agriculture news in Marathi fruit market of Mumbai APMC start form Monday Maharashtra | Agrowon

मुंबई बाजार समितीत फळं बाजार सुरु

टीम अॅग्रोवन
मंगळवार, 21 एप्रिल 2020

बई कृषी उत्त्पन्न बाजार समितीमधील फळबाजार सोमवारपासून (त.२०) पूर्ववत सुरु करण्यात आल्याने मुंबई आणि उपनगरात फळांचा पुरवठा सुरु झाला आहे.

मुंबई: मुंबई कृषी उत्त्पन्न बाजार समितीमधील फळबाजार सोमवारपासून (त.२०) पूर्ववत सुरु करण्यात आल्याने मुंबई आणि उपनगरात फळांचा पुरवठा सुरु झाला आहे. दररोज आंब्याच्या १०० गाड्यांना प्रशासनाने परवानगी दिली आहे. 

बाजार सुरू करण्यासाठी बाजार समितीने काही नियम आणि अटी घालून दिल्या आहेत. फळबाजार सुरू करण्याची मागणी मागच्या दोन-चार दिवसांपासून बाजार समितीमधील फळ व्यापाऱ्यांनी समिती प्रशासनाकडे लावून धरली होती. याबाबतची एक बैठक व्यापारी आणि बाजार समिती घटकांमध्ये पार पडली. त्यात हा बाजार सुरू करण्याचा निर्णय घेण्यात आला. मात्र, बाजारातील गर्दी नियंत्रणात ठेवण्यासाठी काही नियम नव्याने निश्चित करण्यात आले आहेत. 

बाजारात फळांच्या २५० गाड्या येऊ शकणार आहेत. त्यात १०० आंब्याच्या, ७० गाड्या संत्री-मोसंबी, द्राक्षाच्या १५, चिकूच्या पाच, पपईच्या १५, अननसाच्या १५, डाळिंबाच्या पाच, टरबुजाच्या १५ तर आयात फळांच्या १० गाड्या असतील. सकाळी ९ ते सायंकाळी ५ या वेळेत येणाऱ्या गाड्यांनाच प्रवेश मिळेल. खरेदीसाठी सकाळी ७ ते दुपारी ३ पर्यंतची वेळ आखून देण्यात आली आहे. याच बरोबर निर्यात होणाऱ्या फळांचे पॅकेजिंग बाजार आवारात करण्यावरही बाजार समितीने बंदी घातली आहे. 

व्यापाऱ्यांना गाळ्यांमध्ये आंबा पिकवण्यासही बंदी घालण्यात आली आहे. याच प्रमाणे कलिंगड आणि खरबूज यांचा व्यापार करण्यासाठी बाजार समितीजवळील मोकळ्या मैदानाचा वापर केला जाणार आहे, असे बाजार समिती सचिव अनिल चव्हाण यांनी स्पष्ट केले. बाजारात व्यापार करताना प्रत्येकाने मास्क घालणे बंधनकारक आहे. व्यापारी आणि ग्राहकांमध्ये तीन फुटांचे अंतर ठेवावे लागणार आहे.

किरकोळ विक्री बंद
बाजारातील गर्दी रोखण्यासाठी फळबाजारासह सर्वच बाजारांत किरकोळ विक्री बंद करण्यात आली आहे. बाजारात १५ हजार रुपये किमतीपेक्षा कमी मूल्याचा माल खरेदी करता येणार नाही. असे केल्यास हा माल बाजार समितीच्या प्रवेशद्वारावर जप्त केला जाईल. शिवाय खरेदीदाराला बाजारात प्रवेश करण्यासाठी खरेदीचा पूर्ण तपशील बाजार गेटवर द्यावा लागणार आहे.

बाजार समितीतील सोमवारी सकाळी दहा वाजेपर्यंतची आवक अशी
भाजीपाला बाजार ः
२४५ वाहने
कांदा, बटाटा बाजार ः ७२ वाहने
फळे बाजार ः १९४ वाहने
मसाला बाजार ः ८३ वाहने
धान्य बाजार ः लोडिंग असल्याने आवक नाही
तर विविध चेकनाक्यावरुन मुंबईत भाजीपाल्याची ३३१ वाहने थेट गेली आहेत.

