Agriculture news in marathi Give full relief in electricity bill to farmers, resolutions in Solapur Zilla Parishad General Assembly | Agrowon

शेतकऱ्यांना संपूर्ण वीजबिलमाफी द्या, 'या' झेडपीने केला ठराव

टीम अॅग्रोवन
शनिवार, 23 नोव्हेंबर 2019

सोलापूर : जिल्ह्यात गेल्या दोन वर्षांपासून शेतकऱ्यांना सातत्याने नैसर्गिक आपत्तीला तोंड द्यावे लागत आहे. त्यात आता पुन्हा शेती करताना वीजबिलाने शेतकऱ्यांची अडचण होणार आहे. या पार्श्‍वभूमीवर शेतकऱ्यांना संपूर्ण वीजबिलमाफी द्यावी, असा ठराव गुरुवारी (ता. २१) जिल्हा परिषदेच्या सर्वसाधारण सभेत करण्यात आला.

सोलापूर : जिल्ह्यात गेल्या दोन वर्षांपासून शेतकऱ्यांना सातत्याने नैसर्गिक आपत्तीला तोंड द्यावे लागत आहे. त्यात आता पुन्हा शेती करताना वीजबिलाने शेतकऱ्यांची अडचण होणार आहे. या पार्श्‍वभूमीवर शेतकऱ्यांना संपूर्ण वीजबिलमाफी द्यावी, असा ठराव गुरुवारी (ता. २१) जिल्हा परिषदेच्या सर्वसाधारण सभेत करण्यात आला.

जिल्हा परिषदेच्या यशवंतराव चव्हाण सभागृहात अध्यक्ष शिवानंद पाटील यांच्या अध्यक्षतेखाली सभा झाली. मुख्य कार्यकारी अधिकारी प्रकाश वायचळ, अर्थ व बांधकाम समितीचे सभापती विजयराज डोंगरे, कृषी समितीचे सभापती मल्लिकार्जुन पाटील, महिला व बालकल्याण समितीच्या सभापती रजनी देशमुख, समाजकल्याण समितीच्या सभापती शीला शिवशरण, अतिरिक्त मुख्य कार्यकारी अधिकारी डॉ. अर्जुन गुंडे, उपमुख्य कार्यकारी अधिकारी परमेश्‍वर राऊत, मुख्य लेखा व वित्त अधिकारी महेश आवताडे उपस्थित होते.

सभेच्या सुरुवातीला शेतीपंपाच्या वीज आणि विजेच्या प्रश्‍नावरुन महावितरणच्या अधिकाऱ्यांना धारेवर धरण्यात आले. काही गावांत डीपीसाठी लागणारे ऑइल दिले जात नसल्याचा मुद्दा वसंत देशमुख, त्रिभुवन धाईंजे यांनी उपस्थित केला. त्यासंबंधी सुभाष माने, शैला गोडसे, अरुण तोडकर, उमेश पाटील, ज्योती पाटील, सचिन देशमुख यांनी प्रश्‍न उपस्थित केले. त्यानंतर दुष्काळाच्या सततच्या आपत्तीमुळे शेतकरी अडचणीत आहेत. त्यामुळे वीजबिलमाफीचा ठराव घेण्यात आला. त्याचबरोबर कोणत्याही शेतकऱ्याचे वीजकनेक्‍शन न तोडण्याचेही शासनाला ठराव करून पाठविण्याचा निर्णय या वेळी झाला.

ग्रामपंचायतीच्या हद्दीत लावण्यात येणाऱ्या हायमास्ट दिव्यांच्या निविदा काढण्याची प्रक्रिया ग्रामपंचायत विभागाला द्यायला हवी होती. पण, तसे न झाल्याने सर्वच सदस्यांनी त्याला प्रखर विरोध केला. सदस्य सचिन देशमुख यांच्यासह विरोधी पक्षनेते बळीराम साठे, आनंद तानवडे, भारत शिंदे, शिवाजी सोनवणे यांनी यासंबंधीची आक्षेपाची मते मांडली. शेवटी प्रदीर्घ चर्चेनंतर अध्यक्ष पाटील यांनी ही प्रक्रिया रद्द करण्याचा निर्णय घेतला.

