agriculture news in marathi, Ghatmandani, Bhendval, Buldana | Agrowon

यंदा पीक आणि पाऊस साधारण : भेंडवळच्या घटमांडणीचे भाकित
टीम अॅग्रोवन
गुरुवार, 19 एप्रिल 2018

भेंडवळ जि. बुलडाणा : या हंगामात पीक आणि पाऊस समाधानकारक राहील. देशाचा राजा म्हणजेच पंतप्रधान कायम राहणार असून दुष्काळी परिस्थिती फारशी उदभवणार नाही, असे भाकित भेंडवळच्या घटमांडणीने दिले.  शेतकऱ्यांसह नागरिकांचे लक्ष वेधणारी बहूचर्चित भेंडवळची घटमांडणी अक्षयतृतीयेच्या मुहूर्तावर बुधवारी (ता.18) सायंकाळी करण्यात आली होती. त्यानंतर गुरुवारी सुर्याेदयी पुंजाजी महाराज व सारंगधर महाराज वाघ यांनी भाकित व्यक्त केले. 

भेंडवळ जि. बुलडाणा : या हंगामात पीक आणि पाऊस समाधानकारक राहील. देशाचा राजा म्हणजेच पंतप्रधान कायम राहणार असून दुष्काळी परिस्थिती फारशी उदभवणार नाही, असे भाकित भेंडवळच्या घटमांडणीने दिले.  शेतकऱ्यांसह नागरिकांचे लक्ष वेधणारी बहूचर्चित भेंडवळची घटमांडणी अक्षयतृतीयेच्या मुहूर्तावर बुधवारी (ता.18) सायंकाळी करण्यात आली होती. त्यानंतर गुरुवारी सुर्याेदयी पुंजाजी महाराज व सारंगधर महाराज वाघ यांनी भाकित व्यक्त केले. 

साडेतीनशे वर्षांपुर्वी बुलढाणा जिल्ह्यातील भेंडवळमधील वाघ वंशाजाचे पुर्वज चंद्रभान महाराज यांनी भेंडवळ घटमांडणीची सुरूवात केली. हवामान, पीक पाण्यासह इतर भाकिताची ही परंपरा या वाघ कुटुंबियाने आजही जपली आहे. विधिवत पूजन करून ही घटमांडणी केली जाते. 

अक्षयतृतीयेला संध्याकाळी पुंजाजी महाराज, सारंगधर महाराज आपल्या अनुयायांसह चंद्रभान महाराजांचा जयजयकार करीत गावाशेजारील शेतात घटमांडणी केली होती. गोल घट करून घटाच्या मधोमध खड्डा करण्यात आला. यामध्ये पावसाळ्याच्या चार महिन्याचे प्रतिक म्हणून चार मातीची ढेकळे व त्यावर घागर ठेवण्यात आली.  या घागरीवर पापड, पुरी, सांडोळी, कुरडई, करंजी, भजा आणि वडा अशा प्रतिकात्मक खाद्य पदार्थांची मांडणी केली होती. घटात अंबाडी, गहू, ज्वारी, बाजरी, कपाशी, मटकी, मुंग, उडीद, करडी, तांदुळ, जवस, तीळ, मसुर, हरभरा, वाटाणा, भादली इत्यादी १८ प्रकारच्या धान्याची मांडणी करण्यात आली होती. 

धान्य आणि खाद्य पदार्थांची पाहणी करून भाकित व्यक्त करण्यात आले. येत्या हंगामात खरीपातील ज्वारी, मूग, बाजरी, जवस ही पिके व्यवस्थित येतील असे सांगण्यात आले. तर कपाशी, तूर, उडीद, तीळ, भादली, लाख, वाटाणा, ही पिके कमी अधिक प्रमाणात येतील. रब्बीत गहू, हरभरा ही पिकेही सामान्य सांगण्यात आली. पावसाचा अंदाज देताना जूनमध्ये पाऊस सुरु होणार असला तरी पेरण्या जुलैत होतील. जूनपेक्षा जुलैमध्ये अधिक पाऊस पडेल. त्यानंतर आॅगस्टमध्ये अधिक पाऊस पडणार आहे. सप्टेंबरमध्ये साधारण पाऊस असेल. शिवाय लहरी स्वरुपातील पाऊस होईल.  चार महिन्यांच्या काळात साधारण स्वरुपातील पाऊस होईल. 

