Agriculture news in marathi; Fourth time to prepare onion seedlings | Page 2 ||| Agrowon

चौथ्यांदा कांदा रोपे तयार करण्याची वेळ

टीम अॅग्रोवन
शनिवार, 16 नोव्हेंबर 2019

नाशिक  : जिल्ह्यात उन्हाळ कांद्याच्या लागवडी मोठ्या प्रमाणावर होतात. यासाठी सप्टेंबर-ऑक्टोबर महिन्यात कांदा उत्पादक शेतकऱ्यांनी उन्हाळ कांद्याची रोपे तयार करण्यासाठी उळे रोपे तयार करण्यासाठी टाकली. मात्र, सततचा पाऊस चालू राहिल्याने मोठ्या प्रमाणावर उतरलेली रोपे सडली आहेत; तर काही रोपे विरळ झाल्याने कांदा रोपांचा मोठा तुटवडा कांदा उत्पादकांना भासत आहे. त्यामुळे लागवडीसाठी अपेक्षित रोपे उपलब्ध होणार नसल्याने जिल्ह्यातील कांदा उत्पादकांना चौथ्यांदा रोपे टाकण्याची वेळ आली आहे. 

नाशिक  : जिल्ह्यात उन्हाळ कांद्याच्या लागवडी मोठ्या प्रमाणावर होतात. यासाठी सप्टेंबर-ऑक्टोबर महिन्यात कांदा उत्पादक शेतकऱ्यांनी उन्हाळ कांद्याची रोपे तयार करण्यासाठी उळे रोपे तयार करण्यासाठी टाकली. मात्र, सततचा पाऊस चालू राहिल्याने मोठ्या प्रमाणावर उतरलेली रोपे सडली आहेत; तर काही रोपे विरळ झाल्याने कांदा रोपांचा मोठा तुटवडा कांदा उत्पादकांना भासत आहे. त्यामुळे लागवडीसाठी अपेक्षित रोपे उपलब्ध होणार नसल्याने जिल्ह्यातील कांदा उत्पादकांना चौथ्यांदा रोपे टाकण्याची वेळ आली आहे. 

सिन्नर, येवला, चांदवड, निफाड, कळवण, देवळा व सटाणा तालुक्यात मोठ्या प्रमाणावर नुकसान झाले आहे. अनेक कांदा उत्पादक डेंगळे लागवड करून कांद्याचे बियाणे तयार करतात. मात्र, शेतकऱ्यांनी तयार करून टाकलेली रोपे खराब झाली आहेत. कांदा बियाणे टंचाई निर्माण झाली असून ८ ते ९ हजार रुपये पायलीप्रमाणे म्हणजेच जवळजवळ २ हजार रुपये किलोप्रमाणे बियाणे खरेदी करावे लागत आहे. त्यातच थोडे फार प्रमाणात उपलब्ध असलेल्या कांदा बियाणांचा दर वधारला आहे. अनेक कांदा उत्पादकांचे घरातील बियाणे संपले आहे. त्यामुळे खासगी कंपन्यांच्या बियाणांचे दर वाढले आहेत. उन्हाळ कांदा लागवड हंगाम एक महिना उशिरा जानेवारीअखेर पर्यंत कांदा लागवडी चालणार आहेत. निफाड तालुक्यातील गोदाकाठ परिसरात धुईचे प्रमाण जास्त आहे. त्यामुळे रोपे मोठ्या प्रमाणावर खराब होत आहेत. अवकाळी पावसाने शेतकरी आर्थिक संकटात सापडला आहे.

नुकसानीची सद्यःस्थिती 

  •  रोपांचे जिल्ह्यात ७० ते ८० टक्के नुकसान 
  •  घरगुती तयार केलेले कांदा बियाणे संपुष्टात
  •  नवीन बियाणे खरेदी करण्याची वेळ
  •  बियाण्याचा प्रतिकिलो १९०० ते २००० दर
  •  अपेक्षित उन्हाळ कांदा लागवडीची गती संथ

     

रोपे होती ती पावसाच्या तडाख्यात सापडून खराब झाली. आता १९०० किलोप्रमाणे महागाचे बियाणे घेऊन पुन्हा रोपे तयार करावे लागत आहे. कांद्याचा उत्पादनखर्च ५० टक्क्यांनी वाढला आहे. त्यामुळे चालू वर्षीचा उन्हाळ कांदा हंगाम अडचणीचा ठरत आहे. 
- ज्ञानेश्वर कांगुणे, 
कांदा उत्पादक, दरसवाडी, ता. चांदवड