खारघरमध्ये शेतकरी ते ग्राहक बाजार सुरु
कोरोनाचा संसर्ग रोखण्यासाठी बाजार आवारात सुरक्षिततेचे नियम कटाक्षाने पाळले जात आहेत. याच अनुषंगाने मुंबई कृषी उत्पन्न बाजार समितीच्या घाऊक बाजारातील गर्दी कमी होण्याच्या दृष्टीने राज्याचे सहकार आणि पणन मंत्री बाळासाहेब पाटील यांनी दिलेल्या निर्देशानुसार कोकण विभागीय आयुक्त शिवाजीराव दौड यांनी पुढाकार घेऊन खारघरमधील सेंट्रल पार्कच्या मैदानात बाजार सुरू करण्याचे आदेश दिले होते. त्यानुसार या ठिकाणी फळे आणि भाजी बाजारसाठी व्यवस्था करून देण्यात आली आहे. बाजार समितीच्या माध्यमातून या ठिकाणी रस्ते, वीज, पाणी, प्रसाधनगृह यांसारख्या सुविधाही देण्यात आल्या आहेत. येथे सुरक्षित वावराचे आणि निर्जंतुकीकरणाचे नियम काटेकोरपणे पाळले जावेत, असे बाळासाहेब पाटील यांनी स्पष्ट केले होते. सोमवारपासून हे बाजार खुले झाले असून या ठिकाणच्या बाजाराची संपूर्ण जबाबदारी मुंबई कृषी उत्पन्न बाजार समितीचे उपसचिव नामदेव जाधव यांच्याकडे सोपवण्यात आली आहे. शेतकरी ते ग्राहक या संकल्पनेवर आधारित हे बाजार असून बाजार आवारातील सुविधेचा लाभ घेऊन शेतकरी आणि ग्राहकांनी याचा लाभ घ्यावा, असे आवाहन मुंबई बाजार समितीने केले आहे. या ठिकाणी ग्राहकांना किरकोळ खरेदी करता येणार आहे. त्यामुळे यासाठी येणाऱ्या खरेदीदारांना येथे मालाची खरेदी करणे सहज शक्य होणार आहे.


इतर अॅग्रो विशेष
पीककर्ज वाटपात राज्यात कोल्हापूर प्रथम...कोल्हापूर : जिल्ह्याकरिता पीक कर्जाचे वार्षिक...
कृषी विधेयकांना वाढता विरोधनवी दिल्लीः देशभरात ठिकठिकाणी विशेषतः पंजाब आणि...
तंबी देताच फळपिकांची विमा भरपाई झाली...पुणे: फळपिक विमा योजनेतील अडवून ठेवलेली नुकसान...
कांदा उत्पादकांची सावध चाल नाशिक: केंद्राच्या वाणिज्य मंत्रालयाने कांदा...
मराठवाड्यात पावसाचे धुमशान पुणे ः मराठवाड्यात पावसाचे धुमशान सुरूच आहे....
ग्रामपंचायतींच्या निवडणुकांसाठी निवडणूक...मुंबई: कोरोनामुळे स्थगित करण्यात आलेल्या आणि...
हलक्या पावसाची शक्यता पुणे ः बंगाल उपसागराच्या ईशान्य परिसरात उद्या (ता...
शेतकऱ्यांना उभारी देणारी संत ज्ञानेश्‍...किनखेडा (ता.रिसोड,जि.वाशीम) येथील प्रगतशील शेतकरी...
बाजार स्वातंत्र्यांची मागणी पूर्ण पुणेः केंद्र सरकारने सादर केलेल्या शेती आणि पणन...
गुणवत्तापूर्ण हळद, डाळींची थेट...सनपुरी (जि. परभणी) येथील प्रयोगशील शेतकरी नरेश...
मराठवाड्यात जोरदार पावसाचा पिकांना फटकाऔरंगाबाद, परभणी : औरंगाबाद, जालना, बीड, लातूर,...
हजारो टन कांदा निर्यातीच्या प्रतीक्षेतमुंबई/नाशिक : देशभरात कांदा निर्यातबंदी...
बीटी वांग्याच्या दुसऱ्या टप्प्यातील...पुणे : देशभरात चर्चेत असलेल्या बीटी वांग्याच्या...
साखर निर्यातीचे करार ५७ लाख टनांवरकोल्हापूर : देशातल्या साखर निर्यातीचे करार आता ५७...
तुरळक ठिकाणी जोरदार पावसाची शक्यतापुणे ः बंगालचा उपसागर व उत्तर तामिळनाडूच्या...
दूध सल्लागार समिती कागदावरचपुणे : राज्यस्तरीय दूध सल्लागार समितीची एकही बैठक...
राज्यात मोसंबी १००० ते ४००० रुपये...औरंगाबादमध्ये १००० ते २५०० रुपये प्रतिक्विंटल...
कांदा, लसूण शेतीत बहिरवाडीने मिळवली...बहिरवाडी (ता. जि. नगर) हे छोटे गाव कांदा व लसूण...
स्पर्धेत टिकण्यासाठी ‘ई-नाम’केंद्र सरकारने कृषी, पणन व्यवस्थेत सुधारणा घडवून...
बाजार सुधारणांत नको राजकीय धुळवडकोरोनाच्या पार्श्वभूमीवर होत असलेल्या संसद...