agriculture news in marathi, frp may paid in steps, pune, maharashtra | Agrowon

एफआरपीचे दोन टप्पे करण्यासाठी हालचाली
टीम अॅग्रोवन
गुरुवार, 6 सप्टेंबर 2018

साखर कारखान्यांनी एफआरपीनुसार पेमेंट करणे कायद्याने बंधनकारक आहे. ऊस उत्पादकांना कष्टाचा मोबदला मिळालाच पाहिजे. मात्र, किमान दोन टप्प्यांत एफआरपी देण्याची सवलत मिळाल्यास कारखान्यांची आर्थिक दमछाक थांबेल.
- बी. बी. ठोंबरे, अध्यक्ष, वेस्ट इंडियन शुगर मिल्स असोसिएशन (विस्मा)
 

पुणे  ः साखर कारखान्यांनी ऊस उत्पादकांना एकरकमी एफआरपी देण्याचे बंधन शिथिल करण्याच्या हालचाली सुरू झाल्या आहेत. थकीत एफआरपीमुळे थेट मालमत्ता विकण्याची वेळ कारखान्यांवर येत असल्यामुळे किमान दोन टप्प्यात एफआरपी देण्याची सवलत मिळावी, असा हा प्रस्ताव आहे. त्यासाठी केंद्र सरकारकडे पाठपुरावा सुरू असल्याची माहिती साखर उद्योगातील सूत्रांनी दिली.

राज्यात यंदा एफआरपीपोटी ५१ साखर कारखान्यांनी शेतकऱ्यांचे ४३७ कोटी रुपये थकवले होते. एकरकमी एफआरपी देता न आल्याने २२ साखर कारखान्यांना मालमत्ता जप्तीच्या नोटिसा काढण्यात आल्या. जप्तीच्या भीतीने आर्थिक ताणतणावाखाली जात ३९१ कोटी रुपये कारखान्यांनी भरले आहेत. अजूनही चार कारखान्यांना एफआरपी देता आलेली नाही.

`कारखान्याकडे पैसा असो की नसो, साखरेला भाव मिळो अथना ना मिळो; पण एफआरपी मात्र एकाच टप्प्यात देण्याची सध्याची अट आहे. ही अट मोडल्यावर थेट कारखान्यांच्या मालमत्ता विक्रीला सामोरे जावे लागते. ही जाचक अट पूर्ण करण्याच्या प्रयत्नात कारखाने आर्थिक संकटात सापडतात. कारण कारखान्यांना कर्जबाजारी झाल्याशिवाय एकरकमी एफआरपी देता येत नाही.
मुळात एफआरपी बुडवून आम्हाला कारखाने चालवायचे नाहीत. काही कारखान्यांनी शेतकऱ्यांना एफआरपी पेक्षाही जादा पेमेंट दिले आहे,` असे मत सहकारी साखर कारखान्यांच्या सूत्रांनी व्यक्त केले.

खासगी कारखान्यांच्या सूत्रांनी दिलेल्या माहितीनुसार, पुढील हंगामात एफआरपीतील वाढ तसेच विक्रमी साखर उत्पादनाचा अंदाज यामुळे साखर कारखान्यांना पुन्हा एकदा आर्थिक संकटाला सामोरे जावे लागू शकते. वेळेत निर्यात करून साखरेचा पैसा कारखान्यांना मिळाला नाही तर एफआरपीसाठी पैसा कसा आणायचा असा प्रश्न कारखान्यांसमोर आतापासूनच उभा आहे, असे त्यांनी सांगितले.
 
एफआरपीच्या वाटपासाठी गुजरात फॉर्म्युला अतिशय उपयुक्त आहे. गुजरातच्या शेतकऱ्यांना देशातील सर्वात जास्त दर मिळतो. तेथे शेतकऱ्यांना तीन टप्प्यात एफआरपी दिली जाते. पहिल्या टप्पा अॅडव्हान्सचा, दुसरा टप्पा हंगाम सुरू झाल्यावर तीन महिन्यांनी आणि शेवटचा तिसरा टप्पा हंगाम संपल्यानंतर मिळतो. या फॉर्म्युल्यामुळे एकाही कारखान्याला एफआरपीसाठी आर्थिक संकट ओढवून घेण्याची वेळ येत नाही, असे राष्ट्रीय सहकारी साखर कारखाने महासंघाचे व्यवस्थापकीय संचालक  प्रकाश नाईकनवरे यांनी सांगितले.
 

