agriculture news in Marathi fund for electricity for zp schools Maharashtra | Agrowon

जिल्हा परिषद शाळांतील बंद वीजपुरवठ्यासाठी विशेष निधी

टीम अॅग्रोवन
शनिवार, 26 डिसेंबर 2020

 ग्रामीण भागात विद्यार्थ्यांना भौतिक, शैक्षणीक सुविधेसाठी जिल्हा परिषदेच्या प्राथमिक, उच्च प्राथमिक शाळांत वीज जोडणी दिली. मात्र वीजबिले थकल्याने सध्या राज्यातील तब्बल १० हजार ६७१ शाळांतील वीजपुरवठा बंद आहे.

नगर : ग्रामीण भागात विद्यार्थ्यांना भौतिक, शैक्षणीक सुविधेसाठी जिल्हा परिषदेच्या प्राथमिक, उच्च प्राथमिक शाळांत वीज जोडणी दिली. मात्र वीजबिले थकल्याने सध्या राज्यातील तब्बल १० हजार ६७१ शाळांतील वीजपुरवठा बंद आहे. सध्या कायमस्वरूपी बंद व चालू मिळून सुमारे १२ कोटी रुपयांची शाळांकडे थकबाकी आहे. त्यातील कायमस्वरूपी वीजपुरवठा बंद असलेल्या थकीत देयकासाठी विशेष बाब ५ कोटी ८८ लाख रुपये मंजूर करण्यात आले आहेत. मात्र कायमस्वरूपी वीजपुरवठा बंद असलेल्या शाळांत संगणकासह इतर बाबींना अडचणी येत आहेत. 

जिल्हा परिषदेच्या ग्रामीण भागातील शाळांना संगणकासह इतर शैक्षणिक सुविधा मिळाव्यात यासाठी प्रत्येक शाळेला वीजजोडणी करण्यात आली. त्यामुळे जिल्हा परिषदेच्या शाळांतील ग्रामीण विद्यार्थ्यांना ही संगणकाचे शिक्षण मिळू लागले याशिवाय वीज उपलब्ध झाल्यामुळे इतर साहित्याचा वापर होऊ लागला. मात्र गेल्या काही दिवसापासून वीजबिल थकल्याने राज्यातील सुमारे दहा हजार ६७१ वीजपुरवठा बंद करण्यात आला आहे. 

राज्याच्या शालेय व क्रीडा विभागाने काढलेल्या अभ्यासात ही बाब स्पष्ट केली आहे. त्यात सर्वाधिक बाराशे ३१ शाळा सोलापूर जिल्ह्यातील असून, नगर जिल्ह्यातील ४४६ शाळा आहेत. पुण्यातील ७८०, सांगलीतील ६०५, नाशिकमधील ७७३, औरंगाबादमधील ५६९ शाळांचा समावेश आहे. कायमस्वरूपी वीजपुरवठा बंद असलेल्या शाळांतील वीजपुरवठा सुरू करण्यासाठी शासनाने वीज देयकासाठी पाच कोटी ८८ लाख रुपयांची विशेष बाब म्हणून तरतूद केली आहे.

वीज देयक थकल्यामुळे शाळांतील वीजपुरवठा बंद असल्याने ग्रामीण भागातील शाळेत मात्र अनेक अडचणी निर्माण होत आहेत. त्यामुळे बंद वीजपुरवठा तातडीने सुरू करण्यासाठी निधी देऊन प्रयत्न प्रशासकीय पातळीवर सुरू आहेत.

प्रतिक्रिया
वीजपुरवठा बंद असलेल्या शाळांतील वीजपुरवठा सुरू करण्यासाठी शासनाने विशेष बाब म्हणून निधी दिलेला आहे. नगर जिल्ह्यातील वीजपुरवठा बंद असलेल्या शाळांची संख्या मात्र मोठी असल्याने व दिलेला निधी कमी आहे. त्यामुळे या निधीत वाढ करावी आणि सर्वच्या सर्व बंद पुरवठा असलेल्या शाळांतील वीजपुरवठा सुरू करावा. 
- राजेश परजणे, सदस्य जिल्हा परिषद, नगर


इतर ताज्या घडामोडी
ट्रायकोडर्मा वापरण्याच्या पद्धतीट्रायकोडर्मा ही उपयुक्त बुरशी असून, ती रोपांच्या...
जनावरांचे पावसाळ्यातील व्यवस्थापनपावसाळ्यात होणाऱ्या वातावरणातील अचानक बदलामुळे...
खानदेशात अत्यल्प पेरणीजळगाव ः खानदेशात या महिन्यात अपवाद वगळता हवा तसा...
नांदेडमध्ये सोयाबीनचे क्षेत्र वाढण्याची...नांदेड : जिल्ह्यात यंदा चार लाख हेक्टरवर...
परभणीत १२.६४ टक्के पेरणीपरभणी ः जिल्ह्यात यंदाच्या (२०२१) खरीप हंगामात...
देशात वीज पडून दरवर्षी दोन हजार...पुणे : हरिताच्छादन कमी झाल्याने होणारी तापमान वाढ...
कांदा उत्पादक शेतकऱ्याचा प्रामणिकपणानाशिक : जगात प्रामाणिकपणा लोप पावत चालला असल्याची...
अन्नद्रव्यांवरून खतांचे व्यवस्थापन...गेवराई, जि. बीड : जमिनीतील उपलब्ध...
आंबेओहळ प्रकल्पात  ३० टक्के पाणीसाठाकोल्हापूर : आजरा तालुक्यात असलेल्या आंबेओहळ...
वनौषधी पानपिंपरीचे दर वाढल्याने...अकोला ः जिल्ह्यात सातपुड्याच्या पायथ्याशी अकोट,...
नुकसान टाळण्यासाठी  मिश्र पिकांवर भरराळेगाव, जि. यवतमाळ : गेल्या वर्षी कपाशीवर आलेली...
यवतमाळमध्ये अनधिकृत खतांचा साठा जप्तयवतमाळ : परवान्यात नसतानाही खतांचा अनधिकृतपणे...
सांगली जिल्ह्यात खरिपाची २५ टक्के...सांगली : जिल्ह्यात खरीप हंगामाचे सरासरी क्षेत्र २...
सूक्ष्म खाद्य उन्नयन योजनेसाठी अर्ज...वाशीम : जिल्ह्यात २०२०-२१ ते २०२४-२५ या...
पुण्याचा पर्यटन विकास आराखडा तयार करा पुणे : जिल्ह्याच्या पर्यटन विकासासाठी सविस्तर...
प्रताप सरनाईकांचे ठाकरेंना पत्र; ...मुंबई : शिवसेनेचे आमदार प्रताप सरनाईक यांनी...
काळानुरूप बदल स्वीकारा : नितीन गडकरीवर्धा : बाजार समित्यांनी केवळ शेतमाल खरेदी विक्री...
संत्रा आयात शुल्कप्रकरणी बांगलादेशशी...अमरावती : नागपुरी संत्र्याचा सर्वात मोठा आयातदार...
मॅग्नेट ः फलोत्पादन पिकांसाठी एकात्मिक...राज्यातील कृषी हवामान विभागनिहाय फळे, भाजीपाला व...
शेतीवरील आर्थिक ताण कमी करण्यासाठी...हरितक्रांतीनंतर काही दशकांमध्ये विपरीत परिणाम...