agriculture news in marathi, fraud case against three seed companies, Maharashtra | Agrowon

तीन बियाणे कंपन्यांवर फसवणूकप्रकरणी गुन्हा
टीम अॅग्रोवन
बुधवार, 29 ऑगस्ट 2018

गुजरात, आंध्रप्रदेश राज्यातून बोगस बियाण्यांचा पुरवठा कंपन्यांनी केला. अशा बोगस बियाण्यांच्या विक्रीला कृषी विभागाने राज्यात परवानगी दिली. या साऱ्यामुळे शेतकऱ्यांचा हंगाम वाया गेला आहे. त्याची भरपाई कंपन्यांकडून व्हावी. कंपन्यांसह दोषी कृषी अधिकाऱ्यांविरोधात देखील कारवाई व्हावी. 
- देवेंद्र भुयार, विदर्भ अध्यक्ष, स्वाभिमानी शेतकरी संघटना.
 

अमरावती ः लागवड केलेल्या कपाशीच्या तीन कंपन्यांच्या वाणांवर १०० टक्‍के गुलाबी बोंड अळीचा प्रादुर्भाव झाल्याच्या शेतकऱ्याच्या तक्रारीवरून बेनोडा पोलिसांनी संबंधित कंपन्यांविरोधात फसवणुकीसह विविध कलमान्वये गुन्हे दाखल केले. 

स्वाभिमानी शेतकरी संघटनेने तालुका कृषी कार्यालयात केलेल्या डेरा आंदोलनानंतर रात्री उशिरा ही कारवाई करण्यात आली. शेतकऱ्याच्या तक्रारीवरून राज्यात पहिल्यांदाच अशा प्रकारचा फौजदारी गुन्हा दाखल करण्यात आला आहे. 

वरुड तालुक्‍यातील वाडेगाव येथील शेतकरी संजय महादेव साबळे यांनी ९ जून २०१८ रोजी शेतीधन कृषी सेवा केंद्रातून राशी ६५९, बायर बायो सायन्स कंपनीचे सुपर्ब खरेदी केले. गौरी कृषी सेवा केंद्रातून बायरचे सुपर्ब तसेच अंकुर कंपनीचे ३०२८ हे वाण खरेदी केले होते. ०.४० तसेच ०.७३ हेक्‍टर क्षेत्रावर याची लागवड करण्यात आली. 

दरम्यान बियाणे सदोष असल्याने त्यावर काही महिन्यांतच गुलाबी बोंड अळीचा प्रादुर्भाव दिसून आला. फूल आणि पात्यावर बोंड अळी दिसल्याची तक्रार शेतकऱ्याने पंचायत समितीकडे केली. त्याची दखल घेत वरुड तालुका कृषी अधिकारी, पंचायत समिती कृषी अधिकारी व शेतकरी संजय साबळे यांनी पाहणी केली. प्राथमिक पाहणी अहवाल जिल्हास्तरीय समितीकडे देण्यात आला. त्यानंतर जिल्हास्तरीय समितीने देखील संबंधित कंपन्यांच्या वाणावर १०० टक्‍के बोंड अळी झाल्याचे निरीक्षण नोंदविले. २४ ऑगस्ट रोजी हा अहवाल सादर करण्यात आला. 

स्वाभिमानीचे आंदोलन आणि गुन्हा
याप्रकरणी अंकुर, बायर आणि राशी या कंपन्यांविरोधात गुन्हे दाखल व्हावे, यासाठी स्वाभिमानी शेतकरी संघटनेचे विदर्भ अध्यक्ष देवेंद्र भुयार यांच्या नेतृत्वात वरुड तालुका कृषी कार्यालयात डेरा आंदोलन करण्यात आले. कृषिमंत्री चंद्रकांत पाटील तसेच कृषी राज्यमंत्री सदाभाऊ खोत यांच्याशी या आंदोलनासंदर्भाने संपर्क साधण्यात आले. त्यामुळे कृषी विभागात एकच धावपळ झाली. या घडामोडीनंतर रात्री उशिरा अंकुर सीडस प्रायव्हेट लिमिटेड नागपूर, बायर बायोसायन्स प्रा. लि. माधापूर हैदराबाद, राशी सिडस प्रा. लि. अत्तुर, तामिळनाडू या तीन कंपन्यांविरोधात फसवणूक तसेच बियाणे कायद्यातील तरतुदीनुसार गुन्हा दाखल करण्यात आला.

इतर अॅग्रो विशेष
व्यापाऱ्यांनी शेतमाल बाजारातील बदल...पुणे ः बाजार समित्या बरखास्त केल्यास सक्षम...
नांदेड : सोयाबीनचा पेरणीपेक्षा अधिक...नांदेड  ः यंदाच्या खरीप हंगामात जिल्ह्यात...
पंचनाम्यांची ‘अतिवृष्टी’; रातोरात ९३...पुणे ः राज्य शासनाची यंत्रणा पिकाचे पंचनामे...
पीकविम्यापासून वंचित राहिल्यास कंपनी...अकोला ः जिल्ह्यात गेल्या महिन्यातील पावसाने...
उसावर आता तांबेरा, तपकिरी ठिबकेकोल्हापूर: सातत्याने पडणारे धुके व जमिनीतील...
राजू शेट्टीं थेट काश्‍मीरात;...कोल्हापूर : काश्मीरमधील सफरचंद, अक्रोड, केशर...
खरीप पिकांसाठी आठ हजार तर, फळबागांसाठी...मुंबई: राज्यात अवकाळी पावसाने नुकसान...
विदर्भ, मराठवाड्यात गारठा कायमपुणे : कोकण, मध्य महाराष्ट्राच्या विविध भागात...
बांबू कलाकारीतून तयार केली ओळखकला पदवीधर असलेल्या सौ. संगीता दिलीप वडे यांनी...
पर्यावरण संवर्धन, लोक शिक्षणामध्ये ‘...अकोला, वाशीम जिल्ह्यांतील सुमारे तीस...
सत्ता अन् जीवन संघर्षराज्यातील विधानसभा निवडणुकीचा निकाल लागून २२ दिवस...
नुकसानीचा बोजा केंद्रप्रमुख, जिनिंग...जळगाव ः भारतीय कापूस महामंडळाने (सीसीआय) कापूस...
गडचिरोलीत रब्बी मक्‍यावर लष्करी अळीचा...गडचिरोली  ः धानकाढणीनंतर मका लागवड होणाऱ्या...
काटेकोर शेतीत द्राक्ष उत्पादक अग्रेसर:...पुणे : कष्ट व कौशल्याच्या बळावर कोणताही आकार आणि...
चीनमधील संत्रा खरेदीदारांचे शिष्टमंडळ...नागपूर ः चीनची बाजारपेठ मोठी असल्याने संत्रा...
रसायने, कीडनाशकांचा विवेकपूर्ण वापर...नवी दिल्ली: रसायने आणि कीडनाशकांचा अतिरेकी...
पीकविमा सुधारणेसाठी अखेर समिती स्थापनपुणे: ‘‘राज्यात सध्या राबविल्या जात असलेल्या...
नुकसानग्रस्त शेतकऱ्यांची मदत रखडण्याची...मुंबई: फडणवीस सरकारने नुकसानग्रस्त शेतकऱ्यांना...
काजू, आंबा, कोकम प्रक्रिया उद्योगाची...नाधवडे (जि. सिंधुदुर्ग) येथील भालचंद्र भिकाजी...
पुणे बाजार समितीत आवळा खातोय भाव,...‘क’ जीवनसत्वासाठी प्रसिद्ध असलेल्या आणि...