Agriculture news in marathi Ghewda in the state is Rs. 1400 to 10 thousand per quintal | Agrowon

राज्यात घेवडा १४०० ते १० हजार रुपये क्विंटल

टीम अॅग्रोवन
शुक्रवार, 10 जुलै 2020

नाशिक : येथील कृषी उत्पन्न बाजार समितीत बुधवारी (ता. ८) घेवड्याची आवक अवघी ३ क्विंटल झाली. त्यास प्रतिक्विंटल ३ हजार ते १० हजार रुपये असा दर मिळाला. तर सर्वसाधारण दर ८ हजार रुपये होता.

नाशिकमध्ये ३ हजार ते १० हजार रुपयांचा दर 

नाशिक : येथील कृषी उत्पन्न बाजार समितीत बुधवारी (ता. ८) घेवड्याची आवक अवघी ३ क्विंटल झाली. त्यास प्रतिक्विंटल ३ हजार ते १० हजार रुपये असा दर मिळाला. तर सर्वसाधारण दर ८ हजार रुपये होता. सध्या होणारी आवक नियमित अवकेच्या तुलनेत खूप कमी असल्याची माहिती बाजार समितीच्या सूत्रांनी दिली.

गेल्या काही दिवसांपासून बाजार समितीत घेवड्याची आवक कमी होत आहे. त्यामुळे दरात सुधारणा कायम आहे. मंगळवारी (ता. ७) घेवड्याची आवक ५ क्विंटल झाली. त्यास ३,००० ते ७,००० असा प्रतिक्विंटल दर मिळाला. सर्वसाधारण दर ५,००० रुपये होता. सोमवारी (ता. ६) घेवड्याची आवक ५ क्विंटल झाली. त्यास २,५०० ते ३,२०० रुपये दर मिळाला. सर्वसाधारण दर २,८०० होता.

रविवारी (ता. ५) घेवड्याची आवक ९ क्विंटल झाली. त्यास ४,००० ते ६,२०० रुपये दर मिळाला. सर्वसाधारण दर ५,५०० रुपये राहिला.
शनिवारी (ता. ४) घेवड्याची आवक ७ क्विंटल झाली. तिला ३,००० ते ४,००० असा दर मिळाला. सर्वसाधारण दर ३,५०० होता. शुक्रवारी (ता.३) घेवड्याची आवक १० क्विंटल झाली. त्यास १,५०० ते ५,००० असा दर मिळाला. सर्वसाधारण दर ३,५०० होता. गुरुवारी (ता.२) घेवड्याची आवक १२ क्विंटल झाली. त्यास २,५०० ते ४,००० असा दर मिळाला. सर्वसाधारण दर ३२०० रुपये होता.

मागील आठवड्यापासून बाजार समितीत घेवड्याची आवक कमी होत आहे. ती सुरुवातीला बरी होती. गेल्या तीन दिवसांत ही आवक कमी झाली. दरही सुधारल्याचे पाहायला मिळाले. सध्या पावसाळ्याच्या दिवसात तोडे कमी होत असल्याने आवकेवर परिणाम झाला आहे. सध्या गुजरात व वाशी मार्केटमध्ये मागणी असल्याने मालाला उठाव आहे. त्यामुळे दरात तेजी असल्याचे पाहायला मिळाले.

कोल्हापुरात ३ ते ५ हजार रूपये दर

कोल्हापूर  : येथील बाजार समितीत घेवड्याची एक ते दोन क्विंटल इतकी आवक होत आहे. त्यास दहा किलोस ३०० ते ५०० रुपये दर मिळत आहे. बाजार समितीत  घेवड्याची स्थानिक भागातून आवक होते. 

गेल्या काही दिवसांपासून घेवड्याची आवक स्थिर असल्याची माहिती भाजीपाला विभागाच्या सूत्रांनी दिली. पावसाचे प्रमाण वाढल्याने घेवड्याची काढणी कमी-अधिक होत आहे. त्यामुळे आवकेत सातत्य नसल्याचे बाजार समितीच्या सूत्रांनी सांगितले. गेल्या आठवड्यात घेवड्याची आवक वाढली होती. आता यात पंधरा ते वीस टक्क्यांनी घट आल्याचे बाजार समितीतून सांगण्यात आले.

नगरमध्ये तीन ते साडेतीन हजार रुपये दर  

नगर  ः नगर कृषी उत्पन्न बाजार समितीत घेवड्याला प्रतीक्विंटल तीन ते साडेतीन हजार व सरासरी ३ हजार २५० रुपयांचा दर मिळाला. बाजार समितीत घेवड्याची दोन क्विंटलची आवक झाली. साधारण आठ ते दहा क्विंटलपर्यंत घेवड्याची आवक होत असते, अशी माहिती मिळाली. 

