agriculture news in Marathi fruits and Onion, Potato market started at Mumbai APMC Maharashtra | Agrowon

मुंबई बाजार समितीत फळे, कांदा-बटाटा बाजार सुरु 

टीम अॅग्रोवन
शुक्रवार, 22 मे 2020

गेल्या दहा दिवसांपासून बंद असलेले फळे आणि कांदा-बटाटा बाजार गुरुवारपासून (ता.२१) सुरु झाला आहे. इतक्या दिवसांनी फळे बाजार सुरु होत असताना व्यापाऱ्यांमध्ये मात्र उत्साह दिसून येत नाही.

मुंबई: गेल्या दहा दिवसांपासून बंद असलेले फळे आणि कांदा-बटाटा बाजार गुरुवारपासून (ता.२१) सुरु झाला आहे. इतक्या दिवसांनी फळे बाजार सुरु होत असताना व्यापाऱ्यांमध्ये मात्र उत्साह दिसून येत नाही. दिवसभरात बाजार समितीच्या सर्व आवारात मिळून सुमारे सातशे वाहने शेतीमालाची आवक झाली आहे. तर भाजीपाला बाजारातून आणि विविध चेकनाक्यावरुन सुमारे सहाशे वाहने भाजीपाला मुंबई शहरासाठी रवाना झाला आहे. 

कोरोना विषाणूचा प्रादुर्भाव रोखण्यासाठी नवी मुंबईतील मुंबई कृषी उत्पन्न बाजार समिती ११ ते १७ हे हा आठवडाभर बंद करण्यात आली होती. सोमवारी (ता.१८) पासून समितीचे कामकाज टप्प्याटप्प्याने सुरु करण्याचा निर्णय होऊन भाजी, धान्य आणि मसाला बाजार सुरु करण्यात आले आहे.

तर दुसऱ्या टप्प्यात काल गुरुवारपासून (ता.२१) पासून फळे आणि कांदा बटाटा बाजार चालू झाले आहेत. या बाजार आवारांची वाहन प्रवेश मर्यादा कांदा बटाटा बाजार - १०० वाहने तर फळ बाजार आवार - २०० वाहने इतकी निश्चित करण्यात आली आहे. पहिल्या दिवशी फळे बाजारात २५५ वाहने आणि कांदा बटाटा बाजारात ७३ वाहने आली आहेत. 

मात्र, इतक्या दिवसांनी फळं बाजार सुरु करताना व्यापाऱ्यांमध्ये उत्साह दिसून येत नाही. मे महिना म्हणजे हापूस आंब्याचा हंगाम. या हंगामात बाजारात अगदी पाय ठेवायलाही जागा उरत नाही, इतक्या प्रमाणात बाजारात आंबे विक्रीसाठी येतात.

हापूस आंब्यापाठोपाठ कलिंगड, खरबूज, पपई ही फळेही येत असतात. या वर्षी तर मे महिन्यातच रमजान महिना आल्याने फळांना मोठी मागणी असणार म्हणून तीन महिने आधीपासून शेतकऱ्यांनी कलिंगड, खरबूज, पपई यांची लागवड केली होती. तीन महिन्यांत ही पिके निघतील आणि चांगला पैसा हातात येईल, अशी आशा होती. कोरोनाच्या लॉकडाऊनमुळे सर्वांचीच निराशा झाली. 

मार्च, एप्रिल तर गेलाच आणि आता हक्काचा मे महिनाही संपत आला आहे. त्यात दहा दिवस फळ बाजार बंद राहिला. त्यामुळे शेतकऱ्यांचे मोठे नुकसान झाले. अनेक शेतकऱ्यांच्या शेतातला माल शेतातच पडून राहिला. जो माल खरेदी करुन नेला, त्यानंतर आता व्यापाऱ्यांनी पुन्हा माल उचलण्यास नकार दिला.

