agriculture news in marathi fraud case Misleaded by agriculture commissionarte office : Information Commission | Agrowon

कृषिसेवक भरतीतील गैरव्यवहारावर पांघरूण; माहिती आयोगाचे गंभीर ताशेरे

टीम अॅग्रोवन
बुधवार, 12 ऑगस्ट 2020

राज्यात २०१६ मध्ये झालेल्या कृषिसेवक भरती प्रकरणात कृषी आयुक्तालयाने गैरव्यवहारावर पांघरूण घातले होते. तसेच, माहिती देण्यास देखील टाळाटाळ केली, असे ताशेरे राज्याच्या माहिती आयोगाने एका निकालपत्रात ओढले आहेत. 

पुणे : राज्यात २०१६ मध्ये झालेल्या कृषिसेवक भरती प्रकरणात कृषी आयुक्तालयाने गैरव्यवहारावर पांघरूण घातले होते. तसेच, माहिती देण्यास देखील टाळाटाळ केली, असे ताशेरे राज्याच्या माहिती आयोगाने एका निकालपत्रात ओढले आहेत. 

राज्य परीक्षा परिषदेमार्फत कृषी आयुक्तालयाने ७३० जागांसाठी परीक्षा घेतली होती. या परीक्षेतील गैरप्रकाराचा सूत्रधार आयुक्तालयाच्या आस्थापना विभागातच होता. ‘आस्थापना’तील तत्कालीन प्रशासनाधिकारी डी.आर. मखरे यांनीही माहिती दडविली होती. मात्र, युवक कॉंग्रेसचे नेते डॉ. विक्रम गायकवाड यांनी हे प्रकरण माहिती आयोगाकडे नेले. डॉ. गायकवाड विरूध्द कृषी आयुक्तालय या वादाकडे कृषी खात्याचे लक्ष लागू होते. 

‘‘आम्ही मागितलेली माहिती कृषी खात्याकडून विधानसभेत दिली जात होती. मात्र, कायदा असूनही आम्हाला मात्र माहिती दिली गेली नाही, असा युक्तिवाद आम्ही केला. माहिती दडवून ठेवण्याचा सामूहिक प्रयत्न आयुक्तालयाने केला,’’ असे डॉ. गायकवाड यांनी स्पष्ट केले. विधिमंडळाने या प्रकरणी चौकशीचे आदेश दिले होते.  

तसेच गुन्हे अन्वेषण मार्फत चौकशीची शिफारस कृषी सचिवाने केली होती. मात्र, कृषी खात्यातील अधिकाऱ्यांनी मोठी खेळी केली. घोटाळा केल्याचा संशय असलेल्या अधिकाऱ्यांचीच एक चौकशी समिती नेमली. समितीने ठरल्याप्रमाणे घोटाळेबहाद्दरांना ‘क्लीन चीट’ही दिली.

दरम्यान, या परीक्षेतील उत्तीर्ण विद्यार्थी पुढे महाराष्ट्र प्रशासकीय न्यायाधिकरणात गेले. न्यायाधिकरणाने आधीच्या चौकशी समितीच्या आधारे घोटाळा झाला नसल्याचे सांगत उत्तीर्ण परीक्षार्थी यांना कामावर रुजू करून घेण्याचे आदेश दिले. मात्र, डॉ. गायकवाड यांनी माहिती आयोगासमोर घोटाळ्याशी संबंधित अनेक बाबी निदर्शनास आणून दिल्या. 

माहिती आयुक्त संभाजी सरकुंडे यांनी निकालात म्हटले आहे की, ‘‘माहिती देण्याऐवजी सर्व गैरप्रकारावर पांघरून घातले गेले. न्यायाधिकरणाला वेळेत माहिती दिली गेली असती तर प्रकरण वेगळे झाले असते. अपिलार्थीस खूप त्रास झाला असून जनमाहिती अधिकाऱ्याने माहिती देण्यास टाळाटाळ केली आहे. प्रथम अपिलाचा निकाल देखील चुकीचा दिला. यातून अपिलार्थीस मानसिक, आर्थिक व शारिरीक त्रास झाला आहे. त्यामुळे २५ हजार रुपये नुकसानभरपाईपोटी द्यावे.” 

