कोल्हापूर : भुदरगड नॅचरल फार्मस कंपनीच्या माध्यमातून पुणे, गारगोटी, आजरा, गडहिंग्लज भागातील शहरी लोकांना भाजीपाला पोच करण्याचे काम सुरू आहे. या कंपनीच्या वतीने नुकताच सिंधुताई सपकाळ यांच्या सासवड येथील ममता बाल सदन येथील अनाथ आश्रमातील ६५ मुलींना मोफत भाजीपाला वाटप करण्यात आले. ‘कोरोना’ विषाणूच्या प्रादुर्भावामुळे दैनंदिन जनजीवन ठप्प झाले आहे. यातून मार्ग काढत अनेक शेतकऱ्यांनी थेट विक्री सुरू आहे.
भुदरगड नॅचरल कंपनीच्या (बी. एच) माध्यमातून गेल्या आठवड्यापासून शेतकऱ्यांकडून शेतमाल खरेदी करून त्याची विक्री विविध भागात सुुरू आहे. यामध्ये भुदरगड, आजरा, भागातील नाचणी, भात तर पुणे, नगर जिल्ह्यातील भाजीपाला, द्राक्षे, संत्रा व कलिंगडाची मोठ्या प्रमाणात खरेदी करून त्याचे वाटप शहरांतील विविध भागात करण्यात येत आहे.
या उपक्रमात कंपनीचे अध्यक्ष शशिकांत भोर, व्यवस्थापकीय संचालक बाळासाहेब सोळांकुरे, चिकोत्रा शेतकरी उत्पादक गटाचे उदय माने आदिंसह शेतकरी सहभागी झाले आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.