Agriculture news in marathi Fraud of dal trader by Rs 4 crore | Agrowon

डाळ व्यापाऱ्याची चार कोटींनी फसवणूक 

टीम अॅग्रोवन
मंगळवार, 3 ऑगस्ट 2021

डाळ व्यापाऱ्याला आमिष दाखवून साखरेच्या व्यवसायात पैसा गुंतविण्यास भाग पाडले आणि ४ कोटी ११ लाख ४८ हजारांची फसवणूक केली. या प्रकरणी कळमना पोलिसांनी सहा जणांच्या टोळीवर फसवणुकीचा गुन्हा दाखल केला आहे.

नागपूर : डाळ व्यापाऱ्याला आमिष दाखवून साखरेच्या व्यवसायात पैसा गुंतविण्यास भाग पाडले आणि ४ कोटी ११ लाख ४८ हजारांची फसवणूक केली. या प्रकरणी कळमना पोलिसांनी सहा जणांच्या टोळीवर फसवणुकीचा गुन्हा दाखल केला आहे.

अमर खनवानी (तेलीपुरा पेवठा, कळमना), श्यामसुंदर सोमय्या, पंकज सोमय्या, तुलसीदास सोमय्या, उमाकांत ऊर्फ उमेश सोमय्या (सर्व रा. छाप्रूनगर) आणि दत्ता शिंदे (सोलापूर) अशी आरोपींची नावे आहेत. गांधीबाग येथे राहणारे दिलीप शांतिलाल जैन (वय ६२) डाळ, अन्नधान्य, तेल, बियाण्याचे विक्रेते आहेत. त्यांची कळमना येथे सुप्रिम पल्स मिलिंग इंडस्ट्रीज नावाने डाळमिल असून, डिप्टी सिग्नल येथे कार्यालय आहे.

सोमय्या कुटुंबीयांची नवदुर्गा इंडस्ट्रीज नावाने डाळमिल आहे. २०१९मध्ये जैन यांच्या ओळखीचे श्यामसुंदर सोमय्या इतर आरोपींना घेऊन जैन यांच्या कार्यालयात आले. सर्व आरोपींनी जैन यांना सांगितले की, सोलापूर येथील गोकूळ शुगर इंडस्ट्रीज लि. कंपनी सुपर स्टॉकिस्ट आहे. तुम्ही साखरेच्या व्यवसायात गुंतवणूक केल्यास जास्त नफा मिळेल. सोलापूर येथील गोकूळ शुगर येथे कमी भावात साखर मिळते. तुम्हाला साखरेची खरेदी करून आगाऊ पैसे द्यावे लागतील. साखरेची पोती आणणे आणि विकणे आम्ही करू. आम्ही सांगू त्यानुसार तुम्हाला बिल बनवून द्यावे लागेल आणि त्याचे पैसे १० ते २० दिवसांत मिळतील, असे आमिष दाखविले. त्यामुळे साखरेच्या व्यावसायात गुंतवणूक करण्याचा निर्णय घेतला. 

सुरुवातील दिले नियमित पैसे 
डिसेंबर २०१९मध्ये अमर खनवानीने जैन यांच्या कंपनीच्या माध्यमातून साखरेचा व्यावसाय सुरू केला. जैन यांचा विश्वास बसावा म्हणून अमरने सुरुवातीला ५० ते १०० टन साखर विकून त्याचे पैसे दिले. त्यामुळे जैन यांचा अमरवर विश्वास बसला. जानेवारी २०२०मध्ये अमरने जैन यांना दिनशॉ डेअरी फूड्स कंपनी आणि इतर कंपन्यांकडून साखरेची मागणी आली आहे. त्यांना ५०० टन साखरेची आवश्यकता आहे. प्रतिटन एक हजारांने साखर मिळणार असून, त्यात फायदा भरपूर आहे, असे सांगितले. झुलेलाल इंटरप्रायजेसकडून ३०० आणि ए. ए. ट्रेडर्सकडून २०० टन साखर बुक केली. ती साखर दिनशॉ कंपनीला देऊ. त्यामुळे जैन १ कोटी ६४ लाख ६३ हजार रुपये झुलेलाल आणि ए. ए. ट्रेडर्सच्या खात्यात भरले. 