असे होणार येत्या हंगामातील एफआरपी पेमेंट

  • १० टक्के मूळ उताऱ्यासाठी प्रतिक्विंटल २७५ रुपये.
  • १० टक्क्यांच्या पुढे ०.१ टक्के उताऱ्यासाठी प्रतिक्विंटल २.७४ रुपये.
  • १० टक्क्यांपेक्षा कमी आणि ९.५ टक्के उतारा असल्यास ०.१ टक्क्याकरिता प्रतिक्विंटल २.७५ रुपये.
  •  ९.५ टक्के किंवा त्यापेक्षा कमी उतारा असल्यास प्रतिक्विंटल २६१.२५ रुपये.

इतर अॅग्रो विशेष
अनुदान नव्हे; योगदानच वाचवेल शेतीलावातावरण बदल आणि कोसळणाऱ्या पाऊस धारा अथवा कडक...
साखर निर्यातीची सुवर्णसंधीपावसाळी स्थितीमुळे निर्यात न होऊ शकलेल्या साखर...
कापूस लोकायची लाज राखते; पण आमचं काय? यवतमाळ : ‘‘आमच्या कापसापासून तयार कपड्यानं आमी...
कंपोस्ट खते बनविण्याच्या पद्धतीजमिनीचा कस टिकविण्यासाठी सेंद्रिय पदार्थांचा...
एकदम बाजार समित्या बरखास्त करू नका:...पुणे ः केंद्रीय अर्थमंत्र्यांनी बाजार समित्या...
पावसाने मोसंबीच्या उत्पादनातही संकटाची...औरंगाबाद : लिंबूवर्गीय फळपिकात 'राजा' पीक म्हणून...
आंतरराष्ट्रीय द्राक्ष चर्चासत्र आजपासूनपुणे: राष्ट्रीय द्राक्ष संशोधन (एनआरसीजी)...
राज्यात पीकहानी ७० लाख हेक्टरच्याही...पुणे : केंद्र शासनाला पाठविल्या जाणाऱ्या अहवालात...
राज्यात गारठा वाढला; नगर १२.१ अंशावरपुणे : किमान तापमानात घट होत असल्याने राज्यात...
साखर कारखान्यांसाठी कर्ज परतफेडीचा...नवी दिल्ली ः केंद्र सरकारने साखर कारखान्यांसाठी...
दोडका पिकाने उंचावले अर्थकारणधामणखेल (ता. जुन्नर, जि. पुणे) येथील चंद्रकांत...
पेरू विक्रीसाठी प्रसिद्ध पेरणे फाटापुणे जिल्ह्यातील हवेली आणि शिरूर तालुक्यांच्या...
जळगावचे उडीद मार्केट यंदा पोचले...उडीद उत्पादनात खानदेश अग्रेसर आहे. जळगावच्या...
पर्यायाविना निर्णय घातकच! ऑ नलाइन राष्ट्रीय कृषी बाजार (ई-नाम) अधिक...
नैसर्गिक आपत्तीपासूनचा धडा काही वेदनांमधून सुखद आनंदप्राप्ती होते, तर काही...
किमान तापमानात किंचित वाढपुणे  : राज्यात थंडीची चाहूल लागल्यानंतर...
बाजार समित्यांना सक्षम पर्याय द्याः...पुणे ः केंद्रीय अर्थमंत्री निर्मला सीतारामन यांनी...
पावसाने संत्र्यात ४० टक्के फळगळ; ४००...नागपूर : राज्याचे मुख्य फळपिकांत महत्त्वाचे स्थान...
हमीभावाने कापूस खरेदी २० नोव्हेंबरपासून...जळगाव : भारतीय कापूस महामंडळ (सीसीआय) व...
बारा लाख टन साखर निर्यातीचा मार्ग मोकळापुणे : केंद्र शासनाने मुदतवाढ दिल्यामुळे देशातील...