मंगळवारी (ता. ७) घेवड्याची साडेचार क्विंटलची आवक झाली. त्या वेळी तीन हजार रुपयांचा दर मिळाला. रविवारी (ता. ५) दोन क्विंटलची आवक होऊन चार हजार ते सहा हजार रुपयांचा दर मिळाला. गुरुवारी (ता. २) तीन क्विंटलची आवक होऊन तीन हजार ते पाच हजार रुपयांचा, तर सरासरी चार हजार रुपयांचा दर मिळाला. 

२६ जून रोजी तीन क्विंटलची आवक झाली. त्या वेळी तीन ते चार हजार व सरासरी साडेतीन हजार रुपयांचा दर मिळाला. २३ जून रोजी २ क्विंटलची आवक होऊन तीन ते पाच हजार व सरासरी चार हजार रुपयांचा दर मिळाला, असे बाजार समितीतून सांगण्यात आले.

सोलापुरात सर्वाधिक २२०० रुपये दर

सोलापूर  ः सोलापूर कृषि उत्पन्न बाजार समितीच्या आवारात गतसप्ताहात घेवड्याची आवक तुलनेने कमीच राहिली. पण, मागणी असल्याने त्याला चांगला उठाव मिळाला. घेवड्याला प्रतिक्विंटलला सर्वाधिक २२०० रुपये असा दर मिळाल्याचे बाजार समितीच्या सूत्रांकडून सांगण्यात आले. 

बाजार समितीच्या आवारात गतसप्ताहात घेवड्याची आवक रोज २ ते ५ क्विंटल अशीच राहिली. घेवड्याची सर्व आवक स्थानिक भागातूनच झाली. सध्या बाजार समितीमध्ये थेट लिलाव सुरु नाहीत. पण, शेतकरी ते ग्राहक अशीच विक्री सुरु आहे. असे असले तरी मागणीच्या प्रमाणात आवक नाही. त्यामुळे दरात किरकोळ चढ-उतार होत राहिले. तरी दर मात्र स्थिर होते. 

या सप्ताहात घेवड्याला प्रतिक्विंटलला किमान ७०० रुपये, सरासरी १५०० रुपये आणि सर्वाधिक २२०० रुपये दर मिळाला. या आधीच्या सप्ताहातही आवक काहीशी अशीच २ ते ४ क्विंटलपर्यंत राहिली. तर, किमान ६०० रुपये, सरासरी १४०० रुपये आणि सर्वाधिक १८०० रुपये असा दर मिळाला. त्या आधीच्या सप्ताहातही आवक काहिशी कमीच होती. तर, दर प्रतिक्विंटलला किमान ७०० रुपये, सरासरी १४०० रुपये आणि सर्वाधिक २००० रुपये असा मिळाला.

पुण्यात अडीच ते तीन हजार रुपये दर

पुणे ः श्रावणी घेवड्याचे खरिपातील उत्पादन अद्याप सुरू झालेले नाही. त्यामुळे बाजार समितीमध्ये कर्नाटक आणि हिमाचल प्रदेशातून आवक सुरू आहे. गुरुवारी (ता. ९) कर्नाटकमधून २ टेम्पो, तर हिमाचल प्रदेशातून ५० गोणींची आवक झाली होती. या वेळी दहा किलोला २५० ते ३०० रुपये दर मिळाले. 

राज्यात अद्याप पावसाअभावी अनेक ठिकाणी पेरण्या रखडल्या आहेत. खरिपातील फळभाज्यांचे उत्पादन सुरू झालेले नाही. यामुळे श्रावणी घेवड्याची प्रामुख्याने आवक ही कर्नाटक आणि हिमाचल प्रदेशातून होत आहे, असे ज्येष्ठ आडतदार विलास भुजबळ यांनी सांगितले. तर स्थानिक उत्पादन आणि आवकेला एक महिन्याचा कालावधी लागेल, असे नमूद करत होणारी आवक ही ५ ते ६ टेम्पो एवढी राहील, असेही त्यांनी सांगितले.

औरंगाबादमध्ये आवक नाही 

औरंगाबाद  : येथील कृषी उत्पन्न बाजार समितीत गत महिनाभरापेक्षा जास्त काळापासून घेवड्याची (वालशेंग) आवक होत नसल्याची स्थिती आहे.

वालशेंग उत्पादक काकासाहेब दांडगे म्हणाले, ‘‘साधारणतः जानेवारी-फेब्रुवारीमध्ये जिल्ह्यातील काही शेतकरी वालशेंगांची लागवड करतात. जुलैच्या मध्यानंतर वालशेंगांची बाजारात आवक होत असते. यंदा पाण्याची उपलब्धता न झाल्याने आपण लागवड करू शकलो नाही. शिवाय कोरोना संकटाच्या पार्श्वभूमीवर निर्माण झालेल्या विक्रीतील अडचणीमुळे शेतकऱ्यांनी आधीच कमी असलेले भाजीपाल्याचे क्षेत्र कमी केले आहे. 

त्यातच वालशेंगांची तुरळक होणारी लागवड मोठ्या प्रमाणात घटली आहे. आमच्यासोबत लागवड करणाऱ्या अनेकांनी क्षेत्र घटविले. ज्यांनी लागवड केली, त्यांच्या वालशेंगा बाजारात येण्यासाठी अजून अवधी आहे. त्यामुळे बाजारात तूर्त वालशेंगांची आवक होत नसल्याची स्थिती आहे.

