औरंगाबाद: नानाजी देशमुख कृषी संजीवनी प्रकल्पाअंतर्गत (पोकरा)सहभागी विविध गावांमधून शेतमजुरांसाठी शेती शाळेच्या माध्यमातून कौशल्य प्रशिक्षण ऑगस्टपासून राबविण्यात येणार आहे. तशा सूचना प्रकल्प प्रमुख विकास चंद्र रस्तोगी यांनी पत्राद्वारे शनिवारी (ता. १) प्रकल्पाच्या क्षेत्रीय अधिकाऱ्यांना दिल्या आहेत. शेतकऱ्यांना हवामान अनुकूल तंत्रज्ञानाची सखोल माहिती हवी या उद्देशाने नानाजी देशमुख कृषी संजीवनी प्रकल्पाच्या माध्यमातून सहभागी गावांमध्ये खरीप व रब्बी हंगामात मुख्य पिकांच्या शेतीशाळा घेण्याचे नियोजन केले गेले होते. या माध्यमातून विविध वेबिनारचेही आयोजन केले गेले होते. शिवाय शेतीशाळांच्या दोन्ही हंगामातील नियोजनानुसार खरिपातील शेतीशाळा सद्यःस्थितीत सुरू आहेत. या शेती शाळांमध्येच शेतमजुरांना देखील प्रशिक्षण देण्याबाबत प्रकल्पाच्या क्षेत्रीय अधिकाऱ्यांना सूचित करण्यात आले आहे. ऑगस्टपासूनच याची अंमलबजावणी केली जाणार आहे. कृषिमंत्री भुसे यांनी नानाजी देशमुख कृषी संजीवनी प्रकल्पाच्या संचालकांना यासंदर्भात सूचना केली होती. शेतीविषयक कामे करताना शेतमजुरांची कष्ट कमी करणे, संभाव्य इजा टाळणे, कामाची गती वाढविणे आणि नवीन कौशल्य आत्मसात करण्यासाठी शेतमजुरांना विशिष्ट कौशल्याची गरज असते हे लक्षात घेऊन प्रकल्पात सहभागी गावातील शेतीवर काम करणाऱ्या मजुरांना गरजेनुसार कौशल्य शिकविण्याची सोय करण्याचे नानाजी देशमुख कृषी संजीवनी प्रकल्पाचे संचालक श्री. रस्तोगी यांनी क्षेत्रीय अधिकाऱ्यांना सांगितले आहे. प्रत्येक गावातील पिकाच्या प्रकारानुसार प्रशिक्षणाचे नियोजन करावे. त्यासंदर्भात ग्राम कृषी संजीवनी समितीमध्ये चर्चा करावी. प्रत्यक्ष प्रशिक्षणाच्या अंमलबजावणीसाठी आपले गावाचे समूह सहाय्यक, कृषी सहाय्यक किंवा शेतीशाळा समन्वयक यांच्याशी समन्वय ठेवावा. सुरुवातीलाच कीडनाशके फवारणी तंत्र व घ्यावयाची काळजी याविषयी प्रशिक्षण देण्याची सूचना प्रकल्प संचालक श्री. रस्तोगी यांनी केली आहे. या संदर्भातील शेती शाळांना ग्राम कृषी संजीवनी समिती सदस्य व शेतमजुरांनी उपस्थित राहण्याचे आवाहनही प्रकल्पाच्या कर्मचाऱ्यांनी करण्याचे श्री. रस्तोगी यांनी सूचित केले आहे.
याविषयी दिले जाणार प्रशिक्षण
प्रतिक्रिया कोरोनाच्या पार्श्वभूमीवर सर्व सूचना, संकेत पाळून कौशल्य प्रशिक्षणाचा उपक्रम राबवावा. यासाठी कृषी विभागाचे यंत्रणेचे सहकार्य घ्यावे. प्रकल्पाच्या सहाय्याने आपल्या गावातील शेतमजुरांची क्षमता वाढवण्यासाठी आणि आपले गाव हवामान अनुकूल करण्यासाठी पुढाकार घ्यावा. - विकास चंद्र रस्तोगी, प्रकल्प संचालक, पोकरा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.