agriculture news in marathi, ginger plantation delay, satara, maharashtra | Agrowon

उष्णतावाढीमुळे यावर्षीही साताऱ्यात आले लागवड रखडणार
टीम अॅग्रोवन
मंगळवार, 21 मे 2019

सातारा  ः मागील तीन ते चार वर्षांपासून मे महिन्यात उष्णतेत होत असलेल्या वाढीमुळे अक्षय तृतीयेच्या मुहूर्तावर सुरू होणारी आले लागवड यावर्षीही रखडणार आहे. आल्याच्या दरात होत असलेल्या सुधारणेमुळे मागील दोन वर्षांच्या तुलनेत जिल्ह्यातील आले पिकाच्या क्षेत्रात वाढ होण्याची शक्यता आहे. 

सातारा  ः मागील तीन ते चार वर्षांपासून मे महिन्यात उष्णतेत होत असलेल्या वाढीमुळे अक्षय तृतीयेच्या मुहूर्तावर सुरू होणारी आले लागवड यावर्षीही रखडणार आहे. आल्याच्या दरात होत असलेल्या सुधारणेमुळे मागील दोन वर्षांच्या तुलनेत जिल्ह्यातील आले पिकाच्या क्षेत्रात वाढ होण्याची शक्यता आहे. 

अपुऱ्या पावसाचा इतर पिकांप्रमाणे आले पिकालाही फटका बसताना दिसत आहे. जिल्ह्यात अक्षय तृतीयेच्या मुहूर्तावर शेतकरी आले लागवड करतात. मात्र, सध्या उष्णता वाढल्याने आले लागवड सुरू झालेली नाही. मागील तीन ते चार वर्षांपासून हीच परिस्थिती निर्माण झाल्याने आल्याच्या एकुण उत्पादनावर परिणाम झालेला आहे. या हंगामात नदीकाठी व कालव्याचे पाणी उपलब्ध असणाऱ्या ठिकाणी आले लागवडीसाठी पूर्वमशागत सुरू झाली आहे. यामध्ये रोटर मारणे, बेड सो़डणे, खताची पेरणी करणे तसेच तयार बेडवर ठिबक टाकणे या कामांचा समावेश आहे. जिल्ह्यात साधारणपणे २५०० हेक्‍टरवर आल्याची लागवड होते. मात्र मुहूर्तावर यातील सुमारे ५ ते १० टक्के क्षेत्रावरदेखील आल्याची लागवड  झाली नसल्याचा अंदाज व्यक्त केला जात आहे. 

आले उत्पादक शेतकऱ्यांकडून मशागतीच्या कामांना प्रारंभ झाला आहे. सध्या तापमान वाढले आहे. वाढलेल्या तापमानामुळे लागवड केलेल्या आल्याची उगवण उशिरा होते. तसेच उत्पादनावर परिणाम होतो. सध्या संथ गतीने सुरू असलेली आले लागवड जून महिन्याच्या पहिल्या किंवा दुसऱ्या आठवड्यात गतीने होणार आहे. मात्र, पावसाचे आगमन उशिरा झाल्यास आले लागवड पुढे धोक्‍यात येण्याची शक्‍यता आहे. उशिरा आले लागवड झाल्यास त्याचा उत्पादनावर परिणाम असतो. 

  • आले पिकाचे सध्याचे दर  : विक्रीचे आले प्रतिगाडी (५०० किलो) ः ३८ ते ४० हजार रुपये 

 
आले पिकाकडे कल वाढला
मागील वर्षापासून आले पिकाच्या दरात सुधारणा झाली आहे. दुष्काळाच्या पार्श्वभूमीवर पुढील वर्षीही दर टिकून राहण्याची शक्यता व्यक्त केली जात आहे. परिणामी, आले लागवड करण्याकडे शेतकऱ्यांचा कल वाढला आहे. मात्र, बियाण्यांचे दर प्रतिगाडीस ३५ हजारांवर गेल्याने उत्पादन खर्चात वाढ झाली आहे. बियाण्यांच्या वाढलेल्या दरामुळे आले पिकाच्या क्षेत्रात अपेक्षित वाढ होणार नसली, तरी शेतकऱ्यांच्या संख्येत वाढ होईल.

इतर ताज्या घडामोडी
डॉ. नानासाहेब परुळेकर स्मृती पुरस्कार...पुणे ः डॉ. परुळेकर जयंतीनिमित्त ‘सकाळ माध्यम...
कर्जमाफी, ऊसबिलासाठी शेतकऱ्यांचा एल्गारनवी दिल्ली : शेतकरी कर्जमाफी, थकीत ऊसबिल,...
पाण्याच्या उपलब्धतेनुसार पीकरचना करावी...नाशिक  : पाण्याच्या उपलब्धतेनुसार पीकरचना...
औरंगाबादमध्ये कांदा १५०० ते ४४०० रुपये...औरंगाबाद : येथील कृषी उत्पन्न बाजार समितीमध्ये...
मराठवाड्यातील ११ मंडळांत जोरदार पाऊसऔरंगाबाद : मराठवाड्यातील ४२१ मंडळांपैकी ३८४...
`प्रक्रिया उत्पादनांवरील १२ टक्के...रत्नागिरी : कोकणातील फळ उद्योगांसाठी...
सांगली जिल्हा बॅंकेच्या ऑनलाइन परिक्षा...सांगली : जिल्हा बॅंकेतील कनिष्ठ लिपिक पदाच्या...
कापूस उत्पादकांचा दसऱ्याचा मुहूर्त...अकोला  ः ऑगस्टच्या शेवटच्या आठवड्यापासून...
पहुर्जीरा गावात पाण्यात बैलगाडी उलटलीबुलडाणा  : जिल्ह्यातील खामगाव तालुक्यात...
चांदा ते बांदा योजनेअंतर्गत विविध करारः...मुंबई: राज्यात चांदा ते बांदा योजनेअंतर्गत...
पुणे जिल्ह्यात हलक्या ते मध्यम...पुणे ः गेल्या चार ते पाच दिवसांपासून पुणे...
मालेगाव तालुक्यात पावसामुळे पिके भुईसपाटनाशिक : मालेगाव तालुक्यातील सौंदणे गावाच्या...
पुणे जिल्ह्यात दोन हजार ३५४ पीककापणी...पुणे ः पिकांची उत्पादकता आणि पीकविमा नुकसानभरपाई...
छावण्या सुरू ठेवण्यासाठी शेवगावात आंदोलननगर ः शेगाव तालुक्यातील बहुतांश गावांमध्ये अजूनही...
आघाडीचे सरकार आल्यास सरसकट कर्जमाफी ः...जालना : केंद्र आणि राज्य सरकारच्या चुकीच्या...
नगरमध्ये कांदा प्रतिक्विंटल कमाल पाच...नगर : नगर तालुका कृषी उत्पन्न बाजार समितीच्या...
नाशिकच्या सभेत पंतप्रधानांकडून ज्वलंत...नाशिक : मुख्यमंत्री देवेंद्र फडणवीस यांच्या...
साताऱ्याच्या दुष्काळी भागात दुसऱ्या...सातारा : जिल्ह्यातील दुष्काळी माण, खटाव तालुक्‍...
विधानसभा निवडणुकीसाठी मनसे १०० जागा...मुंबई : आगामी विधानसभा निवडणुकीत महाराष्ट्र...
विधानसभा निवडणुकीच्या आचारसंहितेची...मुंबई ः चौदाव्या विधानसभा निवडणुकीची आचारसंहिता...