agriculture news in Marathi, full day inquiry of Raj Thakare, Maharashtra | Page 2 ||| Agrowon

राज ठाकरे यांची दिवसभर चौकशी

टीम अॅग्रोवन
शुक्रवार, 23 ऑगस्ट 2019

मुंबई ः कोहिनूर मिल कर्ज प्रकरणातील अनियमिततेबाबत मनसे अध्यक्ष राज ठाकरे हे गुरुवारी (ता. २२) सक्तवसुली संचालनालयाच्या (ईडी) चौकशीला सामोरे गेले. सकाळी साडेअकरा वाजता सुरू झालेली त्यांची चौकशी सायंकाळी पाच वाजेपर्यंत सुरूच होती. यावेळी त्यांचे संपूर्ण कुटुंबीय ‘ईडी’ कार्यालयाजवळच असलेल्या हॉटेलमध्ये उपस्थित होते. 

मुंबई ः कोहिनूर मिल कर्ज प्रकरणातील अनियमिततेबाबत मनसे अध्यक्ष राज ठाकरे हे गुरुवारी (ता. २२) सक्तवसुली संचालनालयाच्या (ईडी) चौकशीला सामोरे गेले. सकाळी साडेअकरा वाजता सुरू झालेली त्यांची चौकशी सायंकाळी पाच वाजेपर्यंत सुरूच होती. यावेळी त्यांचे संपूर्ण कुटुंबीय ‘ईडी’ कार्यालयाजवळच असलेल्या हॉटेलमध्ये उपस्थित होते. 

दरम्यान, राज ठाकरे यांच्या ‘ईडी’ चौकशीवर विरोधकांनी भाजपवर टीकेची झोड उठवली आहे. सरकारविरोधात बोलणाऱ्यांवर सीबीआय, ‘ईडी’ अशा यंत्रणांद्वारे दहशत बसवण्याचा भाजपचा हा प्रयत्न असल्याची टीका केली जात आहे. या कारवाईमुळे कायदा व सुव्यवस्थेचा प्रश्न निर्माण होऊ नये म्हणून मुंबईत चोख पोलिस बंदोबस्त ठेवण्यात आला. राज यांचे निवासस्थान असलेला दादर शिवाजी पार्क परिसर आणि दक्षिण मुंबईत ठिकठिकाणी पोलिसांचा बंदोबस्त होता. ‘ईडी’ कार्यालयाच्या परिसरात मनसेच्या कार्यकर्त्यांनी गर्दी करू नये, यासाठी मनसेच्या प्रमुख पदाधिकारी व कार्यकर्त्यांची धरपकड केली होती. तसेच मुंबईतील काही ठिकाणी जमावबंदीचे आदेश लागू करण्यात आले आहेत.

राज ठाकरे, राजेंद्र शिरोडकर आणि उन्मेश जोशी यांनी दादर येथील कोहिनूर मिलची जागा खरेदी केली. त्यासाठी आयएलएफएसकडून ८६० कोटी रुपयांचे कर्ज घेतले. मात्र यात आयएलएफएसचे मोठे नुकसान झाल्याने त्यांनी कंपनीतील आपले शेअर्स विकले. आयएलएफएसकडून शेअर विकण्यात आल्यानंतर लगेचच २००८ मध्ये राज ठाकरे यांनी आपले सर्व शेअर्स विकले. पण त्यानंतरही राज ठाकरे यांचा संबंधित कंपनीत सक्रिय सहभाग असल्याचे सांगत ‘ईडी’कडून चौकशी सुरू झाली. 

शिवसेनेचे नेते मनोहर जोशी यांचा मुलगा उन्मेष जोशीच्या मालकीची ‘कोहिनूर सीटीएनएल’ ही कंपनी दादरमधील ‘सेना भवन’समोरील ‘कोहिनूर स्क्वेअर’ हा जुळ्या टॉवर्सचा प्रकल्प उभारत होती. मात्र ९०० कोटींचे कर्ज न फेडता आल्याने उन्मेष जोशीच्या हातून दादरमधील हा महत्त्वाकांक्षी प्रोजेक्ट निसटला. दोन हजार १०० कोटींचा हा प्रोजेक्ट रिअल इस्टेटमधील एक महत्त्वाचा प्रोजेक्ट आहे. प्रभादेवीमधील आर्किटेक कंपनी ‘संदीप शिक्रे अॅण्ड असोसिएट्स’ला हा प्रोजेक्ट मिळाला असून त्यांनी यावर काम सुरू केले आहे. या प्रकल्पात कथित आर्थिक अनियमितता झाल्याच्या शक्यतेवरून ईडीने ही चौकशी सुरू केली आहे. 

