agriculture news in marathi, frp distribution status, pune, maharashtra | Agrowon

शेतकऱ्यांच्या खात्यात १५०० कोटींची एफआरपी जमा

टीम अॅग्रोवन
मंगळवार, 7 ऑगस्ट 2018

पुणे  : राज्यातील थकीत एफआरपीच्या वसुलीसाठी स्वाभिमानी शेतकरी संघटनेचे अध्यक्ष खासदार राजू शेट्टी यांनी घेतलेला आक्रमक पावित्रा आणि दुस-या बाजूला साखर आयुक्त संभाजी कडूपाटील यांनी सुरू ठेवलेल्या प्रशासकीय पाठपुराव्याला यश आले आहे. त्यामुळेच आतापर्यंत शेतक-यांच्या खात्यात एफआरपीचे १५०० कोटी रुपये जमा झाले आहेत.

पुणे  : राज्यातील थकीत एफआरपीच्या वसुलीसाठी स्वाभिमानी शेतकरी संघटनेचे अध्यक्ष खासदार राजू शेट्टी यांनी घेतलेला आक्रमक पावित्रा आणि दुस-या बाजूला साखर आयुक्त संभाजी कडूपाटील यांनी सुरू ठेवलेल्या प्रशासकीय पाठपुराव्याला यश आले आहे. त्यामुळेच आतापर्यंत शेतक-यांच्या खात्यात एफआरपीचे १५०० कोटी रुपये जमा झाले आहेत.

खासदार शेट्टी यांनी हजारो शेतक-यांसह कैफियत मोर्चा काढला होता. त्यात राज्याच्या कानाकोप-यांतून हजारो शेतकरी सहभागी झाले होते. मोर्चातील काही शेतकरी, तसेच महिलादेखील आसूड मारून थकीत एफआरपी व दूधदराबाबत संताप व्यक्त करीत होत्या. साखर कारखान्यांनी शेतक-यांचा अंत पाहू नये. थकीत एफआरपी न दिल्यास बळीराजाचा सायलेंट बॉंब आम्ही कधीही फोडू, असा इशारा खासदार शेट्टी यांनी दिला होता. या वेळी खासदार शेट्टी व साखर आयुक्त संभाजी कडूपाटील यांच्यात सकारात्मक चर्चा झाली. त्यामुळे मोर्चाची आक्रमकता कमी करण्यात आयुक्तांना यश लाभले होते.

सूत्रांच्या म्हणण्यानुसार, थकीत एफआरपीबाबत स्वाभिमानी शेतकरी संघटनेने २० जुलैपर्यंत साखर आयुक्तालयाला मुदत दिली होती. त्या वेळी १८०० कोटी रुपयांची एफआरपी शिल्लक होती. कारखान्यांनी ही थकीत एफआरपी दिली नाही, तर खासदार शेट्टी पुन्हा आयुक्तालयात येणार होते. त्याचा धसका घेत पुढील आंदोलन टाळण्याचा प्रयत्न प्रशासनाने केला.

विशेष म्हणजे साखर आयुक्त गेल्या एक महिन्यापासून थकीत एफआरपीचा रोज आढावा घेत होते. आयुक्तालयातील काही संचालक, सहसंचालक, तसेच प्रादेशिक सहसंचालक सतत साखर कारखान्यांच्या संपर्कात होते. या पाठपुराव्यामुळे काही कारखाने हैराण झाले, तर काहींनी कारवाईचा धसका घेतला.

साखर आयुक्तांच्या पाठपुराव्यामुळे आता १८०० कोटी रुपयांपैकी फक्त ३३८ कोटी रुपये एफआरपी थकीत आहे. ३१ सहकारी व २५ खासगी साखर कारखान्यांनी गेल्या महिन्यांपर्यंत ६९८ कोटी रुपये थकविले होते. यानंतर आयुक्तांनी नोटिसा काढल्यामुळे पुन्हा ३३० कोटी रुपये शेतक-यांच्या खात्यात जमा झाले. आता उर्वरित रकमेसाठीदेखील सतत पाठपुरावा सुरू आहे, असे सूत्रांनी स्पष्ट केले.

