agriculture news in marathi, Fuel price hike to farmers | Agrowon

परभणीत इंधन दरवाढीचा शेतकऱ्यांना भुर्दंड
टीम अॅग्रोवन
सोमवार, 17 सप्टेंबर 2018

परभणी ः इंधनदरात विशेषतः डिझेलच्या दरात लिटरमागे मोठी वाढ झाल्यामुळे शेतीतील यांत्रिक कामे, शेतीमालाची वाहतूक आदींचा खर्च वाढला आहे. तुलनेत शेतीमालाचे बाजारातील दर कमीच आहेत. प्रत्यक्ष, अप्रत्यक्षरीत्या इंधन दरवाढीचा भुर्दंड शेतकऱ्यांनाच सोसावा लागत आहे. इंधन दरवाढीमुळे पिकांचा उत्पादन खर्च वाढणार आहे. येत्या काळात खताचे तसेच अन्य कृषी निविष्ठांच्या दरात वाढ होण्याच्या शक्यतेने शेतकरी चिंतित झाले आहेत.

परभणी ः इंधनदरात विशेषतः डिझेलच्या दरात लिटरमागे मोठी वाढ झाल्यामुळे शेतीतील यांत्रिक कामे, शेतीमालाची वाहतूक आदींचा खर्च वाढला आहे. तुलनेत शेतीमालाचे बाजारातील दर कमीच आहेत. प्रत्यक्ष, अप्रत्यक्षरीत्या इंधन दरवाढीचा भुर्दंड शेतकऱ्यांनाच सोसावा लागत आहे. इंधन दरवाढीमुळे पिकांचा उत्पादन खर्च वाढणार आहे. येत्या काळात खताचे तसेच अन्य कृषी निविष्ठांच्या दरात वाढ होण्याच्या शक्यतेने शेतकरी चिंतित झाले आहेत.

परभणी येथील पेट्रोल पंपावर रविवारी (ता. १६) सकाळी साडेनऊ वाजता डिझेलचे दर प्रतिलिटर ७८.७८ रुपये, तर पेट्रोलचे दर ९१.०७ रुपये होते राधेधामणगाव (ता. सेलू, जि. परभणी) येथील शेतकरी विनायक गोरे म्हणाले, स्वतःची तसेच गावातील इतर शेतकऱ्यांचे लिंबू पिकअप व्हॅनमध्ये भरून औरंगाबाद किंवा परभणी येथील बाजारापेठेत विक्रीसाठी नेत असतो. आमचे गाव ते औरंगाबाद परतीच्या प्रवासाचे अंतर ३५० किलोमीटर आहे. तसेच परभणीचे १४० किलोमीटर आहे. 

औरंगाबाद आणि परभणी येथील वाहतूक खर्च २ रुपये प्रतिकिलोमीटरने वाढला आहे. त्यामुळे अनुक्रमे ७०० आणि २८० रुपये जास्तीचा खर्च येत आहे. डिझेल दरवाढीच्या तुलनेत शेतीमालाचे दर कमीच आहेत. येत्या काळात खते, कीटकनाशके तसेच अन्य कृषी निविष्ठांच्या किमती वाढू शकतात. पेट्रोल, डिझेल दरवाढीचा भुर्दंड शेतकऱ्यांना बसत आहे.

गतवर्षी डिझेल चलित मळणी यंत्राद्वारे काढणीसाठी मूग, उडदाच्या पोत्यासाठी १०० ते १५० रुपये घेतले जात असत. यंदा हे दर १५० ते २०० रुपयेपर्यंत पोचले आहेत. हार्वेस्टरचे दर गतवर्षी १५०० ते २००० रुपये प्रतिएकर होते. यंदा यामध्ये ३०० ते ४०० रुपयांनी वाढ होऊ शकते.

पार्डी (ता. अर्धापूर, जि. नांदेड) येथील शेतकरी शिवाजीराव देशमुख म्हणाले, डिझेलचे दर वाढल्यामुळे ट्रॅक्टरमालकांनी मशागतीसह अन्य कामांच्या प्रतिएकरी दरात २०० ते ३०० रुपयांनी वाढ केली आहे. मजुरीचे दर वाढलेले आहेत. इंधन दरवाढीमुळे शेतकऱ्यांचा उत्पादन खर्च वाढणार आहे.

इतर ताज्या घडामोडी
पेरणीपूर्व मशागतीय पद्धतीने करा...रब्बी हंगामात ज्वारी, गहू, हरभरा, करडई व सूर्यफूल...
कांदा पिकासाठी संतुलित अन्नद्रव्य...कांदा उत्पादकता कमी होण्यासाठी असंतुलित खत...
जळगाव जिल्हा परिषदेत निधीवाटपावरून आरोप...जळगाव : जिल्हा परिषद सेस फंड, शिक्षण, महिला-...
वऱ्हाडला पीक नुकसानभरपाईचा २६५ कोटींचा...अकोला : ऑक्टोबरमध्ये झालेल्या अतिपावसाचा फटका...
पुणे विभागात रब्बीसाठी अडीच लाख टन खते...पुणे : रब्बी हंगामात शेतकऱ्यांना खतांची अडचण येऊ...
सांगली जिल्ह्यात भूजल पातळी ५८...सांगली : जिल्ह्यात गेल्या पाच वर्षांपेक्षा यंदा...
नाशिक : भिजलेल्या पिकांमुळे चाऱ्याचा...नाशिक : जिल्ह्यात झालेल्या मॉन्सूनोत्तर पावसाने...
धक्कादायक, एकाच गावातल्या ६०० मेंढ्या...नगर  ः मागील महिन्यात अतिवृष्टीने पारनेर...
अधिक उपसा केला तर पाणी टंचाईची शक्यता...लातूर : जिल्ह्यात पावसाळ्याच्या चारही महिन्यांत...
नाशिक जिल्ह्यात नुकसानीपोटी १८१ कोटींची...नाशिक : जिल्ह्यात झालेल्या अतिवृष्टीमुळे...
नागपूर जिल्ह्यात शेतकऱ्यांसाठी कॉंग्रेस...नागपूर : मॉन्सूनोत्तर पावसामुळे शेतकऱ्यांना...
नाशिक जिल्ह्यात टोमॅटोला गेले तडे ! ५०...नाशिक  : मॉन्सूनोत्तर पावसाच्या तडाख्यामुळे...
...'या' सिंचन योजनेची पाणीपट्टी होणार...सांगली : ताकारी उपसा सिंचन योजनेच्या पाणीपट्टीची...
किसान सभेकडून विमा कंपनीला २८...पुणे : पुण्यातील दि ओरिएन्टल इन्शुरन्स कंपनीकडून...
हैबतबाबांच्या पायरीपूजनाने आळंदीत...आळंदी, जि. पुणे  ः टाळ-मृदंगाचा निनाद आणि...
गूळ सौदे सुरू करण्यासाठी दोन्ही घटकांना...कोल्हापूर  : गेल्या दोन दिवसांपासून व्यापारी...
सांगली जिल्ह्यात ऊस दरासाठी ‘स्वाभिमानी...सांगली : जिल्ह्यात गळीत हंगाम सुरू होताच...
कोल्हापुरात कारखान्यांकडून ऊसतोड सुरू...कोल्हापूर  : गेल्या चार दिवसांपासून...
जळगावात भरताची वांगी १५०० ते २६०० रुपये...जळगाव : कृषी उत्पन्न बाजार समितीत बुधवारी (...
बटाटा, टोमॅटोतील उशिरा येणाऱ्या करपा...बटाटा आणि टोमॅटो यांसारख्या पिकांमध्ये प्रचंड...