाळींची सुविधा नसलेल्या शेतकऱ्यांचा कांदा शेतात उघड्यावर तर काही शेतकऱ्यांचा कांदा झाडाखाली पडलेला आहे. त्यामुळे मोठ्या प्रमाणात नुकसान होण्याचा धोका आहे. बाजार समितीत कांदा विक्रीसाठी परवानगी देऊन किमान एका दिवसाआड कांद्याचे लिलाव सुरू ठेवण्याचा निर्णय घ्यावा, अशी मागणी महाराष्ट्र राज्य कांदा उत्पादक शेतकरी संघटनेकडून अध्यक्ष भारत दिघोळे यांनी केली आहे. 

कांद्याचे अगोदरच नुकसान झाले आहे. टप्प्याटप्प्याने विक्री झाली तर पुरवठा सुरळीत राहील. अन्यथा कांदा उत्पादकांचे मोठे नुकसान होणार आहे. त्यामुळे किमान एका सत्रात लिलाव सुरू ठेवावेत. 
-बाळासाहेब शेवाळे, तालुकाध्यक्ष, शरद जोशी प्रणीत शेतकरी संघटना 

प्रतिक्रिया 
खरीप हंगाम तोंडावर आला आहे. शेतकरी आधीच चुकीच्या नियोजनामुळे अडचणीत आहे. खते, बियाणे आदीसाठी भांडवल उभे करणे गरजेच आहे. अशात बाजार समित्या बंद ठेवल्यास पुढील हंगामावर त्याचा विपरीत परिणाम होऊन आधीच अडचणीतील शेतकऱ्यास खड्ड्यात ढकलणारा निर्णय कोणत्या आधारावर घेतला जातोय. पालकमंत्री शेतकऱ्यांना एकरी दोन गोण्या खत आणि बियाणे बांधावर नेऊन देणार असतील तर बंद ठेवा. 
-हरिभाऊ महाजन, तालुकाध्यक्ष, प्रहार शेतकरी संघटना, येवला. 


इतर बातम्या
औरंगाबाद :सोयाबीनची सरासरीच्या दीडपट...औरंगाबाद : सोयाबीनची सरासरी क्षेत्राच्या दीडपट...
जळगाव जिल्ह्यात ५७ टक्के पाऊसजळगाव : जिल्ह्यात आतापर्यंत ५७ टक्के पाऊस झाला...
शनिवारपर्यंत सुरू राहणार मका, ज्वारीची...औरंगाबाद : राज्यात रब्बीतील मका व ज्वारी खरेदीला...
परभणी जिल्ह्यात पीकविमा तक्रारींचा...परभणी ः पंतप्रधान पीकविमा योजनेअंतर्गंत टोल फ्री...
नाशिक जिल्ह्यात धरणसाठा ४६ टक्क्यांवरनाशिक : गत सप्ताहात जिल्ह्यातील धरणांच्या पाणलोट...
सोलापूर ःविमा कंपनी शेतकऱ्यांपर्यंत...सोलापूर ः सोलापूर जिल्ह्यात पीकविम्यासाठी भारती...
अकोला ः नैसर्गिक आपत्तीनंतर पीकविमा...अकोला ः पीकविमा हा आपत्तीच्या काळात शेतकऱ्यांना...
मराठवाड्यात एक लाख हेक्टरवर पीकनुकसानऔरंगाबाद : मराठवाड्यातील आठपैकी सहा जिल्ह्यांत...
मंगळवेढ्यात सूर्यफूल पीकविम्यातून वगळलेमंगळवेढा, जि. सोलापूर ः मंगळवेढा तालुक्यात...
कोल्हापूर : पीकविम्याच्या ऑनलाइन...कोल्हापूर : विमा योजनेत सहभागाबाबतीत राज्यात...
नाशिक : पीकविम्याबाबत तक्रारींचा पाढानाशिक : पीकविमा कंपन्यांची असक्षम यंत्रणा......
सिंधुदुर्गात कार्यालय; पण शेतकऱ्यांना...सिंधुदुर्गनगरी : विमा कंपनीचे सिंधुदुर्गनगरी येथे...
रत्नागिरी : पूरबाधित शेतकऱ्यांची...रत्नागिरी : जिल्ह्यातील नदी किनारी भागात पुरामुळे...
नांदेडमध्ये विमा कंपनीचे जिल्ह्याच्या...नांदेड : पंतप्रधान पीकविमा योजनेत जिल्ह्यासाठी...
पावसाची उसंत, सावरण्याची धडपड सुरु पुणे : पावसासाठी पोषक वातावरण नसल्याने पावसाचा...
नगर : विमा कार्यालय, हेल्पलाइन नंबरची... नगर : नुकसानीची शेतकऱ्यांना भरपाई मिळावी,...
कोल्हापूर : पूर फुटाने वाढला, इंचाने...कोल्हापूर : जिल्ह्यातील पूरस्थिती हळूहळू कमी होत...
विमा कंपन्यांचा राज्यभर सावळागोंधळ पुणे ः पंतप्रधान पीकविमा योजनेतील खासगी विमा...
कोकणात मुसळधारेची शक्यता पुणे : कोकणसह संपूर्ण राज्यात पावसाचा जोर कमी...
राजकीय नेत्यांनी पूरग्रस्त भागांचे दौरे...मुंबई : राजकीय नेत्यांनी पूरग्रस्त भागाचे दौरे...