agriculture news in Marathi, FRP interest issue become in Sugar commissioner , Maharashtra | Page 2 ||| Agrowon

एफआरपीच्या व्याजाबाबत साखर आयुक्तालयात पेच
टीम अॅग्रोवन
गुरुवार, 12 सप्टेंबर 2019

पुणे  : उसाच्या थकीत एफआरपीचे विलंब व्याज शेतकऱ्यांना देण्याबाबत कायदेशीर तरतूद असली तरी त्याचे पालन कसे करावे, असा पेच साखर आयुक्तालयासमोर तयार झाला आहे. हा तिढा सोडविण्यासाठी आयुक्तालयात होणारी सुनावणी पुढे ढकलण्यात आल्याने शेतकऱ्यांचे लक्ष पुढील घडामोडींकडे लागून आहे. 

पुणे  : उसाच्या थकीत एफआरपीचे विलंब व्याज शेतकऱ्यांना देण्याबाबत कायदेशीर तरतूद असली तरी त्याचे पालन कसे करावे, असा पेच साखर आयुक्तालयासमोर तयार झाला आहे. हा तिढा सोडविण्यासाठी आयुक्तालयात होणारी सुनावणी पुढे ढकलण्यात आल्याने शेतकऱ्यांचे लक्ष पुढील घडामोडींकडे लागून आहे. 

१४ दिवसांत एफआरपीचे पेमेंट न केल्यास प्रतिवर्षी १५ टक्के व्याज शेतकऱ्यांना द्यावे लागेल, अशी तरतुद केंद्र शासनाच्या ऊस नियंत्रण कायद्यात आहे. मात्र, राज्यात या तरतुदीचे पालन होत जात नसल्याने शेतकरी हैराण झाले आहेत. ऊस दर नियंत्रण मंडळाचे सदस्य प्रल्हाद इंगोले, विधिज्ञ रामराजे देशमुख व शुंभूराजे देशमुख यांनी एका याचिकेद्वारे सर्वप्रथम हा मुद्दा उच्च न्यायालयाच्या निदर्शनास आणून दिला. 

“साखर कारखान्यांनी शेतकऱ्यांचे निश्चित किती विलंब व्याज थकविले आहे याविषयी अधिकृत माहिती शासनाने जाहीर केलेली नाही. साखर आयुक्तालयाने देखील त्याविषयी माहिती दिलेली नाही. अभ्यासकांच्या मते नांदेड विभागात ८० कोटी तर राज्यात ७०० कोटींच्या आसपास विलंब व्याज थकीत असावे. कायद्यातील सोयीच्या तरतुदी कारखाने वापरतात. मात्र, व्याज अदा करण्याच्या शेतकरी हिताच्या नियमात खोडा घातला गेला आहे,” अशी टीका श्री. इंगोले यांनी केली आहे. 

उच्च न्यायालयाने विलंब व्याजाबाबत याचिकेवर सुनावणी घेताना साखर आयुक्तांना १२ आठवड्यांत निर्णय घेण्याचे आदेश दिले आहेत. त्यानुसार आयुक्तालयाने २६ ऑगस्टला पहिली सुनावणी घेतली. मात्र, बुधवारची (ता. ११) सुनावणी पुढे ढकलण्यात आली. “विलंब व्याजाबाबत साखर कारखाने सतत वेगवेगळे कारण पुढे करीत आहेत. साखर आयुक्तालयाकडून देखील यापूर्वी चुकीची माहिती न्यायालयाला दिली गेली आहे. आता मात्र वेळेत निर्णय न झाल्यास आम्ही अवमान याचिका दाखल करू,” अशी माहिती विधिज्ञ रामराजे देशमुख यांनी दिली. 

दरम्यान, बुधवारच्या सुनावणीस साखर आयुक्त उपस्थित राहू न शकल्यामुळे येत्या १८ सप्टेंबरला पुन्हा सुनावणी होण्याची शक्यता आहे. प्रतिवादी साखर कारखान्यांपैकी काही कारखान्यांनी आपले लेखी म्हणणे साखर आयुक्तांकडे दिले आहे. विलंब व्याजाचा मुद्दा नांदेडमधील २०१४-१५ च्या थकीत एफआरपीपासून पुढे आला. मराठवाड्यातील शेतकऱ्यांनी वर्गणी काढून याचिका दाखल केल्याने या सुनावणीकडे सर्वांचे लक्ष लागून आहे. दुष्काळ, साखरेचे कमी दर तसेच इतर आर्थिक अडचणींमुळे विलंब व्याज देता येत नसल्याची व्यथा साखर कारखाने मांडत आहेत.