नागपुरात घेवडा ५० रुपये किलो

नागपूर  : नागपूरच्या कळमणा बाजार समितीत घेवडा आवक अत्यल्प आहे, अशी माहिती समितीतील सूत्रांनी दिली. बाजार समितीच्या दैनंदिन बाजारभावामध्ये दखल घेण्यासारखी देखील आवक नसल्याचे व्यापारी सूत्रांनी सांगितले.

किरकोळ बाजारात घेवढ्याला ५० रुपये किलो असा दर मिळत आहे. कोरोना विषाणूंचा संसर्ग रोखण्यासाठी जाहीर टाळेबंदीमुळे मध्यप्रदेशसह स्थानिक स्तरावरील आवक देखील घटल्याचे सांगण्यात आले. परिणामी, आवक कमी असल्याने किरकोळ बाजारातील दरात तेजी आल्याची माहिती देण्यात आली.

जळगावात १४०० ते २८०० रुपये दर

जळगाव  ः कृषी उत्पन्न बाजार समितीमध्ये गुरुवारी (ता. ९) दीड क्विंटल घेवड्याची आवक झाली. आवक नाशिक व लगतच्या भागातून झाली. आवक मागील काही महिन्यांपासून कमीच आहे.

जिल्ह्यात घेवड्याला उठाव नसतो. काही अडतदार घेवड्याचा पुरवठा करून घेतात. जिल्ह्यात घेवड्याचे उत्पादन होत नाही. नाशिक व इतर भागांतून पुरवठा होत असतो. त्याचे दर स्थिर आहेत. आवक पुढे वाढू शकते, असा अंदाज व्यक्त करण्यात आला. 


इतर बाजारभाव बातम्या
जळगावात आले २८०० ते ४२०० रुपये...जळगाव : कृषी उत्पन्न बाजार समितीमध्ये मंगळवारी (...
नाशिकमध्ये लसणाची आवक साधारण; दरही...नाशिक : येथील कृषी उत्पन्न बाजार समितीमध्ये मागील...
नगरमध्ये आले चार ते पाच हजार रूपये...नगर ः नगर कृषी उत्पन्न बाजार समितीत गेल्या...
सोलापुरात ढोबळी मिरची, वांगी, काकडीला...सोलापूर ः सोलापूर कृषि उत्पन्न बाजार समितीच्या...
पुणे बाजार समितीत व्यवहार सुरळीत...पुणे ः गुलटेकडी येथील पुणे कृषी उत्पन्न बाजार...
औरंगाबादमध्ये बटाटे २००० ते २४०० रुपये...औरंगाबाद  : येथील कृषी उत्पन्न बाजार...
परभणीत वांगे प्रतिक्विंटल २००० ते ४०००...परभणी ः येथील पाथरी रस्त्यावरील फळे भाजीपाला...
ऐन श्रावणातही नाशिकचा फुलबाजार...नाशिक : धार्मिक दृष्टीने महत्त्वाचा जिल्हा...
राज्यात टोमॅटो १०० ते ६०० रूपये क्रेटअकोल्यात ३५० ते ६०० रुपये क्रेट अकोला...
नाशिकमध्ये वांगी प्रतिक्विंटल १००० ते...नाशिक : येथील कृषी उत्पन्न बाजार समितीमध्ये...
जुन्नर, नारायणगावात टोमॅटोचे दर टिकूनपुणे ः जुन्नर कृषी उत्पन्न बाजार समितीच्या...
जळगावात गवार २००० ते ४२०० रुपये...जळगाव  ः कृषी उत्पन्न बाजार समितीमध्ये...
नाशिकमध्ये हिरव्या मिरचीची मागणी, दर...नाशिक : येथील कृषी उत्पन्न बाजार समितीमध्ये...
नगरमध्ये घेवडा, वांग्यांच्या दरात...नगर ः नगर कृषी उत्पन्न बाजार समितीत मागील...
सोलापुरात भाज्यांना उठाव, वांगी,...सोलापूर ः कोरोनामुळे दहा दिवसांचा लॅाकडाऊन आहे....
पुण्यात भाजीपाल्याचा पुरवठा संतुलित; दर...पुणे ः गुलटेकडी येथील पुणे कृषी उत्पन्न बाजार...
खानदेशात केळी दरांवर दबावजळगाव  ः खानदेशात केळी दरांवर दबाव कायम आहे...
परभणीत भेंडी ८०० ते १२०० रुपये...परभणी : येथील पाथरी रस्त्यावरील फळे, भाजीपाला...
राज्यात कांद्याला १०० ते १००० रूपये दर सोलापुरात कांद्याला सर्वाधिक १००० रुपये दर...
सणासुदीदरम्यान फुलांना मागणी वाढण्याचा...पुणे  : मार्चपासून राज्यात ‘कोरोना’चे संकट...