Agriculture news in marathi Funeral in Paturda village on Shaheed Chandrakant Bhakre | Agrowon

शहीद चंद्रकांत भाकरे यांच्यावर पातुर्डात अखेरची मानवंदना

टीम अॅग्रोवन
मंगळवार, 21 एप्रिल 2020

पातुर्डा, जि. बुलडाणा ः श्रीनगर जवळील बारामुल्ला सेक्टरमधील सोपोरा येथे शनिवारी (ता. १८) अतिरेक्यांनी केलेल्या हल्ल्यात सीआरपीएफचे तीन जवान शहीद झाले होते. यात येथील जवान चंद्रकांत भाकरे यांचा समावेश होता. सोमवारी (ता. २०) सकाळी शोकाकूल वातावरणात पातुर्डा येथे त्यांना अखेरचा निरोप देण्यात आला. 

पातुर्डा, जि. बुलडाणा ः श्रीनगर जवळील बारामुल्ला सेक्टरमधील सोपोरा येथे शनिवारी (ता. १८) अतिरेक्यांनी केलेल्या हल्ल्यात सीआरपीएफचे तीन जवान शहीद झाले होते. यात येथील जवान चंद्रकांत भाकरे यांचा समावेश होता. सोमवारी (ता. २०) सकाळी शोकाकूल वातावरणात पातुर्डा येथे त्यांना अखेरचा निरोप देण्यात आला. 

यावेळी पालकमंत्री राजेंद्र शिंगणे, खासदार प्रतापराव जाधव, जिल्हाधिकारी सुमन चंद्रा, जिल्हा पोलिस अधीक्षक दिलीप भुजबळ, माजीमंत्री आमदार डॉ. संजय कुटे, यांच्यासह इतर उपस्थित होते. 

चंद्रकांत भाकरे हे सन २००४ मध्ये सीआरपीएफमध्ये रुजू झाले. तीन महिन्यांपूर्वी ते सुट्टीवर गावी आले होते. हेड कॉन्स्टेबल या पदावर त्यांना पदोन्नती मिळाली होती. काही दिवसांतच ते प्रशिक्षणाला जाणार होते. परंतु ‘कोरोना’चा प्रादुर्भाव वाढत असल्याने त्यांना तिथेच थांबविण्यात आले. सोपोरा येथील अतिरेक्यांच्या हल्ल्यात चंद्रकांत भाकरे शहीद झाले. 

चंद्रकांत यांच्यामागे आई, वडील, दोन भाऊ, पत्नी, मुलगा व मुलगी असा मोठा परिवार आहे. भाकरे यांचा शेती हा मूळ व्यावसाय असून परिवाराकडे ४ एकर शेती आहे. दोघे भाऊ शेती करतात. चंद्रकांत यांचे पार्थिव श्रीनगरमार्गे विशेष विमानाने दिल्ली व तेथून नागपूरला आणण्यात आले. तेथून रात्री शेगावला पार्थिव पोचले. सोमवारी सकाळी ७ वाजता त्यांचे पार्थिव पातुर्डा गावात नेण्यात आले. 

शहीद जवानाच्या पार्थिवाचे अंतिम दर्शन घेण्यासाठी रस्त्यांच्या दुतर्फा नागरिकांनी आपापल्या घरांमधून गर्दी केली होती. प्रत्येक घरातून पार्थिवावर फुले उधळण्यात आली. ‘भारत माता की जय, वंदे मातरम, शहीद जवान अमर रहे, चंद्रकांत भाकरे अमर रहे’ अशा घोषणा दुमदुमत होत्या. 

