पुणे जिल्ह्यात फळ पीकविमा योजना लागू

पुणे जिल्ह्यात फळ पीकविमा योजना लागू
पुणे जिल्ह्यात फळ पीकविमा योजना लागू

पुणे : जिल्ह्यातील द्राक्षे, डाळिंब, केळी, आंबा, मोसंबी, संत्री या अधिसूचित फळपिकासाठी पंतप्रधान फळ विमा योजनेतंर्गत पुनर्रचित हवामान आधारित फळ पीकविमा योजना आंबिया बहारमध्ये लागू करण्यात आली आहे. फळ पीकनिहाय अधिसूचित महसूल मंडळामध्ये ही योजना राबविण्यात येईल. यामध्ये शेतकऱ्यांच्या फळपिकांना हवामान धोके, कमी, जास्त पाऊस, वेगाचा वारा, गारपीट व सापेक्ष आर्द्रता या पासून निर्धारित केलेल्या कालावधीत विमा संरक्षण देण्यात येईल. 

ही योजना भारतीय कृषी विमा कंपनी लिमिटेडतर्फे राबविण्यात येत आहे. ती कर्जदार शेतकऱ्यांना सक्तीची असून बिगर कर्जदारांना ऐच्छिक आहे. शेतकऱ्यांचे अर्ज, विमा हप्ता ऑनलाइन पध्दतीने स्वीकारले जातील. सर्वसाधारण सेवा केंद्र सर्व गावांमध्ये सुरू होईपर्यंत बिगर कर्जदार शेतकऱ्यांनी विमा हप्त्याची रक्कम नजीकच्या बँक शाखेमध्ये भरावी. आपले सरकार सेवा केंद्र (डिजिटल सेवा केंद्र) वरही अर्ज भरता येतील. विमा अर्जासाठी सात बारा उतारा, आधार कार्ड, शेतकऱ्यांचे स्वयंघोषणा प्रमाणपत्र व बँक खात्याचा तपशील ही कागदपत्रे आवश्यक असतील. अधिसूचित क्षेत्रातील जास्तीत जास्त शेतकऱ्यांनी या योजनेत सहभागी व्हावे, अधिक माहितीसाठी शेतकऱ्यांनी संबंधित तालुका कृषी अधिकारी कार्यालयाशी संपर्क साधावा, असे आवाहन जिल्हा अधीक्षक कृषी अधिकारी बाळासाहेब पलघडमल यांनी केले.

फळ पीकनिहाय अधिसूचित तालुके 

फळ तालुका
आंबा  दौंड, आंबेगाव, भोर, जुन्नर, मावळ, खेड, हवेली, शिरूर, वेल्हा, मुळशी, बारामती, इंदापूर, सासवड
डाळिंब दौंड, आंबेगाव, बारामती, जुन्नर, इंदापूर, सासवड, हवेली, शिरूर, खेड
द्राक्षे  दौंड, आंबेगाव, बारामती, जुन्नर, इंदापूर
केळी दौंड, आंबेगाव, बारामती, जुन्नर, इंदापूर, हवेली, शिरूर, खेड
मोसंबी इंदापूर
संत्रा शिरूर

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com