सोलापूर ः अक्कलकोट तालुक्यात तीन महिन्यांपूर्वी झालेल्या अतिवृष्टीमुळे शेतजमीन, उभी पिके व पशुधन याचे मोठया प्रमाणावर नुकसान झाले होते. त्यावेळी अक्कलकोट तालुक्यातील पूरग्रस्तांना भेट देऊन दिलेल्या मदतीचे आश्वासन अद्याप पूर्ण झाले नाही. त्यांना तातडीने मदत देऊन दिलासा द्यावा, असे पत्र अक्कलकोटचे आमदार सचिन कल्याणशेट्टी यांनी मुख्यमंत्री उद्धव ठाकरे यांना पाठवले आहे.
तालुक्यातील बळिराजाची अवस्था अत्यंत नाजूक झाली आहे. फक्त आश्वासनांवर त्यांचे पोट भरत नाही. ऑक्टोबर महिन्यात सोलापूर भागात झालेल्या अतिवृष्टीमुळे शेतकऱ्यांचे अतोनात नुकसान झाले आहे. हातातोंडाशी आलेले पीक डोळ्यादेखत वाहून गेले आहे. त्याने जमिनीची धूप देखील मोठ्या प्रमाणावर झाली आहे. ग्रामस्थांच्या घरांची पडझड झाली आणि जनावरे सुद्धा दगावली आहेत. अनेकांच्या जगण्याचा आधारच हरवला आहे.
नुकसानीची पाहणी करण्यासाठी सोलापूर दौऱ्यावर आला होता. त्यावेळी आपण आश्वासन दिले होते की, दिवाळीपूर्वी शेतकऱ्यांच्या खात्यावर नुकसानभरपाई निधीची रक्कम जमा केली जाईल. परंतु, त्या नुकसानभरपाईची आजही शेतकरी वाट बघत आहेत. ''गंभीर परिस्थितीतील खंबीर सरकार'' असा दिलासा आपल्या बोलण्यातून आपण दिला होता. तो दिलासा प्रत्यक्षात अद्यापही दृष्टिपथात आला नाही.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.