दक्षिण आशियात तापमानात किंचित वाढ राहणार; ऑक्टोबर-डिसेंबरसाठीचा अंदाज जाहीर
दक्षिण आशियात तापमानात किंचित वाढ राहणार; ऑक्टोबर-डिसेंबरसाठीचा अंदाज जाहीर

दक्षिण आशियात तापमानात किंचित वाढ राहणार; ऑक्टोबर-डिसेंबरसाठीचा अंदाज जाहीर

दक्षिण आशियातील देशांत मॉन्सूनोत्तर हंगामात (ऑक्टोबर ते डिसेंबर) सरासरीपेक्षा कमी पाऊस पडेल. तसेच तापमान सरासरीपेक्षा किंचित अधिक राहील, असा अंदाज साउथ एशियन क्‍लायमेट आउटलुक फोरमतर्फे (सॅस्कॉफ) व्यक्त करण्यात आला आहे.

पुणे : दक्षिण आशियातील देशांत मॉन्सूनोत्तर हंगामात (ऑक्टोबर ते डिसेंबर) सरासरीपेक्षा कमी पाऊस पडेल. तसेच तापमान सरासरीपेक्षा किंचित अधिक राहील, असा अंदाज साउथ एशियन क्‍लायमेट आउटलुक फोरमतर्फे (सॅस्कॉफ) व्यक्त करण्यात आला आहे.

गेल्या वर्षीच्या मॉन्सूनोत्तर पावसाचा आढावा आणि येत्या हंगामातील पावसाचा अंदाज व्यक्त करण्यासाठी दक्षिण आशियायी देशांच्या फोरमची १७ वी बैठक नुकतीच झाली. कोरोनाच्या पार्श्वभूमीवर ही बैठक ऑनलाइन पद्धतीने घेण्यात आली. भारतासह सर्व दक्षिण आशियायी देशांतील राष्ट्रीय व विभागीय पातळीवरील हवामानविषयक संशोधन संस्था या बैठकीत सहभागी झाल्या आहेत. या बैठकीत प्रशांत महासागर आणि भारतीय समुद्रातील हवामान स्थिती व माहिती विश्‍लेषण व विचारमंथनानंतर हा अंदाज जाहीर करण्यात आला.

मॉन्सूनोत्तर हंगामात दक्षिण आशियातील भारताची दक्षिणेकडील राज्ये, श्रीलंका, मालदीव या भागासाठी अत्यंत महत्त्वाचा आहे. यंदाच्या हंगामात अग्नेय भारत, श्रीलंका, मालदीव भागात सरासरीपेक्षा कमी पावसाची शक्यता आहे. तर हिमालय पर्वताच्या पायथ्यालगतच्या भागातही सरासरीपेक्षा कमी पाऊस पडण्याची शक्यता अधिक आहे. तर मध्य, दक्षिण भारताचा काही भाग, उत्तर आणि मध्य बंगालच्या उपसागरालगतच्या राज्यासह म्यानमारमध्ये सरासरीपेक्षा अधिक पाऊस पडण्याची शक्यता अधिक असल्याचे नमुद करण्यात आले आहे.

मॉन्सूनोत्तर हंगामात दक्षिण आशियातील बहुतांशी भागात तापमान सरासरी इतके किंवा त्यापेक्षा अधिक राहण्याची शक्यता आहे. जगभरातील हवामान स्थिती, विविध मॉडेलच्या निरीक्षणांच्या साहाय्याने हे अंदाज व्यक्त करण्यात आलेले आहे. प्रशांत महासागरात सध्या सौम्य ला-निना स्थिती आहे. तर इंडियन ओशन डायपोल सर्वसामान्य स्थितीत आहे. मॉन्सूनोत्तर काळात ही स्थिती कायम राहणार असल्याचेही सॅस्कॉफच्या अंदाजात नमुद करण्यात आले आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com