agriculture news in Marathi give permission for cotton seed sell from 20th May Maharashtra | Agrowon

कापूस बियाणे विक्री २० मेपासून करा : ‘माफदा’

टीम अॅग्रोवन
सोमवार, 17 मे 2021

विदर्भ, खानदेश विभागांत शेजारच्या राज्यातून मान्यताप्राप्त नसलेल्या कंपन्यांचे अनधिकृत बियाणे थेट विकले जाते. 

नागपूर : विदर्भ, खानदेश विभागांत शेजारच्या राज्यातून मान्यताप्राप्त नसलेल्या कंपन्यांचे अनधिकृत बियाणे थेट विकले जाते. त्यातून शेतकऱ्यांची फसवणूक होण्याची शक्यता पाहता बीटी कापूस बियाणे विक्रीसाठी गुरुवारपासून (ता.२०) पासून परवानगी देण्यात यावी, अशी मागणी ‘माफदा’ने केली आहे. 

महाराष्ट्र फर्टिलायझर्स पेस्टिसाइड डीलर असोसिएशनने (माफदा) कृषिमंत्री दादा भुसे यांना विविध १४ मागण्यांचे निवेदन सादर करण्यात आले. त्या माध्यमातून ही मागणी करण्यात आली आहे. निवेदनानुसार, कृषी विभागाने कंपनी ते वितरक यांना सोमवारी (ता.१०), वितरक ते किरकोळ विक्रेता यांना शनिवार (ता. १५), तर किरकोळ विक्रेते एक जून रोजी शेतकऱ्यांना बियाणे विक्री करतील.

परंतु त्यापूर्वीच अनधिकृत बियाणे शेतकऱ्यांपर्यंत पोहोचणार आहे. गेल्या अनेक वर्षांचा तसा अनुभव देखील आहे. त्यामुळे अधिकृत बियाणे विक्रीसाठी मे महिन्यात परवानगी देण्यात यावी. कृषी विभागाच्या राज्यस्तरीय आणि जिल्हास्तरीय गुणनियंत्रण समित्यांमध्ये ‘माफदा’च्या राज्यस्तरीय आणि जिल्हास्तरीय पदाधिकाऱ्यांची नेमणूक व्हावी. 

परवानाधारक विक्रेत्याचे निधन झाल्यास त्याच्या परवान्याचे हस्तांतर वारसास व्हावे. विक्रीस मनाई केलेली कीटकनाशके तसेच मुदतबाह्य कीटकनाशके नष्ट करण्याची यंत्रणा कृषी विक्रेत्यांकडे नाही. त्यासाठी उत्पादक कंपन्यांना अशी उत्पादने परत घेत नष्ट करण्याच्या कारवाईबाबत शासन स्तरावरून आदेश देण्यात यावे. बियाणे सॅम्पलच्या थकीत रकमेचा प्रश्‍न गेल्या अनेक वर्षांपासून प्रलंबित आहे. यावर तोडगा निघावा. असोसिएशनचे महासचिव विपिन कासलीवाल, अध्यक्ष विनोद तराळ यांच्या स्वाक्षरीने हे निवेदन देण्यात आले आहे. 

‘माफदा’च्या मागण्या 

  • कृषी सेवा केंद्रे दिवसभर सुरू करावीत 
  • कोरोनामुळे ‘ई-पॉस’वरून विक्रीला स्थगिती द्यावी 
  • सीलबंद बियाणे फेल गेल्यास विक्रत्यांवर कारवाई न करता त्यांना साक्षीदार समजावे 
  • सोयाबीन बियाण्याच्या तक्रारी आल्यास बाजू मांडण्याची संधी द्यावी 
  • कोरोनामुळे संगणकीय पद्धतीने ठेवलेले स्टॉक रजिस्टर मान्य करा 