चौकशी केल्यावर फुटले बिंग 
जैन यांनी दिनशॉ कंपनीकडून बिल मागितले, असता त्यासाठी दिनशॉसोबत व्हेंडर रजिस्ट्रेशन करणे आवश्यक असल्याचे सांगितले. त्यामुळे अमरने क्रिष्णा इंटरप्रायजेसच्या नावाने बिल तयार केले. १५ दिवस होऊनही दिनशॉकडून बिल न आल्याने जैन यांना अमरवर संशय आला. अशाप्रकारे अमर व इतर आरोपींनी जैन यांच्याकडून वेळोवेळी कोट्यवधी रुपये घेऊन त्यांची फसवणूक केली. या प्रकरणी कळमना पोलिसांनी विविध कलमान्वये गुन्हा दाखल केला. 


इतर बातम्या
अन्नधान्य भाववाढीच्या चर्चा निराधारपुणे : सध्या अन्नधान्य महागाईच्या चर्चांना ऊत आला...
राज्यात थंडीची चाहूलपुणे : नैऋत्य मोसमी वारे (मॉन्सून)...
इंधन दरवाढ, महागाई दिसत नाही, कांद्याची...नाशिक : एकीकडे इंधन खर्च, निविष्ठांचे वाढते दर,...
पावसामुळे द्राक्ष हंगामात अडचणी वाढल्यानाशिक : सप्टेंबर महिन्यापासून द्राक्ष उत्पादक...
सरासरी ते सरासरीपेक्षा कमी तापमानाचा...पुणे : नैर्ऋत्य मोसमी वाऱ्यांनी (मॉन्सून) १४...
महाराष्ट्राच्या समृद्ध पीकसंपदेचा...संगमनेर, जि. नगर ः ‘‘महाराष्‍ट्रात पिकांची मोठी...
सांगली जिल्ह्यात ५० टक्के द्राक्ष...सांगली : जिल्ह्यात द्राक्ष पिकाच्या फळछाटणीची गती...
आता तुम्हीच शोधा  कुठला कारखाना कुणी... पुणे : गेल्या पंधरा वर्षांत ६५ सहकारी साखर...
स्वाभिमानी-कारखानदार संघर्ष अटळ;  ‘...सांगली : कोल्हापूर जिल्ह्यातील शाहू, गुरुदत्त,...
पुणे जिल्ह्यातील आठवडे बाजार  सुरू...पुणे : कोरोना मार्गदर्शक सूचनांचे पालन करून...
सोयीच्या लोकांची प्रकरणे  सोमय्या झाकून...पुणे : राज्यात एकूण ४३ कारखान्यांची विक्री...
लखीमपूर खेरी घटनेतील  शेतकऱ्यांच्या...वर्धा : उत्तर प्रदेशातील लखीमपूर खेरी येथे भाजप...
नगर जिल्ह्यात रब्बीची  सहा टक्के पेरणी  नगर ः जिल्ह्यात यंदा आतापर्यंत रब्बीची ६...
रब्बीत यंदाही राहणार  हरभऱ्याचाच...अकोला : लवकरच रब्बीची लागवड सुरू होत आहे. या...
राज्यभरात निघणार लखीमपूर खेरी  किसान...  नाशिक : उत्तर प्रदेशमधील लखीमपूर खेरी...
धुळे जिल्हा बँकेत तिघे जण बिनविरोधधुळे ः धुळे-नंदुरबार जिल्हा बँकेची १७ जागांसाठी...
सोयाबीन-कापूस उत्पादक शेतकऱ्यांच्या ...बुलडाणा : विदर्भ, मराठवाडा, खानदेशातील कापूस,...
`तंत्रज्ञान पोहोचविण्यात कृषी...हिंगोली  ः ‘‘कृषी विद्यापीठे, कृषी विज्ञान...
नांदेड जिल्ह्यात ग्रामबीजोत्पादनात सात...नांदेड : जिल्ह्यात शेतकऱ्यांसाठी सहा हजार ३१...
यवतमाळ :नुकसानग्रस्त शेतकऱ्यांच्या ...आर्णी, यवतमाळ : परतीच्या पावसाने खरीप पिकांची...