Agriculture news in marathi Garden survey by research center for selection of citrus varieties | Agrowon

मोसंबीच्या वाण निवडीसाठी संशोधन केंद्रातर्फे बाग सर्वेक्षण 

टीम अॅग्रोवन
बुधवार, 21 एप्रिल 2021

राज्यातील शेतकऱ्यांना सध्या अस्तित्वात असलेल्या मोसंबी वाणाव्यतिरिक्त भविष्यात इतर वाण देण्याच्या दृष्टीने मोसंबी संशोधन केंद्राने सर्वेक्षणाचे काम हाती घेतले आहे.

औरंगाबाद : राज्यातील शेतकऱ्यांना सध्या अस्तित्वात असलेल्या मोसंबी वाणाव्यतिरिक्त भविष्यात इतर वाण देण्याच्या दृष्टीने मोसंबी संशोधन केंद्राने सर्वेक्षणाचे काम हाती घेतले आहे. खासकरून जालना व औरंगाबाद जिल्ह्यांतील मोसंबी बेल्टमध्ये हे सर्वेक्षण केले जाणार आहे. 

जालना जिल्ह्यातील बदनापूर तालुक्यांतर्गत राजेवाडी (ता बदनापूर) येथे सोमवारी (ता. १९) सर्वेक्षणाचे काम सुरू करण्यात आले. या वेळी मोसंबी बागायतदार पूनमसिंग काकरवाल, रामेश्‍वर पवार, सुनील पठाडे, सुरेश पवार आदी उपस्थित होते. 

बदनापूर येथील मोसंबी संशोधन केंद्रास वेळोवेळी दिलेल्या भेटीदरम्यान कृषी सचिव एकनाथ डवले, कुलगुरू डॉ. अशोक ढवण, संचालक संशोधन डॉ. दत्तप्रसाद वासकर यांनी नवीन वाणाच्या निवडीबाबत मार्गदर्शनात्मक चर्चा केली होती. त्यानंतर संशोधनाच्या दृष्टीने हालचाली सुरू झाल्या आहेत. 

राजेवाडी येथील मोसंबी उत्पादकांशी चर्चा करताना डॉ. संजय पाटील म्हणाले, की बदनापूर तालुक्यात २३०० हेक्टर क्षेत्रावर मोसंबी लागवड आहे. राजेवाडी गावात मोठ्या प्रमाणावर लागवड झालेली आहे. एवढ्या मोठ्या झाडांमधून प्रजनन पद्धतीने झाडांची वर्गवारी उत्पन्न, फळांची प्रत, रोग-कीड प्रतिकार क्षमता, झाडाची वाढ, विस्तार, फळांचे वजन, रसाचे प्रमाण आदी बाबी ध्यानात घेऊन अशा निवड केलेल्या झाडांचे डोळे घेऊन केंद्राच्या प्रक्षेत्रावर कलमीकरण करून जुलैमध्ये लागवड करण्याचे नियोजन संशोधन केंद्राने केले आहे. 

तद्‌नंतर सध्या अस्तित्वात असलेल्या वाणासमवेत तुलनात्मक पद्धतीने शास्त्रीय अभ्यास करून निष्कर्ष काढले जाणार आहेत. या संपूर्ण संशोधन प्रकियेस सहा ते सात वर्षांचा कालावधी लागू शकतो. ज्या शेतकऱ्यांच्या बागेमध्ये वैशिष्ट्यपूर्ण गुण असलेले झाड आढळून आल्यास केंद्रास संपर्क करण्याचे आवाहन डॉ. पाटील यांनी केले. 

उपलब्ध वानात उत्पादकता घेण्याचे काम शेतकरी करीत आहेत. संशोधनातून किमान एक वाण उत्पादकांना देण्याचा प्रयत्न असेल. त्यासाठी सर्वेक्षणाचे काम हाती घेतले आहे. 
- डाॅ. संजय पाटील, 
प्रमुख, मोसंबी संशोधन केंद्र बदनापूर, जि. जालना 
 


इतर अॅग्रो विशेष
विदर्भात पावसाची शक्यता पुणे : मध्य महाराष्ट्र, मराठवाडा व कोकणच्या काही...
कृषी सेवा केंद्रचालक, कर्मचाऱ्यांना लस...पुणे ः राज्यातील सर्व कृषी सेवा केंद्रांचे...
सिंधुदुर्ग जिल्ह्यात शेकडो टन कलिंगडे...सिंधुदुर्गनगरी : कोरोना निर्बंधामुळे जिल्ह्यातील...
खानदेशात केळीची कमी दरात खरेदी जळगाव ः खानदेशात नवती केळी बागांची काढणी सुरू...
निर्यातीच्या केळीला १३०० रुपये दर जळगाव ः खानदेशातून आखातात किंवा परदेशात केळी...
शेतीशाळांची ‘एसओपी’ निश्‍चित पुणे ः शेतकऱ्यांना उपयुक्त ठरणाऱ्या शेतीशाळांसाठी...
भुईमूग खर्चालाही महागअकोला ः उन्हाळी हंगामात यंदा लागवड केलेल्या...
वनरोपवाटिकेतून गटाने तयार केली ओळखसांगली जिल्ह्यातील खंडोबाचीवाडी  (ता. पलूस)...
शेती, शिक्षण अन पूरक उद्योगातून शाश्वत...जमीन आरोग्य उपक्रमांबाबत जागृती, आत्महत्याग्रस्त...
जोरदार पावसाची शक्यता पुणे : मराठवाडा ते मध्य प्रदेशचा मध्य भाग या...
बाजार समित्याबंदमुळे खरीप नियोजन ‘...पुणे: कोरोना नियंत्रणासाठी लागू केलेल्या लॉकडाऊन...
शेततळे अनुदानाचे वीस कोटी वितरित नगर ः राज्य शासनाच्या कृषी विभागाच्या ‘मागेल...
साखर कारखान्यांकडून ९२ टक्के ‘एफआरपी’...कोल्हापूर : राज्यात एप्रिलअखेर एकूण रकमेच्या ९२...
ढगाळ वातावरणामुळे शेतकरी चिंतेत पुणे : राज्यातील काही ठिकाणी मेघगर्जनेसह पाऊस पडत...
उद्योजक वृत्तीतून ‘शिवतेज’ची झळाळीशेती टिकवण्याबरोबरच ती अधिक उद्यमशील करण्यासाठी...
फळप्रक्रिया उद्योजक व्हायचेय? चला...सिंधुदुर्ग जिल्ह्यातील वेंगुर्ला येथील फळसंशोधन...
मॉन्सून यंदा वेळेवर पुणे : सध्या मॉन्सूनच्या प्रगतीसाठी वातावरण पोषक...
शेतकऱ्यांकडे २९ लाख क्विंटल घरचे बियाणे पुणे ः कृषी विभागाने ग्रामबिजोत्पादन मोहिमेतून...
मध्य महाराष्ट्रात तुरळक सरी पुणे : मध्य महाराष्ट्राच्या काही भागांत...
पावसाचा प्रभाव वाढणार पुणे : कर्नाटकाच्या उत्तर भागात चक्रीय वाऱ्याची...