राज ठाकरे ईडीच्या चौकशीसाठी कार्यालयात हजर होण्यासाठी निघाले तेव्हा राज ठाकरे सहकुटुंब ईडीच्या चौकशीला निघाले आहेत की सत्यनारायणाच्या पूजेला? बायको, मुलगा, सून, मुलगी आणि बहीण सगळे मिळून माहिती देणार का? हा ड्रामा आहे की सहानुभूती गोळा करण्याचा प्रयत्न? असे प्रश्न ट्विट करत अंजली दमानिया यांनी राज ठाकरेंवर टीका केली होती. यावर सुप्रिया सुळे म्हणाल्या, की ‘ईडी’ची चौकशी म्हणजे राजकीय दबावतंत्र आहे. जो कोणीही सरकारविरोधात आवाज उठवतो त्याचा आवाज दडपण्यासाठी हे दबावतंत्र वापरले जाते आहे, अशा संकटाच्या वेळी आपले कुटुंबीय आपल्या पाठीशी उभे राहतात. त्यामुळे राज ठाकरे यांच्यासोबत कुटुंबीय का गेले? असा प्रश्न कोणीही उपस्थित करण्याची गरज नाही, अशी प्रतिक्रिया व्यक्त केली. 

उद्धव ठाकरे यांच्याकडून पाठराखण
यासंदर्भात शिवसेना पक्षप्रमुख उद्धव ठाकरे यांनी ईडीच्या या चौकशीतून काही निघेल असे वाटत नाही, असे सांगत राज ठाकरे यांची पाठराखण केली. तर राजकारणात आम्ही सतत एकमेकांविरोधात उभं राहतो, पण संकटसमयी कुटुंब म्हणून सदैव पाठिशी असल्याची प्रतिक्रिया संजय राऊत यांनी दिली. 


इतर ताज्या घडामोडी
नाशिकमध्ये वांगी सरासरी ८५०० रुपये...नाशिक : येथील कृषी उत्पन्न बाजार समितीमध्ये सध्या...
पुढील हंगामासाठी सोयाबीन बियाणे राखून...वाशीम : जिल्ह्यात ऑक्टोबर महिन्यात अवेळी पाऊस...
कांदा बियाण्याचे दर कडाडलेसातारा ः कांद्याचे दर आठ हजारापर्यंत पोचले आहे....
नगर जिल्ह्यात कांद्याच्या दरात घसरणनगर : आठ दिवसांपूर्वी वाढ झालेल्या कांद्याच्या...
हळद पीक लागवडीसाठी सहकार्य ः कुलगुरू डॉ...दापोली, जि. रत्नागिरी ः कोकणातील हवामान हळद...
केळीचे दर घसरल्याने शेतकरी अडचणीतनांदेड : चांगल्या पावसामुळे यंदा खरीप हंगाम बहरला...
शाहू कृषी महाविद्यालयाच्या...कोल्हापूर : सातव्या वेतन आयोगाच्या मागणीसाठी...
खर्चाच्या तुलनेत दिलेली मदत तोकडी ः...औरंगाबाद : महाआघाडी सरकारने राज्यातील अतिवृष्टी,...
परभणी कृषी विद्यापीठ कर्मचाऱ्यांचे...परभणी ः राज्यातील सर्व कृषी विद्यापीठातील अधिकारी...
पीक नुकसानप्रश्नी शेतकरी संघर्ष समितीचा...परभणी ः परतीच्या मॉन्सून पावसामुळे, धरणातील पाणी...
हापूस विक्री, निर्यातीला प्रोत्साहनपर...रत्नागिरी ः कोकणच्या हापूसला भौगोलिक मानांकन (...
तुरीवरील शेंग पोखरणाऱ्या अळीचे एकात्मिक...तुरीवरील शेंग पोखरणाऱ्या अळीची अन्य पर्यायी नावे...
सांगलीत गूळ सरासरी ३६३३ रुपये...सांगली : येथील बाजार समितीत मंगळवारी (ता. २७)...
गिरणा, हतनूरमधून मिळणार रब्बीसाठी...जळगाव ः जिल्ह्यासाठी महत्त्वाच्या असलेल्या गिरणा...
खानदेशात कांदा लागवडीवर परिणाम होणारजळगाव ः खानदेशात उन्हाळ किंवा रब्बी हंगामातील...
उत्पादन घटल्याने झेंडूच्‍या फुलांनी...नाशिक : दसरा सणाच्या पार्श्वभूमीवर झेंडू फुलांना...
महाबीजच्या सौर ऊर्जाचलित गोदामाचे...अकोला ः महाराष्ट्र राज्य बियाणे महामंडळाद्वारे...
बॅलन्सशीट डोळ्यांसमोर ठेवून दिवाळी...माळेगाव, जि. पुणे ः माळेगाव कारखाना प्रशासनाने...
कृषी अधिकाऱ्यांनी मुख्यालय सोडू नये ः...अमरावती : मोर्शी तालुक्‍यात जून ते ऑगस्ट या...
नांदेडमधील शेतकऱ्यांचा अतिवृष्टीने...नांदेड : जिल्ह्यात यंदा सप्टेंबर महिन्यात...