खताच्या किमती कमी करा 
रासायनिक खतांच्या किमतीमध्ये वाढ झाली आहे. त्यामुळे विक्रेत्यांना कमिशन ही कमी प्रमाणात मिळेल. अत्यल्प कमिशनमध्ये गोदाम भाडे, दुकानातील कर्मचाऱ्यांचे पगार, व्यवसायासाठी घेतलेल्या कर्जाचे व्याज, वाहतूक, हमाली याचा खर्च भागत नाही. शेतकऱ्यांचा उत्पादन खर्चदेखील यामुळे वाढणार आहे. ही बाब लक्षात घेता खताच्या किमती कमी करण्यासाठी शासनस्तरावर कारवाई व्हावी, तसेच सर्व विक्रेत्यांना युरिया पोहोच सुविधा मिळावी.  


इतर अॅग्रो विशेष
विदर्भात मुसळधारेची शक्यता पुणे : उत्तरेकडे मॉन्सून गेल्यानंतर राज्यातील...
दूधप्रश्‍नी शेतकरी आक्रमक; राज्यभरात...नगर ः दुधाला दर मिळावा यासाठी गुरुवारी (ता. १७)...
‘द्राक्ष क्लस्टर’मध्ये नाशिकचा समावेश नाशिक : केंद्र सरकारने देशभरात विविध ५३ पिकांचे...
सूक्ष्म अन्न उद्योग उन्नयन योजनेला गती...पुणे ः पंतप्रधान सूक्ष्म अन्न उद्योग उन्नयन योजना...
कोकणसह कोल्हापुरात पावसाने दाणादाण पुणे : कोकणातील सिंधुदुर्ग, रत्नागिरी, रायगड,...
पुनर्रचित हवामान आधारित फळपीक विम्याचे...सोलापूर ः राज्यातील फळबागांसाठी असलेल्या...
सिंधुदुर्ग पूरस्थितीच्या उंबरठ्यावरसिंधुदुर्गनगरी ः जिल्ह्यात सुरू असलेल्या मुसळधार...
राज्यात कांदा प्रतिक्विंटल ५०० ते २३००...अकोल्यात प्रतिक्विंटल ६०० ते १६०० रुपये अकोला ः...
खानदेशातील आवार प्रगतीवर स्वारआवार (ता.जि. जळगाव) हे कापूस, दादर ज्वारीसाठी...
राज्यात २१८ तालुक्यांमध्ये दमदार पाऊस;...पुणे ः जूनच्या पहिल्या पंधरवड्यात राज्यातील २१८...
राज्यात खरीप पेरणी तीन टक्केनगर ः राज्यात यंदा आतापर्यंत खरिपाची सरासरीच्या...
दूधप्रश्‍नी आज राज्यभर किसान सभेचे...नगर ः दुधाला दर मिळावा यासाठी गुरुवारी (ता. १७)...
विदर्भात पावसाचा जोर वाढणारपुणे : राज्यातील बहुतांशी भागात उन्हासह अंशतः...
अनेक वर्षांपासून जपली आले उत्पादकता अन्...आले पिकातील दरांत दरवर्षी चढउतार होते. मात्र...
भाजीपाला बीजोत्पादनातील ‘मास्टर’जिद्द, हिंमत, अभ्यास, ज्ञान घेण्याची वृत्ती व...
कोकण, विदर्भात जोरदार पावसाची शक्यता पुणे : कोकण ते अरबी समुद्राच्या दरम्यान कमी...
पूर्वविदर्भात जोरदार पाऊस पुणे : राज्यातील काही भागांत पावसाचा दणका सुरूच...
जालन्यातील ऊस संशोधन केंद्र उभारणीला...पुणे ः ऊस शेतीच्या विकासासाठी विदर्भ,...
दूध दरांसाठी ग्रामसभांच्या ठरावाची...नगर : राज्यात दुधाला दर दिला जात नसल्याने दूध...
आता शेतकरीच करणार पीकपाहणी पुणे ः तलाठ्याकडून गावशिवारात प्रत्यक्ष पाहणी...