जिल्हा परिषदेच्या आरोग्य विभागाचा कारभार भोंगळ पद्धतीने सुरू आहे. प्राथमिक आरोग्य केंद्रांत अनेक वर्षे काम केल्याने कर्मचाऱ्यांची गुंडगिरी सुरू झाली असल्याचा मुद्दा वसंत देशमुख यांनी उपस्थित केला. 

सदस्य झाले निरुत्तर

जिल्हा परिषदेच्या प्राथमिक, माध्यमिक व निरंतर शिक्षणाधिकाऱ्यांची जबाबदारी एकट्या संजयकुमार राठोड यांच्याकडे आहे. प्राथमिकचे त्यांचे काम चांगले असल्याचे मत काही सदस्यांचे आहे. मात्र माध्यमिकच्या फाइलवर ते सहीच करीत नसल्याचे काहींनी सांगितले. त्या वेळी श्री. राठोड यांनी वैयक्तिक मान्यता वगळता अन्य कोणताच प्रश्‍न उरला नसल्याचे सांगितल्याने सदस्य निरुत्तर झाले.
 


इतर ताज्या घडामोडी
शेती उत्पादन वाढीसाठी मधमाश्‍यांचा मोठा...नाशिक: मधमाश्‍यांचे संगोपन करून त्यांच्या...
कृत्रिम रेतनावर नियंत्रण योग्यचपुणे : कृत्रिम रेतन करताना शास्त्रोक्त...
कडधान्यवर्गीय बियाणे उत्पादकांना अनुदान...अकोला  ः कडधान्यवर्गीय पिकांच्या पायाभूत...
अमरावती ‘एसआयटी’कडूनही अजित पवार निर्दोषमुंबई : नागपूर विभागातील सिंचन घोटाळ्यापाठोपाठ...
नांदेड जिल्ह्यात कृषी योजनेंतर्गत १...नांदेड : जिल्हा परिषदेच्या कृषी...
पुणे विभागात गळीत हंगामात १८ साखर...पुणे : गळीत हंगाम सुरू होऊन जवळपास दीड महिना होत...
खानदेशात ज्वारीची आवक नगण्य, दरही...जळगाव  ः खानदेशातील प्रमुख बाजार...
नगर जिल्ह्यात पाण्याअभावी २४० पाणी...नगर : आक्टोबर महिन्यात जिल्हाभर जोरदार पाऊस...
जळगाव जिल्ह्यात सिंचनासाठी धरणांतून पाच...जळगाव  ः पावसाळ्यात सरासरीच्या तीस टक्के...
सोलापुरात दरवाढीनंतर कांद्याच्या आवकेत...सोलापूर : सोलापूर कृषी उत्पन्न बाजार समितीमध्ये...
सातारा जिल्ह्यात रब्बी पीककर्जाचे सात...सातारा : जिल्ह्यात खरीप हंगामाप्रमाणेच रब्बी...
‘पांडुरंग', 'विठ्ठल’च्या निवडणुकांकडे...सोलापूर : आगामी वर्षात जिल्ह्यातील आघाडीच्या...
शेतीमधील गरज ओळखा ः डॉ. सिंगजालना : ‘‘कृषी विज्ञान केंद्रातील शास्त्रज्ञांनी...
सिद्धेश्‍वर कारखान्याची चिमणी तीन...सोलापूर : सिद्धेश्‍वर साखर कारखान्याची चिमणी...
लोणंद बाजार समितीत कांद्याला ११...लोणंद, जि. सातारा : कांद्याची आवक घटल्याने लोणंद...
किमान तापमानात घसरण, थंडीत चढ-उतार...महाराष्ट्राच्या समुद्र किनारपट्टीवर उत्तर दिशेने...
सिंधुदुर्ग जिल्ह्यात ढगाळ वातावरणाचा...सिंधुदुर्ग : गेले पाच दिवस जिल्ह्यात असलेल्या...
उसाला प्रतिटन चार हजार रुपये दर द्यावासातारा : ‘‘उसाला प्रतिटन चार हजार रुपये द्या, दोन...
टेंभू, ताकारी, म्हैसाळच्या पूर्णत्वाची...सांगली : टेंभू, ताकारी आणि म्हैसाळ योजनांच्या...
चोरट्यांपासून कांद्याच्या रक्षणासाठी...नगर ः बाजारात टंचाई असल्याने महिनाभरापासून...