agriculture news in Marathi forest area reduced in Gadchiroli Maharashtra | Page 2 ||| Agrowon

गडचिरोलीत घटले जंगल क्षेत्र

टीम अॅग्रोवन
रविवार, 22 मार्च 2020

गेल्या आठ वर्षात राज्यात सर्वाधिक जंगलाचा भूभाग असणाऱ्या गडचिरोलीत तब्बल १७७.०६ चौरस किलोमीटर जंगल घटल्याचा धक्‍कादायक वास्तव समोर आले आहे. 

गडचिरोली ः जल, जंगल आणि जमीन संरक्षणासाठी शासनाकडून भर दिला जात आहे. असे असताना गेल्या आठ वर्षात राज्यात सर्वाधिक जंगलाचा भूभाग असणाऱ्या गडचिरोलीत तब्बल १७७.०६ चौरस किलोमीटर जंगल घटल्याचा धक्‍कादायक वास्तव समोर आले आहे. 

भारतीय वन सर्वेक्षण विभागाच्या वतीने दर दोन वर्षांनी इंडिया स्टेट ऑफ फॉरेस्ट रिपोर्ट प्रकाशित केला जातो. २०१९ या वर्षातील अहवाल नुकताच प्रकाशित करण्यात आला. त्यामध्ये गडचिरोली जिल्ह्यात कमी होणाऱ्या जंगल क्षेत्राचे वास्तव मांडण्यात आले आहे. इंडिया स्टेट ऑफ फॉरेस्टच्या अहवालानुसार २०१७ मध्ये गडचिरोली जिल्ह्यात एकूण १० हजार चार चौरस किलोमीटरचे जंगल होते. २०१९ मध्ये ९ हजार ९१६ चौरसमीटर जंगल शिल्लक राहिले आहे. त्यावरुन जंगलक्षेत्रात मोठ्या प्रमाणात तोड झाल्याचे स्पष्ट होते. 

जंगल तोड अशीच होत राहिल्यास गडचिरोलीचा जंगलासाठीचा लौकिक कमी होण्याची शक्‍यता वर्तविली जात आहे. ८० ते १०० वर्ष वय झालेली जवळपास पचा हजार हेक्‍टरवरील झाडे दरवर्षी तोडली जातात. त्या ठिकाणी नव्या रोपांची लागवड केली जाते.

राज्य शासनाच्या वृक्ष लागवड योजनेत २०१६ ते २०१९ या चार वर्षाच्या कालावधीत १५ हजार हेक्‍टरवर वृक्ष लागवड करण्यात आल्याची माहिती वनविभागाच्या सूत्रांनी दिली. ही झाडे लहान असल्याने ती सॅटेलाईच्या नजरेत येत नाहीत, असा दावाही करण्यात आला आहे. 

गडचिरोलीत धोक्याची घंटा
गडचिरोली जिल्ह्याचा एकूण विस्तार १४ हजार ४१२ चौरस किलोमीटर आहे. २०११ च्या अहवालात १० हजार ९४ चौरस किलोमीटरचे जंगलक्षेत्र दाखविण्यात आले आहे. एकूण भूभागाच्या टक्‍केवारीत हे प्रमाण ७०.०४ इतके होते. २०१९ मध्ये जंगल क्षेत्र ९,९१६ चौरस किलोमीटर राहिले असून ही टक्‍केवारी ६८.८१ इतकी आहे. ही या भविष्यासाठी धोक्‍याची घंटा मानली जात आहे.


इतर अॅग्रो विशेष
`अमूल`कडून शेतकऱ्यांना मंदीतही २००...पुणे : राज्यातील डेअरी उद्योग सध्या अतिशय बिकट...
राज्यात कोरोना रुग्णसंख्या ७४८;...मुंबई : राज्यातील कोरोनाचा विळखा वाढत चालला...
केंद्र सरकारकडून रासायनिक खत अनुदानात...पुणे: ऐन लॉकडाऊनच्या गोंधळात केंद्र सरकारने...
शेतकरी कंपन्यांची संकलन केंद्रे...पुणे:  ‘ई-नाम’ प्रणालीत गेल्या दोन...
कोरोनामुळे हापूस अडचणीत; मुंबई बाजार...मुंबई : मुंबई कृषी उत्पन्न बाजार समितीच्या वाशी...
कोरोनामुळे ‘टोमॅटो बेल्ट’ लॉकडाऊन; पुणे...पुणेः गेल्या काही वर्षात जिल्‍ह्यातील जुन्नर, खेड...
कोल्हापूर कृषी महाविद्यालयाकडून...कोल्हापूर : येथील कोल्हापूर कृषी महाविद्यालयाच्या...
राज्यात उष्ण, दमट हवामानाचा अंदाज;...पुणे : तापमानाचा पारा चाळीशी पार गेल्याने उन्हाचा...
राज्यात आत्तापर्यंत तेरा हजार टन...नगर ः कोरोना संसर्गाच्या पार्श्‍वभूमीवर...
प्रयोगशीलतेतून मिळवले आर्थिक स्थैर्यनाशिक जिल्ह्यातील आडगाव येथील शिवाजी शंकर देशमुख...
...शेतकरी मात्र 'फार्म क्वाॅरंटाइन' !सांगली : कोरोनाने सर्वांची झोप उडाली आहे. संपूर्ण...
केसरची चव यंदा दुर्मिळ; संकटांमुळे आंबा...औरंगाबाद: यंदा बहुतांश आंबा बागांना मोजकाच मोहर...
राज्यातील कोरोना बाधित रुग्णांची संख्या...मुंबई : राज्यात कोरोनाबाधित १४५ नवीन रुग्णांची आज...
दूध भुकटी योजनेसाठी १८७ कोटी मंजूर मुंबई: कोरोना विषाणूमुळे उद्भवलेल्या विपरीत...
फळे, भाजीपाला थेट विक्रीसाठी ...नगर : फळे, भाजीपाला विक्रीसाठी नगर जिल्ह्यामधील...
पहिल्याच दिवशी २६० किलो मोसंबी वाजवी...औरंगाबाद : आधी बागवानाने मागितली तेव्हा दिली नाही...
कृषी उत्पादनांसह निर्धारीत अत्यावश्‍यक...नवी दिल्ली: देशात कोरोना विषाणूचा प्रसार...
समाजविघातक वृत्तींवर कडक कायदेशीर...मुंबई: कृपा करून शिस्त पाळा, सहकार्य करा असे मी...
शेती अवजारे, स्पेअरपार्टस् दुकानांना...नवी दिल्ली: केंद्रीय गृहमंत्रालयाने शुक्रवारी (ता...
मराठवाड्यात आजही वादळी पावसाची शक्यता पुणे: उन्हाचा ताप वाढल्याने सोलापूर, मालेगाव,...