Agriculture news in Marathi Fruit arrivals increased in Mumbai Market Committee | Agrowon

मुंबई बाजार समितीत फळांची आवक वाढली 

टीम अॅग्रोवन
शनिवार, 4 एप्रिल 2020

मुंबई : जीवनावश्यक वस्तूंचा योग्य पुरवठा व्हावा, यासाठी भाजीपाला आणि अन्नधान्याचा बाजार सुरळीत सुरू केल्यानंतर आता घाऊक बाजारातील फळ बाजारही पूर्वपदावर यायला सुरुवात झाली आहे. भाजीपाल्याप्रमाणे फळांच्या बाजारातही गाड्यांच्या आवकीवर मर्यादा आली आहे. घाऊक फळ बाजारात गुरुवारी कलिंगड, टरबूज, संत्री आणि द्राक्षांची चांगली आवक झाली. यामुळे शेतकऱ्यांनाही दिलासा मिळताना दिसत आहे. 

मुंबई : जीवनावश्यक वस्तूंचा योग्य पुरवठा व्हावा, यासाठी भाजीपाला आणि अन्नधान्याचा बाजार सुरळीत सुरू केल्यानंतर आता घाऊक बाजारातील फळ बाजारही पूर्वपदावर यायला सुरुवात झाली आहे. भाजीपाल्याप्रमाणे फळांच्या बाजारातही गाड्यांच्या आवकीवर मर्यादा आली आहे. घाऊक फळ बाजारात गुरुवारी कलिंगड, टरबूज, संत्री आणि द्राक्षांची चांगली आवक झाली. यामुळे शेतकऱ्यांनाही दिलासा मिळताना दिसत आहे. 

उन्हाळ्याचा हंगाम सुरू झाला आहे. या काळात मोठ्या प्रमाणात रसदार फळांना मागणी असते. आंब्याबरोबरच कलिंगड, टरबूज, खरबूज, पपई या फळांचीही आवक या मोसमात होते. मात्र, सध्याच्या लॉकडाऊनमुळे या फळांची आवक कित्येक दिवस थांबली होती. अधूनमधून दहा-वीस गाड्या फळे बाजारात येत होती. यामुळे शेतकऱ्यांचे मोठे नुकसान होत आहे. शिवाय व्यापाऱ्यांनाही बाजार नसल्याने आर्थिक फटका बसत होता. आता बाजारातील परिस्थिती सुधारत असल्याने बाजारातील मोजक्या व्यापाऱ्यांनी फळे मागवायला सुरुवात केली आहे. ४० ते ४५ टक्के फळांची आवक घाऊक बाजारात होत आहे. 

घाऊक फळ बाजारात गुरुवारी सर्व नियमांचे पालन करून २०७ फळांच्या गाड्या आल्याची नोंद बाजार समितीने केली. या पैकी १७३ फळांच्या गाड्या फळे घेऊन मुंबई आणि उपनगरात पाठवल्या गेल्या आहेत. फळांचा ७० टक्के व्यवसाय रस्त्यावर बसणाऱ्या, डोक्यावर टोपली घेऊन फिरणाऱ्या फेरीवाल्यांकडून होतो. मात्र, हे फेरीवाले गावी गेल्याने आता त्यांच्याकडून खरेदीसाठी येण्याचे प्रमाण कमी झाले आहे. त्यामुळे घाऊक फळ बाजारात बाजारात येणाऱ्या मालाच्या प्रमाणात खरेदीदार कमी संख्येने येत असल्याची माहिती घाऊक व्यापारी शिवाजीराव चव्हाण यांनी दिली. मात्र, असे असले तरी जो काही थोडा माल येतो, त्यामुळे शेतकऱ्यांना काहीसा दिलासा मिळत आहे. 

अनेक शेतकऱ्यांच्या बागेत फळे तयार झाली आहेत. ती लगेच विकली गेली नाहीत तर ती शेतातच खराब होतील. लागवडीवर केलेला खर्चही वाया जाईल. त्यामुळे थोड्या थोडक्या प्रमाणात तरी फळांना बाजार मिळावा, असे शेतकरी सांगत आहेत. आता घाऊक बाजार सुरू झाल्याने शेतकरी आणि व्यापारी यांना दिलासा मिळाला आहे. 
 


इतर ताज्या घडामोडी
सोलापूर जिल्ह्यात मराठा आरक्षणासाठी...सोलापूर  : मराठा समाजाला आरक्षण...
मुक्त विद्यापीठात कृषीविषयक अभ्यासक्रम...नाशिक : ‘‘यशवंतराव चव्हाण महाराष्ट्र मुक्त...
सोलापूर जिल्ह्यात दहा हजार हेक्‍टरवर...सोलापूर : जिल्ह्यात गेल्या तीन-चार दिवसांपासून...
सोलापूर जिल्हा बॅंक देणार अल्प मुदतीचे...सोलापूर : सोलापूर जिल्हा मध्यवर्ती सहकारी...
परभणी, हिंगोलीत ओल्या दुष्काळाचे सावटपरभणी : परभणी, हिंगोली जिल्ह्यातील अनेक मंडळांत...
जळगाव जिल्ह्यात उडीद, मूग खरेदीची...जळगाव : शासकीय उदीद, मूग खरेदीसंबंधीची प्राथमिक...
परभणीत भरपाईसाठी ‘स्वाभिमानी’ची पिकांसह...परभणी : अतिवृष्टीमुळे शेती पिकांचे अतोनात नुकसान...
नाशिक जिल्ह्यात खरिपासह भाजीपाला पिके...नाशिक : जिल्ह्याच्या सर्वदूर भागात शनिवारी (...
`औरंगाबाद जिल्ह्यातील नुकासानग्रस्त...औरंगाबाद : सतत सुरू असलेल्या पावसाने कोणत्या...
ऊसतोडणी दर ठरविताना उत्पादकांवरील बोजा...पुणे : दहा लाख ऊसतोडणी कामगारांच्या वतीने विविध...
मराठा आरक्षणावरील अंतरिम स्थगिती उठवावीमुंबई : मराठा आरक्षणासंदर्भात सर्वोच्च...
‘मुळा’तून विसर्ग बारा हजार क्युसेकवर...नगर ः नगर जिल्ह्यातील मुळा धरणाच्या पाणलोटात पाऊस...
शेतकऱ्यांना कॉर्पोरेट कंपन्यांच्या...कोल्हापूर : पाशवी बहुमताच्या बळावर भलेही तुम्ही...
मोताळा तालुक्यात वादळी पावसाने नुकसानबुलडाणा ः जिल्ह्यात शनिवारी (ता. १९) वादळी...
नाशिकमध्ये वाटाण्याची आवक कमीच; दरात...नाशिक : येथील कृषी उत्पन्न बाजार समितीमध्ये...
नागपूर जिल्ह्यात पुराचा २९ हजार...नागपूर : पुरामुळे जिल्ह्यात २९ हजार २६२...
सोलापुरात पितृपंधरवड्यामुळे गवार,...सोलापूर ः पितृपंधरवड्यामुळे सोलापूर कृषि उत्पन्न...
डाळिंब फळपिकातील तेलकट डाग व्यवस्थापनसोलापूर, सांगली, नाशिक आणि नगर यासारख्या...
औरंगाबादमध्ये मूग, उडीद, ज्वारी,...औरंगाबाद : येथील कृषी उत्पन्न बाजार समितीमध्ये गत...
बार्शी बाजार समितीत उडीद, मूग हमीभाव...सोलापूर : बार्शी कृषी उत्पन्न बाजार समितीमध्ये...