अकोला ः सध्याच्या काळात शेतकऱ्यांनी पिकवलेला शेतमाल वाया जाऊ नये, शेतकऱ्यांना त्यांच्या शेतमालाचे योग्य मूल्य मिळावे या करिता शेतकऱ्यांचा शेतमाल थेट ग्राहकांच्या दारी ही योजना अकोला जिल्ह्यात राबविली जात आहे. यासाठी प्रशासनाने शेतकरी गटांना प्राधान्य क्रमाने मागणीनुसार त्वरित मोक्याच्या जागा उपलब्ध करून द्याव्या, असे निर्देश पालकमंत्री बच्चू कडू यांनी जिल्हाधिकाऱ्यांना दिले आहेत.
याबाबत पालकमंत्री कडू यांनी जिल्हाधिकारी, जिल्हा अधीक्षक कृषी अधिकारी व जिल्हा उपनिबंधकांना याबाबत तातडीचे पत्र लिहिले आहे. यात म्हटले की, जिल्ह्यात शेतकरी ते ग्राहक साखळी निर्माण करण्यात येत आहे. शेतकऱ्यांना आपला शेतमाल विक्री करणे सुलभ व सोयीचे व्हावे म्हणून अकोला महानगर पालिका हद्दीत तसेच जिल्ह्यातील सर्व तालुक्यांच्या ठिकाणी मोक्याच्या जागा निश्चित करण्यात याव्यात. सदर जागा कृषी विभागाकडे व आत्माकडे नोंदणीकृत असलेल्या शेतकरी गटांना प्राधान्याने त्यांच्या मागणीनुसार त्वरित उपलब्ध करून देण्याबाबतची कार्यवाही कृषी विभागाच्या समन्वयाने करण्यात यावी, असेही सुचविले आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.