यावेळी पालकमंत्री राजेंद्र शिंगणे, जिल्हाधिकारी बुलडाणा सुमन चंद्र, खासदार प्रतापराव जाधव, आमदार डाॅ. संजय कुटे, दिलीप भुजबळ, वैशाली देवकर, तहसीलदार समाधान राठोड, सरपंच श्रीमती शैलजाताई भोंगळ, सीआरपीएफचे वरिष्ठ अधिकारी एस. पी. महेश्वरी, संजय लाटकर, संजय कुमार यांनी पुष्पचक्र अर्पण केले. त्यानंतर पार्थिवाला सीआरपीएफ १७९ बटालियन कडून बंदुकीतून तीन वेळा हवेत फैरी झाडून सलामी देण्यात आली. चंद्रकांत यांचे भाऊ तुषार व जयंत यांनी चिताग्नी दिला. 


इतर ताज्या घडामोडी
सोलापूर जिल्ह्यात मराठा आरक्षणासाठी...सोलापूर  : मराठा समाजाला आरक्षण...
मुक्त विद्यापीठात कृषीविषयक अभ्यासक्रम...नाशिक : ‘‘यशवंतराव चव्हाण महाराष्ट्र मुक्त...
सोलापूर जिल्ह्यात दहा हजार हेक्‍टरवर...सोलापूर : जिल्ह्यात गेल्या तीन-चार दिवसांपासून...
सोलापूर जिल्हा बॅंक देणार अल्प मुदतीचे...सोलापूर : सोलापूर जिल्हा मध्यवर्ती सहकारी...
परभणी, हिंगोलीत ओल्या दुष्काळाचे सावटपरभणी : परभणी, हिंगोली जिल्ह्यातील अनेक मंडळांत...
जळगाव जिल्ह्यात उडीद, मूग खरेदीची...जळगाव : शासकीय उदीद, मूग खरेदीसंबंधीची प्राथमिक...
परभणीत भरपाईसाठी ‘स्वाभिमानी’ची पिकांसह...परभणी : अतिवृष्टीमुळे शेती पिकांचे अतोनात नुकसान...
नाशिक जिल्ह्यात खरिपासह भाजीपाला पिके...नाशिक : जिल्ह्याच्या सर्वदूर भागात शनिवारी (...
`औरंगाबाद जिल्ह्यातील नुकासानग्रस्त...औरंगाबाद : सतत सुरू असलेल्या पावसाने कोणत्या...
ऊसतोडणी दर ठरविताना उत्पादकांवरील बोजा...पुणे : दहा लाख ऊसतोडणी कामगारांच्या वतीने विविध...
मराठा आरक्षणावरील अंतरिम स्थगिती उठवावीमुंबई : मराठा आरक्षणासंदर्भात सर्वोच्च...
‘मुळा’तून विसर्ग बारा हजार क्युसेकवर...नगर ः नगर जिल्ह्यातील मुळा धरणाच्या पाणलोटात पाऊस...
शेतकऱ्यांना कॉर्पोरेट कंपन्यांच्या...कोल्हापूर : पाशवी बहुमताच्या बळावर भलेही तुम्ही...
मोताळा तालुक्यात वादळी पावसाने नुकसानबुलडाणा ः जिल्ह्यात शनिवारी (ता. १९) वादळी...
नाशिकमध्ये वाटाण्याची आवक कमीच; दरात...नाशिक : येथील कृषी उत्पन्न बाजार समितीमध्ये...
नागपूर जिल्ह्यात पुराचा २९ हजार...नागपूर : पुरामुळे जिल्ह्यात २९ हजार २६२...
सोलापुरात पितृपंधरवड्यामुळे गवार,...सोलापूर ः पितृपंधरवड्यामुळे सोलापूर कृषि उत्पन्न...
डाळिंब फळपिकातील तेलकट डाग व्यवस्थापनसोलापूर, सांगली, नाशिक आणि नगर यासारख्या...
औरंगाबादमध्ये मूग, उडीद, ज्वारी,...औरंगाबाद : येथील कृषी उत्पन्न बाजार समितीमध्ये गत...
बार्शी बाजार समितीत उडीद, मूग हमीभाव...सोलापूर : बार्शी कृषी उत्पन्न बाजार समितीमध्ये...