देशाचा राजा म्हणजेच पंतप्रधान कायम राहणार असला तरी त्याला चिंता असेल. आर्थिक स्थिती मजबूर राहील. यंदा मोठी नैसर्गिक आपत्ती नसेल. देशाचे शत्रू त्रास देतील, परंतु संरक्षण मजबूत असल्याने कुठलाही धोका होणार नाही. शेतमालाच्या भावात तेजीमंदीचा अंदाजही मांडण्यात आला. या घटमांडणीचे भाकित एेकण्यासाठी हजारो शेतकरी पहाटेपासून उपस्थित होते.

इतर ताज्या घडामोडी
औरंगाबादेत फ्लॉवर १८०० ते ३००० रुपये...औरंगाबाद : येथील कृषी उत्पन्न बाजार...
सांगली जिल्हा दुष्काळाच्या छायेतसांगली : पावसाळ्याचा दीड महिन्याचा कालावधी लोटला...
मराठवाड्यातील २६६ मंडळांमध्ये पाऊसऔरंगाबाद/नांदेड ः मराठवाड्यातील ८ जिल्ह्यांतील ६३...
पावसाच्या आगमनाने नाशिकमधील शेतकरी...नाशिक : जिल्ह्यात पावसाने दडी मारल्याने...
पशुसंवर्धन विकासासाठी ७०० कोटींचा निधी...कोल्हापूर  : राज्यातील पशुसंवर्धन विकासाला...
मराठवाड्यातील पावणेनऊ लाखांवर शेतकरी...औरंगाबाद : मराठवाड्यातील आठही जिल्ह्यांतील...
विद्यार्थी, शेतकरीप्रश्नी ‘स्वाभिमानी’...बुलडाणा  : जिल्ह्यातील शेतकरी अनेक समस्यांना...
बारामतीत मुसळधार पाऊसपुणे  : जिल्ह्याच्या कोरडवाहू भागात असलेल्या...
नगर जिल्ह्यातील सहा महसूल मंडळांत...नगर : जिल्ह्यातील ३५ महसूल मंडळांत शनिवारी जोरदार...
कोणत्याही तंत्रज्ञानाचा डोळस स्वीकार...औरंगाबाद   : कोणत्याही तंत्रज्ञानाचा...
विधानसभा निवडणुकीत महायुतीने  २२० जागा...मुंबई  : आगामी विधानसभा निवडणुकीत महायुतीने...
सोलापूर जिल्ह्यात १७ हजार हेक्टर...सोलापूर ः गेल्या दोन वर्षांपासून सोलापूर जिल्हा...
नाशिक जिल्ह्यातील ४१ हजार हेक्टरवरील...नाशिक : जिल्ह्यात लष्करी अळीचा प्रादुर्भाव...
मराठवाड्यात ४१ हजार हेक्टरवरील मक्यावर...औरंगाबाद : अमेरिकन लष्करी अळीने औरंगाबाद व जालना...
सांगली जिल्ह्यात अमेरिकन लष्करी अळीने...सांगली ः जिल्ह्यात मक्यावर अमेरिकन लष्करी अळीचा...
लष्करी अळीच्या प्रादुर्भावाने नगर...नगर   ः गेल्या वर्षभरात दुष्काळाशी...
मोताळा, देऊळगावराजा तालुक्यात शंभर...बुलडाणा : खरिपात विदर्भात मका उत्पादनात...
साताऱ्यात अकराशे हेक्टरवरील मका पिकावर...सातारा : जिल्ह्यातील पूर्व भागात दुष्काळाची...
इंदापूर तालुक्यात अडीचशे हेक्टरवर...पुणे   ः गेल्या काही दिवसांपासून...
गुलटेकडीत टोमॅटोचे आवकेसह दरही वाढलेपुणे ः गेल्या आठ दिवसांत पावसाने दिलेल्या...