कृषी आयुक्तालयाने अनेक महिने या निकालाकडेही दुर्लक्षच केले. अखेर ५ ऑगस्टला पुन्हा जागे झालेल्या आयुक्तालयाने भरपाई अदा करण्यासाठी हालचाली सुरू केल्याची माहिती सूत्रांनी दिली. 

घोटाळा दडपण्यासाठी केंद्रेकरांची बदली
संशयास्पद अधिकाऱ्यांचीच चौकशी समिती नेमणे, मॅटच्या विरोधात उच्च न्यायालयात दाद न मागणे, तत्कालीन कृषी आयुक्त सुनील केंद्रेकर यांची तडकाफडकी बदली करणे या सर्व घटना म्हणजे कृषिसेवक भरतीचा महाघोटाळा दडपण्याचाच एक भाग होता, असा आरोप डॉ. गायकवाड यांनी केला आहे.


इतर बातम्या
पुणे विभागात खरीप कांद्याची ४० हजार...पुणे ः खरिपात अति पावसामुळे कांद्याचे नुकसान...
सोलापूर जिल्ह्यात पीक विमा नुकसान...सोलापूर : जिल्ह्यात मागील आठवड्यात झालेल्या...
नुकसान भरपाई देण्यास सरकार कटिबद्ध :...औरंगाबाद  : ‘‘आता झालेल्या पावसाने...
कांदा बियाणे मिळवण्यासाठी अकोल्यात...अकोला ः रब्बी कांदा लागवडीची लगबग सुरु झाली...
लातूर जिल्ह्यात अतिवृष्टीचा...लातूर ः या वर्षी सुरवतीपासून चांगला पाऊस होत...
जळगाव जिल्ह्यात मक्याची ९० हजार...जळगाव  ः खानदेशात ऑगस्टमध्ये सरासरीपेक्षा...
आजरा तालुक्‍यात भात कापणी सुरूआजरा, जि. कोल्हापूर ः आजरा तालुक्‍यात भात...
कारखानदारांना वाढत्या साखर साठ्याची...मुंबई  : राज्यात गेल्या गाळप हंगामातील ७२...
धानावरील तुडतुड्यांचे वेळीच व्यवस्थापन...नागपूर  : ‘‘सद्यास्थितीत पूर्व विदर्भात...
‘बाभळी’तील पाणी अडविण्यासाठी प्रयत्न...नांदेड : सर्वोच्च न्यायालयाच्या निर्णयामुळे...
नांदेड जिल्ह्यात पीकविम्यासाठी कंपनीकडे...नांदेड : जिल्ह्यात अतिवृष्टी तसेच पुराच्या...
जायकवाडी प्रकल्पातून ५५ टीएमसी पाण्याचा...औरंगाबाद : जिल्ह्यातील जायकवाडी प्रकल्पातून गत २५...
सांगली जिल्ह्यात सोयाबीनचे उत्पादन...सांगली ः जिल्ह्यात गेल्या पाच ते सहा...
आता खुल्या मिठाईवरही ‘वापर कालावधी’...नागपूर  : मिठाईच्या दुकानातील ‘ट्रे’ वर...
कुलगुरू निवड निकषांबाबत प्र-कुलपतींच्या...पुणे : कुलगुरू निवड निकषांच्या बदलाबाबत कुलपती...
मराठवाड्यातील अतिवृष्टीग्रस्तांना...मुंबई : विदर्भातील पुरापाठोपाठ मराठवाड्यातील...
कापूस खरेदीचे प्रभावी नियोजन करावे ः...मुंबई : आगामी हंगामामध्ये राज्यात सुमारे ४५० लाख...
ऊसतोड कामगार कल्याण महामंडळ कार्यान्वित...मुंबई : लोकनेते गोपीनाथराव मुंडे ऊसतोड कामगार...
सीमाभागातील साखर कारखान्यांचे मजूर...कोल्हापूर : जिल्ह्यात ऊस तोडणी मजुरांचे आगमन होत...
जळगावात उडदाला ७५०० रुपये क्विंटल दरजळगाव  ः एकीकडे अतिपावसाने उडदाचे मोठे...