शेतरस्ते, कृषिपंपांबाबत राज्यमंत्र्यांचे कार्यवाहीचे आदेश

शेतरस्ते, कृषिपंपांबाबत राज्यमंत्र्यांचे कार्यवाहीचे आदेश
शेतरस्ते, कृषिपंपांबाबत राज्यमंत्र्यांचे कार्यवाहीचे आदेश

जळगाव  : शेतरस्ते, वीज प्रश्‍न, कृषिपंपांबाबतच्या तक्रारी आदी मुद्यांवरून नुकतीच राज्याचे सहकार राज्यमंत्री गुलाबराव पाटील यांनी जिल्हा प्रशासनातील वरिष्ठ अधिकारी, ग्रामस्थ, लोकप्रतिनिधी यांची संयुक्त बैठक घेतली. त्यात राज्यमंत्री पाटील यांनी अधिकाऱ्यांना चांगलेच खडसावत, खड्डे बुजविले नाहीत आणि रखडलेल्या वीज जोडण्या कृषिपंपांबाबत तातडीने द्याव्यात, असे आदेश दिले.

शहरात पंचायत समितीच्या सभागृहात आज जळगाव ग्रामीणमधील विविध विषयांवर आढावा बैठक झाली, तीत ते बोलत होते. यावेळी शिवसेनेचे जिल्हाप्रमुख गुलाबराव पाटील, जिल्हा परिषदेचे सदस्य पवन सोनवणे, प्रताप पाटील, ज्ञानेश्‍वर महाराज यांच्यासह तहसीलदार अमोल निकम व इतर अधिकारी उपस्थित होते.

यावेळी जिल्हा परिषदेचे अतिरिक्त मुख्य कार्यकारी अधिकारी संजय मस्कर, गटविकास अधिकरी शशिकांत सोनवणे, तहसीलदार अमोल निकम यांच्यासह वीज वितरण, बांधकाम तसेच विविध विभागांचे अधिकारी उपस्थित होते.

खड्ड्यांच्या तक्रारी बांधकाम विभागाचा आढावा घेत असताना रस्त्यांवर पडलेल्या खड्ड्यांच्या मोठ्या प्रमाणात तक्रारी असल्याचे दिसून आले. असोदा- शेळगाव, असोदा- तरसोद, भादली- शेळगाव या रस्त्यांवर खड्डे पडले असल्याच्या तक्रारी यावेळी नागरिकांनी केल्या. राज्यमंत्री पाटील यांनी संबंधित अधिकाऱ्यांना याबाबत विचारणा केली, तसेच हे खड्डे तातडीने बुजवावेत; अन्यथा त्याच खड्ड्यांत आपण तुम्हाला टाकू, अशी तंबीही दिली.

रस्त्याच्या कामांसाठी अभियंते "कमिशन''ची मागणी करतात, अशी तक्रार उपस्थित नागरिकांनी केली. यावेळी अभियंता बी. डी. पवार व शेखर शिंपी यांनाही मंत्र्यांनी विचारणा केली. त्यावेळी पंचायत समितीच्या उपसभापतींनीही आपल्याकडून पैसे मागितले असल्याचे सांगितले. मंत्र्यांनी संबंधित अधिकाऱ्यांची चौकशी करण्याचे आदेश दिले. अतिरिक्त मुख्य कार्यकारी अधिकारी मस्कर यांनी चौकशी करून कारवाई करण्यात येईल, असे सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com