Agriculture news in marathi Following the Supreme Court ruling Vacancies of concerned ‘OBC’ members | Page 2 ||| Agrowon

सर्वोच्च न्यायालयाच्या निकालानंतर  संबंधित ‘ओबीसी’ सदस्यांची पदे रिक्त

टीम अॅग्रोवन
रविवार, 7 मार्च 2021

राज्य निवडणूक आयोगाने शुक्रवारी (ता. पाच) पत्र काढत संबंधित जिल्हा परिषद व त्याअंतर्गत पंचायत समित्यांच्या पदाधिकाऱ्यांना त्यांचे पद रद्द झाल्याबाबत कळविण्याचे निर्देश जिल्हाधिकाऱ्यांना दिले आहेत. 

अकोला : इतर मागासप्रवर्गासाठी (ओबीसी) असलेल्या २७ टक्के आरक्षणानुसारच जिल्हा परिषद, पंचायत समिती निवडणूक घेण्याचे सर्वोच्च न्यायालयाने आदेश दिल्याने अनेकांवर गंडातर आले आहे. शुक्रवारी (ता. पाच) राज्य निवडणूक आयोगाने पत्र काढत संबंधित जिल्हा परिषद व त्याअंतर्गत पंचायत समित्यांच्या पदाधिकाऱ्यांना त्यांचे पद रद्द झाल्याबाबत कळविण्याचे निर्देश जिल्हाधिकाऱ्यांना दिले आहेत. 

सर्वोच्च न्यायालयाच्या निकालाविरुद्ध काही सदस्यांनी फेरविचार याचिका दाखल करण्याची तयारी सुरू केली आहे. शिवाय राज्य सरकारही या बाबत तातडीने पावले उचलणार असल्याने या प्रकरणात स्थगनादेश मिळण्याची अपेक्षा व्यक्त होत आहे.

  आरक्षणाच्या अनुषंगाने दाखल याचिकेमध्ये सर्वोच्च न्यायालयाने कमाल ५० टक्के आरक्षणाची मर्यादा ठेवून सदर जागांच्या फेर निवडणुका घेण्याचे आदेश राज्य निवडणूक आयोगाला दिले आहेत. त्यानुसार राज्यातील अकोला, वाशीम, नागपूर, धुळे, नंदुरबार व पालघर या सहा जिल्हा परिषदा व त्याअंतर्गत येणाऱ्या ४४ पंचायत समित्यांच्या गेल्या वर्षात घेतलेल्या निवडणुका सर्वोच्च न्यायालयातील याचिकांमधील निकालाच्या अधीन राहून घेण्यात आल्या होत्या. या बाबत आयोगाने तेव्हा स्पष्टपणे कळविले होते.

या निवडणुकांमध्ये अनुसूचित जाती, अनुसूचित जमाती व नागरिकांचा मागासवर्ग प्रवर्ग यांच्याकरिता आरक्षण देण्यात आलेल्या एकूण जागांची संख्या त्या स्थानिक स्वराज्य संस्थेतील एकूण जागांच्या ५० टक्‍क्यांपेक्षा जास्त होत असल्यास, अनुसूचित जाती व अनुसूचित जमातीस आरक्षित जागा एकूण ५० टक्के जागांमधून वजा केल्यानंतर उर्वरित जागांमधून नागरिकांच्या मागासवर्ग प्रवर्गाकरिता जास्तीत जास्त २७ टक्क्यांच्या मर्यादेत आरक्षण देय होते. 

राज्यात सहा जिल्हा परिषदा व ४४ पंचायत समितीच्या निवडणुका न्यायालयाच्या निकालाच्या अधीन राहत जानेवारी २०२० मध्ये झालेल्या आहेत. त्यात ५० टक्क्यांपेक्षा जास्त आरक्षण झाले आहे. जास्तीच्या जागा ४ मार्च २०२१ रोजीच्या निकालान्वये रिक्त झाल्याचे मानण्यात येईल, असे निवडणूक आयोगाने स्पष्ट म्हटले आहे.