एफआरपीची स्थिती ः--

  • एफआरपी थकविणारे सहकारी साखर कारखाने ः ३१
  • एफआरपी थकविणारे खासगी साखर कारखाने ः २५
  • थकलेली एफआरपी ः ६९८ कोटी रुपये 
  • त्यातून वसूल केलेली एफआरपी ः ३३० कोटी रुपये 
  • अद्याप अदा न केलेली एफआरपी ः ३३८ कोटी रुपये

इतर ताज्या घडामोडी
कोल्हापुरात दिड हजार, खते, बियाणे...कोल्हापूर  : बियाण्यांच्या उगवणीप्रश्नी...
सांगली जिल्ह्यात दोन लाख १९ हजार हेक्‍...सांगली : जिल्ह्यात पावसांचा खंड असला तरी  ...
सांगली जिल्ह्यात खते, बियाण्यांच्या ६९...सांगली :‘कृषी विभागाने जिल्ह्यातील ६९ किटकनाशके,...
परभणी जिल्ह्यात आधार प्रमाणिकरणाचे २९...परभणी : महात्मा जोतिराव फुले शेतकरी कर्जमुक्ती...
सजीव प्रजातींची सर्वमान्य यादी...पृथ्वीवरील सर्व ज्ञात प्रजातींची जागतिक पातळीवर...
नाशिक जिल्ह्यात सोयाबीन बियाणे न...नाशिक : खरिपाच्या सुरुवातीला चांगला पाऊस झाला....
वऱ्हाडात कृषी विक्रेत्यांचा कडकडीत बंदअकोला : सोयाबीन बियाणे न उगवल्या प्रकरणी...
नाशिक जिल्ह्यात कृषी निविष्ठा...नाशिक : कृषी निविष्ठा विक्री केंद्रांवरील...
विदर्भात दहा हजार कृषी केंद्रांना टाळेनागपूर : कृषी विक्रेत्यांच्या न्याय्य...
पुणे जिल्ह्यात कृषी सेवा केंद्रे बंदपुणे : महाराष्ट्र फर्टिलायझर्स, पेस्टीसाईड्स...
सोलापुरात कृषी सेवा केंद्रांचा बंद...सोलापूर : बियाणे उगवणीबाबत झालेल्या तक्रारीच्या...
‘जिल्हा परिषद, ग्रामपंचायत अधिकारी, ...मुंबई : कोरोना विषाणूचा प्रादुर्भाव रोखण्यासाठी...
थेट विक्री बंदीची नोटीस मागे घ्या,...पुणे ः शेतकऱ्यांना पुणे शहरात थेट शेतमाल विक्रीला...
हमाल कोरोनाग्रस्त, जळगावात खतांचे रेक...जळगाव ः मालधक्क्यावर रेल्वे रेक रिकामे करणाऱ्या...
भात रोपवाटिकेत खोडकिडीचा प्रादुर्भावऑक्टोबर, नोव्हेंबरमध्ये खरिपातील भात पीक...
परभणीत भेंडी १२०० ते २००० रुपये...परभणी : ‘‘येथील पाथरी रस्त्यावरील फळे, भाजीपाला...
केळीवरील करपा रोगाचे नियंत्रणसध्या केळी पिकाच्या पील बागेत करपा रोगाचा...
वऱ्हाडातील शेतकऱ्यांचा सोयाबीनकडे अधिक...अकोला ः खरिपातील पेरण्या अंतिम टप्प्यात पोचल्या...
औरंगाबादमध्ये निम्म्याच शेतकऱ्यांची मका...औरंगाबाद  : जिल्ह्यात आधारभूत किमतीने भरड...
नांदेड, परभणी, हिंगोलीतील १२४ मंडळांत...नांदेड  ः नांदेड, परभणी, हिंगोली जिल्ह्यातील...