शेतकऱ्यांना कर्ज देण्यासाठी शिखर बॅंकेची मदत घेणार
शेतकऱ्यांना कर्ज देण्यासाठी शिखर बॅंकेची मदत घेणार

शेतकऱ्यांना कर्ज देण्यासाठी शिखर बॅंकेची मदत घेणार

सोलापूर : ‘‘जिल्हा बॅंकेच्या माध्यमातून शेतकऱ्यांना अधिकाधिक कर्ज वाटप करण्याचा प्रयत्न आहे. त्यासाठी शिखर बॅंकेची मदत घेऊ. त्याशिवाय थकबाकी वसुलीसाठीही विशेष मोहीम सुरू केली आहे. जिल्ह्यातील १० साखर कारखान्यांसह ३६ सहकारी संस्थांकडे कर्जापोटी ९६२ कोटी २२ लाख रुपये थकीत आहेत. त्याच्या वसुलीची कारवाई सुरू असून, ही प्रक्रिया अंतिम टप्प्यात आहे. त्यामुळे पैशाचा प्रश्‍न सुटेल. यापुढे शेतकऱ्यांना प्राधान्य देण्यात येईल,`` असे बॅंकेचे प्रशासक अविनाश देशमुख यांनी सांगितले.

जिल्हा बॅंकेची १०० वी वार्षिक सर्वसाधारण सभा झाली. या वेळी माजी आमदार धनाजी साठे, बॅंकेचे सरव्यवस्थापक किसन मोटे, ‘नाबार्ड`चे प्रदीप झिले, सहायक व्यवस्थापक के. आर. पाटील आदी उपस्थित होते.

 देशमुख म्हणाले, ‘‘जिल्ह्यातील साखर कारखाने, गूळ उत्पादक कारखाने, सूत गिरण्या, शैक्षणिक संस्था, प्रक्रिया उद्योग, पगारदार संस्था, राज्य बॅंकेचा सहभाग असलेल्या संस्था व तीन इतर संस्था यांच्याकडे कर्जाची ५४३ कोटी, तर व्याजाची ४१९ अशी एकूण ९६२ कोटी रुपये रक्कम थकीत आहेत. यामध्ये वसुलीची प्रक्रिया सुरू आहे. वसुलीसाठी न्यायालयासह अन्य यंत्रणाकडे पाठपुरावा सुरू आहे.

जिल्हा बॅंकेने यंदा मागील वर्षापेक्षा अधिक कर्जाचे वाटप केले आहे. २८४ कोटीचे उद्दिष्ट असून, त्यापैकी १८२ कोटीचे कर्जे दिली आहेत. मागील वर्षी १२५ कोटी रुपयांचे कर्ज वाटप केले होते. यंदाच्या वर्षात बॅंकेला ३.६८ कोटी रुपयांचा नफा झाला आहे. पण अनुत्पादक कर्जाचे एनपीएप्रमाणे वाढल्याने बॅंकेला कागदोपत्री २७. ५४ कोटी रुपयांचा तोटा दिसतो. एनपीएमध्ये ३०.५४ कोटी रुपये जमा केल्याने तोटा वाढला आहे, असेही ते म्हणाले. या वेळी बॅंकेच्या नफा-तोटा पत्रकाचे वाचन करण्यात आले. तसेच त्यावरील कार्यवाहीची माहिती देण्यात आली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com