agriculture news in Marathi give permission to new drip rate proposal Maharashtra | Agrowon

ठिबकच्या नव्या दरपत्रकाला मान्यता द्या 

टीम अॅग्रोवन
मंगळवार, 23 मार्च 2021

कच्च्या मालाच्या किमती वाढल्यामुळे धास्तावलेल्या ठिबक संच उत्पादक कंपन्यांनी आता दरवाढ करण्याची तयारी सुरू केली आहे. 

पुणे: कच्च्या मालाच्या किमती वाढल्यामुळे धास्तावलेल्या ठिबक संच उत्पादक कंपन्यांनी आता दरवाढ करण्याची तयारी सुरू केली आहे. सुधारित दरपत्रकाला मान्यता देण्याची मागणी देखील या कंपन्यांनी राज्याच्या कृषी खात्याकडे केली आहे. 

२०२०-२१ मधील प्रधानमंत्री कृषी सिंचन योजना राबविण्यासाठी मार्गदर्शक सूचना काढण्याच्या कृषी आयुक्तालयाच्या निर्णयाचे राज्यातील ठिबक उद्योगाने स्वागत केले आहे. मात्र, सुक्ष्म सिंचन साहित्याकरीता सुधारित दर लागू करावे लागतील, असाही आग्रह धरला आहे. 

राज्यात २०१७ पासून प्रधानमंत्री कृषी सिंचन योजना सुरू झाली. या योजनेत सहभागी होणाऱ्या कंपन्या दरवर्षी साहित्याचे दर कृषी आयुक्तालयाला सादर करतात. सिंचन साहित्य निर्मितीसाठी आवश्यक असलेल्या कच्चा मालाच्या किमती गेल्या सहा महिन्यांपासून सातत्याने वाढत आहेत. ही वाढ २५ टक्क्यांच्या पुढे गेली असून मनुष्यबळ व वाहतूक खर्च देखील वाढल्याने कंपन्यांना दरवाढ करणे अनिवार्य आहे, असे उद्योगाचे म्हणणे आहे. 

“सुक्ष्म सिंचन उत्पादक कंपन्यांना स्वतःचे दरपत्रक लागू करण्यास व त्यानुसार दर आकारणी करण्यास केंद्र शासनाने मान्यता दिलेली आहे. त्यामुळे कंपन्यांना सुधारित दरपत्रक सादर करण्याची मान्यता द्यावी,” अशी लेखी मागणी ठिबक कंपन्यांनी आयुक्तांकडे केली आहे. 

सुक्ष्म सिंचन संच निर्मिती उद्योगात ९५ टक्के कंपन्या या ‘एमएसएमइ’ गटातील म्हणजेच सुक्ष्म,लघू,मध्यम उद्योग करणाऱ्या आहेत. कोविड १९ ची स्थिती, त्यानंतर लॉकडाउनची बंधने यात कंपन्यांची मोठी हानी झाली आहे. त्यात पुन्हा कच्च्या मालाची दरवाढ ही कंपन्यांसमोरील संकटात भर घालणारी ठरत आहे. त्यामुळे सध्याच्या किमतीत सुक्ष्म सिंचनाची उत्पादने विकणे अशक्य आहे, अशी भूमिका इरिगेशन असोसिएशन ऑफ इंडियाने देखील घेतली आहे. 

दरम्यान, पुण्यातील पीव्हीसी पाइप व्यापारी वर्गाच्या म्हणण्यानुसार, प्लॅस्टिक पाइप निर्मितीसाठी कच्च्या मालाचा तुटवडा भासत आहे. त्यामुळे शेतकऱ्यांना विकली जाणारी अवजारे व पीव्हीसी पाइपचे दर वाढले आहेत. ही दरवाढ ७०-८० टक्के असून पुढील काही महिने तरी त्यात घट होण्याची शक्यता नाही. इंधन दरवाढीसोबतच पॉलिमरच्या वाढलेल्या किमती आणि कमी पुरवठा यामुळे ही समस्या निर्माण झाली आहे. 

