नगर ः नगर येथील दादा पाटील शेळके कृषी उत्पन्न बाजार समितीत गेल्या आठवडाभरात भाजीपाल्याच्या दरात सतत चढउतार होता. भाजीपाल्यात गवारची दर दिवसाला ८ ते १० क्विंटलची आवक झाली. दर पाच हजार ते सहा हजार रुपयाचा प्रतिक्विंटल मिळाला. ओल्या भुईमूग शेंगालाही चांगला दर मिळत आहे. टोमॅटो, कोबी, काकडी, सिमला मिरचीचे दर पडले होते. भुसारमध्ये मुगाची आवक वाढली आहे.
नगर येथील बाजार समितीत ९०० ते १ हजार क्विंटलपर्यंत दर दिवसाला भाजीपाल्याची आवक होत आहे. गेल्या आठवडाभरात वांग्यांची दर दिवसाला १५ ते १७ क्विंटलची आवक झाली. दर १ हजार ते २ हजार, टोमॅटोची १८७ ते २०० क्विंटलची आवक होऊन ५०० ते ७००, फ्लॉवरची ४४ ते ५० क्विंटलची आवक होऊन १ हजार ते १ हजार ५००, घोसाळ्याची ५ ते ८ क्विंटलची आवक होऊन २ हजार ते ३ हजार, दोडक्याची ५० ते ५५ क्विटंलची आवक होऊन १ हजार ते २ हजार, कारल्याची २२ क्विंटलची आवक होऊन ५०० ते १ हजार, वाल शेंगांची १३ ते १७ क्विंटलची आवक होऊन १ हजार ते १ हजार ५०० रुपयांचा दर मिळाला आहे.
ओल्या भुईमूग शेंगांची २ ते ३ क्विंटलची आवक झाली. दर ४ हजार ते ४ हजार ५०० रुपये मिळाला. हिरव्या मिरचीची ५५ ते ६० क्विंटलची आवक होऊन १ हजार ५०० ते २ हजार २००, शेवग्याची ९ ते १२ क्विंटलची आवक होऊन ५ हजार ते ६ हजार, मका कणसाची ३३ ते ३५ क्विंटलची आवक होऊन ५०० ते १०००, शिमला मिरचीची ३२ ते ३५ क्विंटलची आवक होऊन ५०० ते ८०० रुपयांचा दर मिळाला. मेथी, कोथिंबीर, पालक, शेपू, कढीपत्ता, मुळा, चुका, चवळी, वाटाण्याची आवक चांगली राहिली.
मुगाची आवक वाढली
जिल्ह्यात मुगाचे पीक मोठ्या प्रमाणात घेतले जाते. शिवाय, शेजारच्या जिल्ह्यातूनही मूग विक्रीला येत आहे. त्यामुळे बाजार समितीत मुगाची आवक वाढली आहे. येथे दर दिवसाला ४ ते ५ हजार क्विंटलची आवक होत आहे. दर ४ हजार ते ७ हजार १०० रुपये मिळत आहे. गावरान ज्वारीला अडीच हजारापर्यंत, गव्हाला १६७५ पर्यंत, सोयाबीनला ८ हजार १०० पर्यंत, मक्याला २ हजारापर्यंत, हरभऱ्याला ५ हजार ३०० पर्यंत, उडदाला सात हजारापर्यंत प्रतिक्विंटल दर मिळत आहे, असे बाजार समितीतून सांगण्यात आले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.