उन्हाळ कांदा रोपे ८० ते 
९० टक्के रोप पावसाने खराब झाले आहे. शेतकऱ्यांनी घरगुती तयार केलेले बियाणे संपले; परंतु आता विकत बियाणे घेऊन रोपे तयार करावी लागणार 
आहेत. 
- योगेश अडसरे, 
करंजी खुर्द, ता. निफाड 

रोपे खराब झाल्याने लागवडी लांबणीवर गेल्या आहेत. मी ६ एकर क्षेत्रासाठी रोप तयार केले. मात्र, आता दोन एकरसुद्धा लागवड होणार नाही.
- शिवाजी ढाकणे, 
कांदा उत्पादक, चास, ता. सिन्नर
 


इतर ताज्या घडामोडी
बोंडारवाडी धरणप्रश्नी मेढा येथे आंदोलनमेढा, जि. सातारा : बोंडारवाडी धरण झालेच पाहिजे,...
ज्वारी उत्पादन यंदाही आतबट्ट्यातचनगर ः दोन वर्षं दुष्काळाच्या झळा सोसल्यानंतर यंदा...
जांभुळणी तलावाच्या कालव्याला गळतीखरसुंडी, जि. सांगली : जांभुळणी (ता. आटपाडी) येथील...
महिला शक्‍तीतूनच नवसमाजाची जडणघडण  ः...अमरावती  ः ‘जिच्या हाती पाळण्याची दोरी ती...
सोलापूर जिल्ह्यातील पाच नळपाणी योजना...सोलापूर : प्रादेशिक पाणीपुरवठा योजनेचे पाणी...
परभणी जिल्ह्यात फळबागेची ६३९ हेक्टरवर...परभणी : यंदा सिंचन स्त्रोतांना पाणी उपलब्ध आहे....
आंबेगाव तालुक्यात प्रतिकूल हवामानामुळे...निरगुडसर, जि. पुणे ः यंदा हवामानातील बदल व...
नगर जिल्ह्यात ४८ हजार हेक्टरवर चारा...नगर : जिल्ह्यात यंदा पाण्याची बऱ्यापैकी...
जळगाव जिल्ह्यात तूर विक्रीबाबत ८००...जळगाव  ः जिल्ह्यात यंदा झालेल्या अतिवृष्टीने...
पपई १४.५५ रुपये प्रतिकिलो शहादा, जि. नंदुरबार  : पपई उत्पादक शेतकरी व...
शेतीपंपांचा वीज वापर १६ टक्के; दाखविला...अकोला  ः शेतीपंपांचा वीज वापर १६ टक्केच होत...
कोल्हापुरात गवार, घेवड्याच्या दरात...कोल्हापूर : येथील कृषी उत्पन्न बाजार समितीत या...
सोलापुरात द्राक्ष, डाळिंबाला उठाव, दर...सोलापूर : सोलापूर कृषी उत्पन्न बाजार समितीच्या...
नगर जिल्ह्यात ज्वारीची आवक वाढली, दरात...नगर : नगर कृषी उत्पन्न बाजार समितीत गेल्या...
पुणे विभागात गव्हाचा १ लाख ६८ हजार...पुणे  ः पुणे विभागात गव्हाच्या पेरण्या...
खासदार औद्योगिक महोत्सवाच्या माध्यमातून...नागपूर  ः खासदार औद्योगिक महोत्सवाच्या...
अकोला कृषी विद्यापीठात विद्यार्थ्यांचे...अकोला  : ‘कृषी’चे पदव्युत्तर शिक्षण हे...
तीन जिल्ह्यांत तूर विक्रीसाठी २९...नांदेड  ः मराठवाड्यातील नांदेड, परभणी,...
आळसंद येथील पशुवैद्यकीय दवाखाना उद्‌...आळसंद, जि. सांगली : आळसंद (ता. खानापूर) येथे...
तीन जिल्ह्यांत सतरा लाख ४१ हजार क्विंटल...नांदेड  ः नांदेड, परभणी, हिंगोली जिल्ह्यांत...