दुसऱ्या बाजूला व्याजाबाबत कायदा स्पष्टपणे शेतकऱ्यांच्या बाजूने आहे. मात्र, कायद्यानुसार कारखान्यांवर कारवाई केल्यास राजकीय हस्तक्षेप होतो. त्यामुळे विलंब व्याजाबाबत साखर आयुक्तालय गेल्या तीन वर्षांपासून तळ्यातमळ्यात भूमिका घेत असल्याचे शेतकरी प्रतिनिधींचे म्हणणे आहे.  

सदस्यांनी न्यायालयात मांडलेले मुद्दे
 १४ दिवसांत एफआरपी न दिल्यास १५ टक्के व्याजाची तरतूद  
 या तरतुदीच्या पालनाकडे राज्यात दुर्लक्ष होत असल्याची तक्रार 
 थकीत व्याजाची माहिती साखर आयुक्तालय, शासनाने दडविली
 नांदेड विभागात ८० कोटी व्याज थकीत असण्याची शक्यता
 आयुक्तालयाने न्यायालयात चुकीची माहिती दिली
 वेळेत निर्णय न झाल्यास अवमान याचिका दाखल करणार

इतर अॅग्रो विशेष
कोकण कृषी विद्याठाकडून बांबूच्या २६...दाभोळ, जि. रत्नागिरी  : कोकणात व्यावसायिक...
नगर जिल्ह्यात तागावर स्पोडोप्टेरा अळीचा...नगर ः मक्यावर अमेरिकन लष्करी अळीने (स्पोडोप्टेरा...
पावसामुळे खानदेशात उडदाचे नुकसानजळगाव  ः सततच्या पावसामुळे खानदेशात उडदाचे...
नागपूर विभागात तीन गावे लष्करी अळीच्या...नागपूर ः राज्यभरात मक्‍यावरील अमेरिकन लष्करी...
राज्यात अनेक ठिकाणी हलक्या ते मध्यम सरीपुणे ः  कमी दाबाच्या क्षेत्रामुळे राज्यातील...
श्रमशक्तीच्या जागरातून घडवूया समृद्ध...कितीही प्रगती झाली तरी मानवी जीवन, निसर्ग आणि...
शेतकऱ्यांच्या ‘महारोषा’चे काय?मुख्यमंत्री देवेंद्र फडणवीस यांच्या नेतृत्वाखालील...
खानदेशात लष्करी अळीकडून ४० टक्के मका...जळगाव  ः खानदेशात मका पिकावर अमेरिकन लष्करी...
नाशिक जिल्ह्यात मका लष्करी अळीच्या...नाशिक  : जिल्ह्यात यंदा अमेरिकन लष्करी अळीचा...
शेतकऱ्यांसाठी 'इर्मा' लागू करण्याचा...पुणे : राज्यात शेतकऱ्यांसाठी इर्मा अर्थात ‘‘इनकम...
दसरा-दिवाळीपर्यंत अभूतपूर्व 'कांदाटंचाई'पुणे : राज्यातील बाजार समित्यांत दोन दिवसांत...
कोकण, मध्य महाराष्ट्रात जोरदार पावसाची...पुणे : कर्नाटक, गोवा, अरबी समुद्र, कोकण आणि...
ठिकठिकाणी पावसाची हजेरीपुणे ः कमी दाबाचे क्षेत्र सक्रिय झाल्याने...
पाच कीटकनाशकांवर अमरावती विभागात दोन...मुंबई : कीटकनाशकांच्या वापरामुळे शेतकरी व...
मज चंद्र हवास्थळ बंगळूर, सात सप्टेंबरची मध्यरात्र, वेळ १...
विविधतेतच एकताहिंदी भाषा दिनानिमित्त केंद्रीय गृहमंत्री अमित...
एकत्रित प्रयत्नांमधून झाले लष्करी अळी...नाशिक येथील के. के. वाघ कृषी महाविद्यालयाने...
पुरंदर, सासवडच्या सीताफळांची परराज्यात...पुणे जिल्ह्यातील पुरंदर, सासवडचे नाव काढताच...
कापडे, हळनोर, कांबळे यांना यंदाचा ‘डॉ....पुणे ः ‘सकाळ माध्यम समूहा’तील ‘ॲग्रोवन’चे...
जल ‘अ’नीतीया वर्षी महापूर आणि दुष्काळ या दोन्ही समस्यांचा...