agriculture news in Marathi FPOs procurement centers not Notified Maharashtra | Agrowon

शेतकरी कंपन्यांची संकलन केंद्रे अधिसूचित नाहीत

टीम अॅग्रोवन
सोमवार, 6 एप्रिल 2020

केंद्र सरकारने ‘ई-नाम’ अंतर्गत शेतमाल व्यापार प्रणालीमध्ये शेतकरी उत्पादक कंपन्यांच्या संकलन केंद्रांना सहभागी करून घेतले आहे. शेतकऱ्यांच्या कंपन्यांसाठी ही आनंदाची बाब आहे. त्यामुळे कंपन्यांची उलाढाल वाढेल. बाजार समित्यांच्या व्यतिरिक्त शेतकऱ्यांना शेतकऱ्यांना पारदर्शक व जलद व्यापारासाठी पर्याय मिळेल. राज्य शासनाने त्यासाठी अधिसूचित दर्जा देणे, कर कमी करणे असे उपाय तातडीने करायला हवेत. 
- योगेश थोरात, व्यवस्थापकीय संचालक, महाएफपीसी

पुणे:  ‘ई-नाम’ प्रणालीत गेल्या दोन वर्षांपासून समावेश असूनही शेतकरी उत्पादक कंपन्यांना व्यवहार करता आलेले नाहीत. या कंपन्यांना शेतमाल विक्रीसाठी प्रत्यक्ष बाजार समितीत जाण्याची अट केंद्राने काढली आहे; मात्र राज्य शासनाकडून या कंपन्यांची संकलन केंद्रांना अधिसूचित दर्जा केव्हा मिळणार, असा सवाल राज्यातील शेतकरी उत्पादक कंपन्यांनी उपस्थित केला आहे.

कोरोनाच्या पार्श्वभूमीवर केंद्राने ‘ई-नाम'मध्ये बदल केले आहेत. शेतमाल बाजारात नेण्याची अट काढली आहे. यामुळे शेतकरी कंपन्यांना बाजार समित्यांमध्ये जाण्याची गरज राहिलेली नाही. त्यांना थेट संकलन केंद्रांवरूनच शेतमालाच्या विक्रीचा मार्ग खुला करण्यात आला आहे. मात्र, संकलन केंद्रे अधिसूचित करण्याचा प्रश्न जैसे थे आहे.

राज्यात ‘महाएफपीसी’च्या माध्यमातून शेतकरी उत्पादक कंपन्यांनी ‘ई-नाम’ प्रणालीवर दोन वर्षांपूर्वीच नोंदणी केली होती. नोंदणी झाल्यानंतर पहिला सौदा २०१८ मध्ये झाला होता. त्यात हळदीसाठी सूर्या शेतकरी उत्पादक कंपनीने तर सोयाबीनचा सौदा कातपूर शेतकरी उत्पादक कंपनीने व्यवहार केले होते. मात्र, शेतकरी कंपन्यांना हा शेतमाल संबंधित बाजार समित्यांच्या आवारात नेण्याची सक्ती आधी होती. परिणामी ‘ई-नाम’वर शेतकरी कंपन्या सहभागी होऊन देखील व्यवहार होत नव्हते.

‘ई-नाम’ चे समन्वयक असलेली लघू कृषक व्यापार संघ (एसएफएएसी) तसेच केंद्रीय पणन विभागाच्या सहसचिवांकडे ही समस्या ‘महाएफपीसी’ने सातत्याने मांडली. शेतकरी उत्पादक कंपन्यांच्या संकलन केंद्रांवर ‘ई-नाम’ अंतर्गत व्यापार करण्यास मुभा दिली पाहिजे, अशी मागणी केली जात होती. या मुद्यांवर धोरणात्मक सुधारणांचा मसुदा देखील दोन वर्षांपूर्वी दिला गेला होता. त्यानंतर विविध व्यासपीठांच्या माध्यमातून पाठपुरावा सुरु ठेवला होता. अखेर कोरोनाच्या पार्श्वभूमीवर बाजार समित्यांमधील गर्दी टाळण्यासाठीचा एक उपाय म्हणून हा मुद्दा निकाली निघाला आहे. 

