सोलापुरात वांगी, गवार, भेंडीच्या दरांत आणखी सुधारणा
सोलापुरात वांगी, गवार, भेंडीच्या दरांत आणखी सुधारणा

सोलापुरात वांगी, गवार, भेंडीच्या दरांत आणखी सुधारणा

सोलापूर : सोलापूर कृषी उत्पन्न बाजार समितीच्या आवारात गत सप्ताहात वांगी, गवार, भेंडी, घेवड्याला पुन्हा एकदा उठाव मिळाला. साहजिकच, आवक कमी असल्याने त्यात आणखीनच भर पडली. या सप्ताहातही त्यांच्या दरात तेजी राहिल्याचे बाजार समितीच्या सूत्रांकडून सांगण्यात आले.

बाजार समितीच्या आवारात गत सप्ताहात वांग्याची ८ ते १० क्विंटल, गवारीची रोज २ ते ५ क्विंटल, भेंडीची १० ते १५ क्विंटल आणि घेवड्याची २ ते ३ क्विंटलपर्यंत आवक राहिली. गवार, भेंडी, घेवड्याची आवक स्थानिक भागांतूनच झाली. विशेषतः बार्शी, मंगळवेढा, मोहोळ, पंढरपूर भागांतून ही आवक झाली. गेल्या काही दिवसांपासून सातत्याने त्यांच्या  दरात आणि आवकेत सातत्याने चढउतार सुरू आहे. पण मागणी कायम असल्याने दर वधारलेलेच आहेत. 

या सप्ताहातही पुन्हा मागणी वाढली, पण आवक काहीशी कमी राहिल्याने दर तेजीत आणि टिकून राहिले. वांग्याला प्रतिक्विंटलला किमान १५०० रुपये, सरासरी ३००० रुपये आणि सर्वाधिक ५५०० रुपये, गवारीला किमान १००० रुपये, सरासरी २५०० रुपये आणि सर्वाधिक ५००० रुपये दर मिळाला. भेंडीला किमान ५०० रुपये, सरासरी १५०० रुपये आणि सर्वाधिक २५०० रुपये, तर घेवड्याला किमान १५०० रुपये, सरासरी ३००० रुपये आणि सर्वाधिक ४५०० रुपये असा दर मिळाला.  

टोमॅटो, ढोबळी मिरचीचे दर मात्र काहीसे स्थिर राहिले. त्यांची आवकही तशी २० ते ५० क्विंटल प्रतिदिन अशी जेमतेमच राहिली. टोमॅटोला प्रतिक्विंटल किमान १५० रुपये, सरासरी ५०० रुपये आणि सर्वाधिक १३०० रुपये, ढोबळी मिरचीला किमान ५०० रुपये, सरासरी ७०० रुपये आणि सर्वाधिक १००० रुपये असा दर मिळाला.

भाजीपाल्यामध्ये मेथी, शेपू आणि कोथिंबीर या भाज्यांच्या दरातही पुन्हा सुधारणा झाली नाही. भाज्यांच्या आवकेतही काहीसा चढउतार होता. त्यांची आवक ८ ते १० हजार पेंढ्यांपर्यंत राहिली. मेथीला शंभर पेंढ्यांसाठी किमान ५०० ते ८०० रुपये, शेपूला ३०० ते ५०० रुपये आणि कोथिंबिरीला ४०० ते ६०० रुपये असा दर मिळाला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com