ग्रामपंचायत, नगर पालिकांमधील सदस्यही अडचणीत
सर्वोच्च न्यायालयाच्या निकालामुळे राज्यात सहा जिल्हा परिषद व काही पंचायत समित्यांमधील सदस्यांचे पद धोक्यात आले. हाच निर्णय पुढील टप्प्यात ग्रामपंचायत, नगर पंचायती, नगर परिषदांना लागू होण्याची शक्यता वर्तविली जात आहे, असे झाल्यास मोठ्या संख्येने पदे रिक्त होण्याची चिन्हे व्यक्त होत आहेत.


इतर ताज्या घडामोडी
हापूस म्हणून इतर आंबा विक्री केल्यास...सांगली ः कर्नाटक आणि इतर राज्यांतून येणारा आंबा...
कांदा बियाण्यांत फसवणूक; कृषी विभाग...नगर ः रब्बीत कांदा लागवड करण्यासाठी यंदा गावराण...
नगर, नाशिकमध्ये दीड कोटी टन उसाचे गाळपनगर : नगर व नाशिक जिल्ह्यात आतापर्यंत २६ साखर...
साताऱ्यात ३२३ हेक्‍टरवर पिकांचे मोठे...सातारा : नुकत्याच झालेल्या पूर्वमोसमी वादळी पाऊस...
पुणे जिल्हा बँकेत ११०० कोटींवर ठेवी;...पुणे : देशातील अग्रगण्य पुणे जिल्हा मध्यवर्ती...
सातारा जिल्ह्यात रब्बीत १४४ टक्के कर्ज...सातारा : रब्बी हंगाम सर्वच बँकांनी पीककर्ज वितरण...
डाळिंब पिकाचे २१पासून ऑनलाइन प्रशिक्षणऔरंगाबाद : येथील कृषी विज्ञान केंद्र पैठण रोड व...
बिबट्याच्या हल्ल्यात दोन तरुण जखमीनगर : संगमनेर तालुक्यातील नान्नज दुमाला परिसरात...
सोलापूर जिल्ह्यात 'पूर्वमोसमी'चा २३००...सोलापूर : जिल्ह्यात चार- पाच दिवस झालेल्या...
सोयाबीन उत्पादकता वाढीसाठी प्रकल्प...औरंगाबाद : जालना जिल्ह्यातील आडगाव (भोंबे) येथील...
पाणीटंचाई निवारणाच्या उपाययोजना तातडीने...अकोलाः दरवर्षी उन्हाळ्यात जिल्ह्यातील ग्रामीण...
अकोला ‘झेडपी’च्या जमिनीला मिळाला २२...अकोला : जिल्हा परिषदेच्या मालकीची असलेली शेती ११...
अकोल्यात ५०० बेडचे कोविड हॉस्पिटल उभारा...अकोला : शहर व जिल्ह्यातील कोविड-१९ च्या...
मोताळा कृषी कार्यालयात कोरोनाचा शिरकावबुलडाणा : जिल्ह्यात कोरोना संसर्ग वाढत असून...
‘ताकारी’चे तिसरे आवर्तन २२ एप्रिलपासून...सांगली : ताकारी उपसा जलसिंचन योजनेचे आत्तापर्यंत...
‘म्हैसाळ’च्या पाण्याने तलाव भरून घ्या...जत, जि. सांगली : म्हैसाळ योजनेचे काम अंतिम...
कालव्या अभावी भंडाऱ्यात रखडले सिंचनभंडारा : साठ किलोमीटरचा कालवा पूर्ण होऊन अवघ्या...
वर्धा जिल्ह्यात चार लाख हेक्‍टरवर होणार...वर्धा : जिल्ह्यात खरिपाची लगबग वाढीस लागली आहे....
चहा खाणारे म्यानमारी लोकचहा प्यायचा असतो, हे आपल्याला माहिती आहे. नेहमीचा...
शेतकरी नियोजन पीक : काजूपारपोली आणि बांदा (ता.सावंतवाडी) या ठिकाणी माझी...