सुरुवातीला बाजार बंद असला तरी थेट शेतकऱ्यांकडून खरेदी करणारे लोकही आता शेतकऱ्यांकडे यायचे बंद झाले आहेत. त्यामुळे शेतकऱ्यांनी पुन्हा बाजार समितीमधील व्यापाऱ्यांना आपला माल विकण्याची गळ घालायला सुरुवात केली आहे. व्यापारी मात्र व्यापार करायचा की नाही, या विचारात आहेत. 
कोरोना संसर्गाची भीती आहेच, शिवाय माथाडी कामगारांची कमतरताही आहे. शेतकरी वारंवार माल विकण्याची गळ घालत असल्याने त्यांच्यासाठी व्यापारी बाजारात येत असल्याचे चित्र सध्या दिसत आहे. 


इतर अॅग्रो विशेष
‘निसर्ग’चक्रीवादळ अलिबागनजीक...पुणे : अरबी समुद्रात महाराष्ट्राच्या किनाऱ्यालगत...
चक्रीवादळ अलिबागजवळ १ ते ३च्या दरम्यान...पुणे : अरबी समुद्रात महाराष्ट्राच्या किनाऱ्यालगत...
दीडपट 'एमएसपी' म्हणजे निव्वळ धूळफेक :...पुणे: मोदी सरकारने खरिपासाठी जाहीर केलेल्या किमान...
टोळधाडीवर दोन दिवसात नियंत्रण मिळविणार नागपूर ः पूर्व विदर्भातील जिल्ह्यांमध्ये गेल्या...
‘निसर्ग’ चक्रीवादळ आज अलिबागजवळ धडकणार पुणे : अरबी समुद्रात महाराष्ट्र, कर्नाटकच्या...
मॉन्सून कर्नाटकात आज धडकणारपुणे : नैर्ऋत्य मोसमी वारे (मॉन्सून) सोमवारी (ता....
बॅंकांसाठी आठ-अ, फेरफार उतारे थेट...पुणे: सातबारा संगणकीकरण उपक्रमाला लॉकडाउनमुळे...
कोकण, मध्य महाराष्ट्र, मराठवाड्यात पाऊस पुणे: अरबी समुद्रात तयार झालेल्या ‘निसर्ग’...
‘निसर्ग’चक्रीवादळाची तीव्रता वाढली;...पुणे : अरबी समुद्रात महाराष्ट्र, कर्नाटकच्या...
अल्पमुदतीच्या कृषिकर्ज फेडीस...नवी दिल्ली : तीन लाखांपर्यंतच्या अल्पमुदतीच्या...
हमीभाव जाहीर : कपाशीत २६०, सोयाबीनमध्ये...नवी दिल्ली : केंद्र सरकारने खरीप २०२०-२१करिताचे...
महाराष्ट्राच्या किनाऱ्यालगत ‘निसर्ग’...पुणे  : अरबी समुद्रात महाराष्ट्र,...
देशात यंदा १०२ टक्के पावसाची शक्यता :...पुणे  : नैर्ऋत्य मोसमी वाऱ्यांच्या (मॉन्सून...
पूर्वमोसमी पावसाच्या हजेरीने मॉन्सूनची...पुणे  : नैर्ऋत्य मोसमी वाऱ्यांनी (मॉन्सून)...
केरळचा बहुतांश भाग मॉन्सूनने व्यापलापुणे  : महाराष्ट्रासह देशभरातील शेतकऱ्यांना...
टोळधाड नियंत्रणासाठी हेलिकॉप्टर अन्...नागपूर ः विदर्भात अग्निशमन यंत्राच्या माध्यमातून...
निर्यातक्षम उत्पादन, बाजारपेठांचा शोध...नाशिक जिल्ह्यातील नैताळे (ता.निफाड) येथील...
राईसमिल, पोहे निर्मितीतून व्यवसायवृद्धीवेहेळे (ता. चिपळूण, जि. रत्नागिरी) येथे शंकर जाधव...
देशात यंदा सर्वसाधारण मॉन्सून; १०२...नवी दिल्ली : देशात यंदा सर्वसामान्य मॉन्सून आणि...