Agriculture news in Marathi Ginger crop area increased in Satara district | Page 2 ||| Agrowon

सातारा जिल्ह्यात आले पिकाचे क्षेत्र वाढले

टीम अॅग्रोवन
शुक्रवार, 11 सप्टेंबर 2020

दरातील तेजी तसेच इतर पिकांना नसलेला अपेक्षित दर यामुळे जिल्ह्यातील शेतकऱ्यांचा आले पीक घेण्याकडे कल वाढला आहे. जिल्ह्यात सरासरी अडीच हजार हेक्टर क्षेत्रावर आले लागवड होत असते. यावर्षी मात्र ही लागवड चार हजार हेक्टरवर गेली आहे. यावर्षी दीड हजार हेक्टरने क्षेत्रात वाढ झाली आहे.

सातारा ः दरातील तेजी तसेच इतर पिकांना नसलेला अपेक्षित दर यामुळे जिल्ह्यातील शेतकऱ्यांचा आले पीक घेण्याकडे कल वाढला आहे. जिल्ह्यात सरासरी अडीच हजार हेक्टर क्षेत्रावर आले लागवड होत असते. यावर्षी मात्र ही लागवड चार हजार हेक्टरवर गेली आहे. यावर्षी दीड हजार हेक्टरने क्षेत्रात वाढ झाली आहे.

जिल्ह्यात कोरेगाव, सातारा, खटाव, कराड, पाटण तालुक्यात सर्वाधिक प्रमाणात आले लागवड केली जाते. साधारणपणे या लागवडीसाठी अक्षय तृतीयेचा मुहूर्त असतो. मात्र मागील सहा ते सात वर्षांपासून वळीवाच्या पावसाची दडी, कडक ऊन व पाणीटंचाई आदी कारणांमुळे लागवड काळात बदल होत गेला आहे. मे महिन्याच्या अखेरीस ते जून महिन्याच्या दुसऱ्या सप्ताहापर्यंत आले लागवडीची कामे उरकली जात आहे.

यावर्षीही या दरम्यान लागवड झाली आहे. २०१४-१५ मध्ये आल्याचे दर प्रतिगाडीस (५०० किलो) ५० हजारांवर गेले होते. या काळात शेतकऱ्यांना चांगले उत्पन्न मिळाले होते. यानंतर दर टप्प्याटप्याने कमी झाले तरी क्षेत्रात वाढच होत गेली आहे. मागील वर्षी प्रतिगाडीस ३५ हजार रुपये दर होते. यंदा मार्च-एप्रिलमध्ये २२ ते २५ हजार रुपये दर होते. या दरम्यानच बियाण्याचे दर राहिले होते. आधुनिक तंत्राच्यावापराने शेतकऱ्यांनी आले पिकाच्या लागवड क्षेत्रात भरीव वाढ केली आहे.

यामुळे सरासरी प्रतिगाडीस २० ते २५ हजार रुपये दर आणि एकरी ३० गाड्याचे उत्पादन मिळाले तरी इतर पिकांच्या तुलनेत जास्त पैसे मिळत असल्याने या पिकाकडे शेतकऱ्यांचा कल वाढला आहे. या लागवड हंगामात आले लागवडीचे क्षेत्र वाढले आहे. याचे प्रमुख कारण म्हणजे तुलनेत बियाण्याचे दर कमी तसेच ‘कोरोना’मुळे सुरू करण्यात आलेल्या लॅाकडाउनमुळे शहरी भागातील लोक गावाकडे आले होते. त्यांचाही आले पीक घेण्याकडे कल राहिला, परिणामी आले पिकांच्या क्षेत्रात वाढ झाली आहे. माण, फलटण तालुक्यातही आले लागवड वाढली आहे.


इतर ताज्या घडामोडी
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...
ई-पीक पाहणीसाठी सोलापुरचे जिल्हाधिकारी...सोलापूर ः माढा तालुक्यात सुरू असलेल्या ई-पीक...
परभणी जिल्ह्यात १२७ गावे बाधितपरभणी ः जिल्ह्यात सोमवार (ता. ६) ते मंगळवार (ता....
हतनूर धरणातून पाण्याचा विसर्ग सुरूभुसावळ, जि. जळगाव : तालुक्यातील हतनूर धरणात...
संगणकीय सातबारावर कुळांची नावे नोंद करागडहिंग्लज, जि. कोल्हापूर : हस्तलिखित सातबारा...
पावसाचा २७ हजार हेक्टरला फटकानाशिक : नांदगाव तालुक्यातील झालेल्या...
सहा हजार क्विंटल धान्याचे होणार कंपोस्ट...भंडारा : वैनगंगा नदीला आलेल्या पुरामुळे गेल्या...
शेतकरी पुरस्कारासाठी दाखल केलेले...अकोला : शेतीत विविध प्रयोग करणाऱ्या, उत्पादन...