“राज्यातील शेतकरी उत्पादक कंपन्यांमुळे सध्याच्या बाजार व्यवस्थेला पर्यायी ठरणारी एक विकेंद्रित बाजार व्यवस्था तयार होते आहे. याच वेळी शेतकरी उत्पादक कंपन्यांच्या संकलन केंद्रांना ‘ई-नाम’च्या माध्यमातून शेतमाल व्यापार करण्यास केंद्र सरकारने मान्यता दिली. यामुळे पर्यायी आणि विकेंद्रित बाजार व्यवस्थेची प्रक्रिया वेगाने पुढे जाईल.

अर्थात, केंद्राने काहीही निर्णय घेतले तरी कृषी पणन हा विषय राज्य सरकारच्या अखत्यारीत येतो. त्यामुळे हे व्यवहार अधिसूचित ठिकाणांवरून होतील हे पाहण्याची जबाबदारी राज्याची आहे. हा निर्णय केव्हा होतो त्याकडे आमचे लक्ष लागून आहे” असे महाएफपीसीचे म्हणणे आहे.


इतर अॅग्रो विशेष
टोळधाडीचा राजस्थानमधील ९० हजार हेक्टरला...जयपूर, राजस्थान  ः राज्यातील २० जिल्ह्यांतील...
यंदा पायी वारी नाही; दशमीला पंढरीत...पुणे : आषाढी वारीची परंपरा जपण्यासाठी राज्य शासन...
अरबी समुद्रातून मॉन्सूनची पुढे चालपुणे : नैर्ऋत्य मोसमी वाऱ्यांनी (मॉन्सून)...
राज्यात आजपासून पूर्वमोसमी पावसाची...पुणे  : राज्यात पूर्वमोसमी पावसाला पोषक...
टोळधाडीच्या अस्तित्वाने विदर्भात पसरली...नागपूर   ः टोळधाड मध्यप्रदेशात...
दूध संघांना पेमेंट वाटप सुरुपुणे : राज्यातील दूध संघांनी शेतकऱ्यांना दिलेल्या...
वस्त्रोद्योग येतोय पूर्वपदावरजळगाव ः लॉकडाउनमुळे ठप्प असलेला देशातील...
नाशिक बाजार समिती पुन्हा सुरु;...नाशिक  : नाशिक बाजार समितीत दोन कोरोनाबाधित...
थेट पपई विक्रीतून मिळविला तिप्पट दर !परभणी ः कोरोनाच्या स्थितीमध्ये लॉकडाऊन व...
शेतमालाचे ऑनलाइन तारण कर्ज होणार उपलब्ध...मुंबई : टाळेबंदी कालावधीत शेतकऱ्यांना राज्य वखार...
अतिवृष्टी आणि अतिक्रमणामुळेच पूरस्थिती...मुंबई : अतिवृष्टी आणि अतिक्रमणामुळेच...
शेतकऱ्यांची अडवणूक झाली, तर...नगर : ‘‘शेतकऱ्यांसाठी काम करणे याला आपण सर्वांनी...
मॉन्सून अरबी समुद्रात; सोमवारपर्यंत...पुणे  : नैर्ऋत्य मोसमी वारे (मॉन्सून)...
सहकाराच्या त्रिस्तरीय रचना मोडण्यास...पुणे : राज्यातील काही जिल्हा मध्यवर्ती सहकारी...
उद्यापासून पूर्वमोसमी पावसाचा अंदाज;...पुणे : राज्यात अक्षरशः भाजून काढणाऱ्या उन्हापासून...
`गोकुळ' ची ४५ लाख लिटर दुधावर प्रक्रिया कोल्हापूर ः लॉकडाउनच्या काळात कोल्हापूर...
पीककर्जासाठी हेलपाटे, भ्रष्ट...संग्रामपूर, जि. बुलडाणा : वेळ सकाळी साधारण...
टोळधाडीमुळे अवघे ५० हेक्‍टरचे नुकसान :...नागपूर: टोळधाडीचा धोका अमरावती विभागात टळला असला...
राज्यात ४० हजार टन दूध पावडर पडूनपुणे : राज्यात ४० हजार टन दूध पावडर (भुकटी) पडून...
मागणीपेक्षाही एक लाख क्विंटल बियाणे...पुणे : ‘कोरोना’च्या पार्श्वभूमीवर लॉकडाउन असले...