कोरोना स्थितीमुळे शेतमालाला भाव मिळत नसताना पीव्हीसी पाइप व शेती अवजारांच्या किमतीत होणारी वाढ शेतकऱ्यांना दुहेरी संकटात टाकणारी आहे. पुणे भागातील बाजारपेठेत सध्या पीव्हीसी तीन इंची पाइप ५०० रुपयांऐवजी ९५५ रुपये तर चार इंची पाइप ७२० ऐवजी १३७० रुपयांना विकला जात आहे. 

अशी झाली कच्च्या मालाची दरवाढ 
पीव्हीसी : 
५२ टक्के 
एचडीपीई : २२ टक्के 
एलएलडीपीई : ३० टक्के 
पीपी : ५१ टक्के 
स्टील : ४३ टक्के  

 
 


इतर अॅग्रो विशेष
राज्यात आठवडाभर हलक्या पावसाची शक्यतापुणे : कोकणसह राज्यातील काही भागांत पावसाने...
देशात सव्वादोन लाख हेक्टरवर हळद लागवडसांगली ः यंदा देशात हळदीची लागवड अंतिम टप्प्यात...
आयातशुल्क वाढीचा संत्रा निर्यातीवर...अमरावती : संत्र्याचा मुख्य आयातदार असलेल्या...
मध्य प्रदेशात सोयाबीनचे क्षेत्र कमी...नागपूर : मध्य प्रदेशात पिवळं सोनं म्हणून ओळखल्या...
प्रक्रिया उद्योगातून ‘सूर्या’ची झळाळी तेलगाव (ता. वसमत. जि. हिंगोली) येथील सूर्या...
संकटांमधून जांभूळ शेती उद्योगाची वाटचालसिंधुदुर्ग जिल्ह्यातील निरुखे येथील अनिरुद्ध...
पावसाचा जोर कमी होणार पुणे : कोकण, कोल्हापूर, सातारा, सांगली, पुणे व...
कोकणात पावसाचा जोर ओसरला पुणे : कोकणात धुमाकूळ घातलेल्या पावसाचा जोर...
सोसायट्यांवर बॅंकिंग सुधारणांचा परिणाम...पुणे ः बॅंकिंग नियमन कायद्यात झालेल्या...
राज्यात ‘एचटीबीटी’च्या ७५ लाख पाकिटांची...पुणे ः बंदी असूनही देशात कपाशीच्या तणनाशक सहनशील...
राज्यातील धरणांत २३४ टीएमसी पाणीसाठानगर ः राज्याच्या एकूण सहा महसूली विभागांतील...
कोकण, विदर्भात मुसळधारेचा अंदाज पुणे : दक्षिण कोकणची किनारपट्टी ते उत्तर...
राज्यात ठिकठिकाणी मुसळधारपुणे : कोकणातील रायगड, रत्नागिरी, सिंधुदुर्ग...
उत्तरेत मॉन्सूनचा वेगाने प्रवास पुणे : गेल्या दोन दिवसांपासून उत्तर भारतात पुन्हा...
तुम्हीच अभ्यास करा, अन् विम्याचे ठरवा...सोलापूर ः पुनर्रचित हवामान आधारित फळपीक...
चिकू विमा हप्त्यात सहा पटीने वाढ पालघर ः कोरोनाच्या संकटात चहूबाजूंनी शेतकरी...
फळपीक विमा योजनेत हवामान धोके कायम, ...सोलापूर ः पुनर्रचित हवामान आधारित फळपीक विमा...
चार पिकांमध्ये पूर्ण बियाणे बदल नगर ः चांगले उत्पादन घ्यायचे तर नवी सुधारित...
द्राक्ष उत्पादकांची फसवणूक, ५...नाशिक : दिंडोरी तालुक्यातील वळखेड, निगडोळ, नळवाडी...
राज्यात ३.१४ लाखांवर नवीन वीजजोडण्या सांगली ः कोरोना विषाणूच्या दुसऱ्या लाटेत मार्च...