agriculture news in marathi, glyphosate ban is Harmful, Maharashtra | Agrowon

‘ग्लायफोसेट’ बंदी नुकसानकारक : अनिल घनवट
टीम अॅग्रोवन
रविवार, 2 सप्टेंबर 2018

पुणे ः ‘ग्लायफोसेट’ या तणनाशकावर बंदी घालण्याची मागणी जगात व भारतातही जोर धरत आहे. तथापि मजूरसमस्येवर पर्याय असलेल्या, स्वस्त व प्रभावी अशा या तणनाशकावर बंदी आल्यास शेतकऱ्यांचे मोठे नुकसान होईल. शेतकरी संघटनेचा ‘ग्लायफोसेट’वरील बंदीला विरोध असून, सरकारने बंदीचा निर्णय घेऊ नये, असे लेखी निवेदन शरद जोशीप्रणीत शेतकरी संघटनेचे अध्यक्ष अनिल घनवट यांनी केंद्र तसेच राज्य सरकारच्या कृषिमंत्र्यांना दिले आहे.

पुणे ः ‘ग्लायफोसेट’ या तणनाशकावर बंदी घालण्याची मागणी जगात व भारतातही जोर धरत आहे. तथापि मजूरसमस्येवर पर्याय असलेल्या, स्वस्त व प्रभावी अशा या तणनाशकावर बंदी आल्यास शेतकऱ्यांचे मोठे नुकसान होईल. शेतकरी संघटनेचा ‘ग्लायफोसेट’वरील बंदीला विरोध असून, सरकारने बंदीचा निर्णय घेऊ नये, असे लेखी निवेदन शरद जोशीप्रणीत शेतकरी संघटनेचे अध्यक्ष अनिल घनवट यांनी केंद्र तसेच राज्य सरकारच्या कृषिमंत्र्यांना दिले आहे.

श्री. घनवट यांनी निवेदनात म्हटले आहे, की गेल्या अनेक वर्षांपासून जगात व भारतातही ‘ग्लायफोसेट’ या तणनाशकाचा वापर सुरू आहे. अलीकडील काळात अन्य देशांसह भारतातही या तणनाशकावर बंदी घालण्याची मागणी जोर धरत आहे. ही बंदी अमलात आल्यास शेतकऱ्यांचे प्रचंड आर्थिक नुकसान होणार आहे. शेतातील तण काढण्यासाठी मोठ्या प्रमाणात मजुरांची गरज असते. परिसरातील सर्वच पिके एकाच वेळी खुरपणीस येत असतात. अशा वेळी वेळेवर मजूर न मिळाल्यामुळे तणांमुळे पिकांचे नुकसान होते. मजुरीवर जास्त खर्च होतो व पीक तोट्यात जाते. याला पर्याय म्हणूनच शेतकरी तणनाशकांचा वापर करतात.

‘ग्लायफोसेट’वरील बंदी शेतकरी, कृषी सेवा केंद्रचालक व तणनाशक उत्पादकांना मारक ठरू शकते. देशाचे अन्नधान्य उत्पादन व उत्पन्नातही त्यामुळे घट होऊ शकते. एकूण परिस्थिती लक्षात घेता शासनाने या तणनाशकावर बंदी घालण्याचा निर्णय घेऊ नये, अशी मागणी या निवेदनाद्वारे केंद्र व राज्य सरकारच्या कृषिमंत्र्यांना करण्यात आली आहे. 

प्रभावी, स्वस्त तणनाशक 
‘ग्लायफोसेट’ हे अत्यंत प्रभावी, स्वस्त तणनाशक आहे. अनेक वर्षांपासून जगभर याचा वापर केला जातो. संशोधन व आरोग्य संस्थांनी ते मानवी आरोग्यास हानिकारक नसल्याचा निर्वाळा दिला आहे. मनुष्य, जनावरे किंवा जमिनीवर त्याचा कोणताही दुष्परिणाम होत नाही. त्यामुळे ‘ग्लायफोसेट’वर बंदी घालणे म्हणजे अन्यायकारक ठरेल. 

 ‘एचटी’ रोखण्यास सरकार अपयशी 
भारतात तणनाशक सहनशील (एचटी) कपाशीच्या वाणाची बेकायदेशीर लागवड होत आहे. असे असूनही त्याची लागवड रोखण्यास अपयशी ठरल्यामुळे तणनाशकावर बंदी घालण्याचा हा सरकारचा प्रयत्न आहे. मात्र हा निर्णय शेतकऱ्यांसाठी नुकसानकारक ठरेलच; शिवाय या तणनाशकाचा काळा बाजार व बोगस तणनाशकांचा सुळसुळाट होण्यास संधी मिळेल.

 

इतर ताज्या घडामोडी
अकोल्याचा रब्बी हंगाम दीड लाख हेक्टरवर...अकोला  ः खरिपात पिकांचे नुकसान झाल्याने काही...
सोलापूर जिल्ह्यात नुकसानभरपाईसाठी २०४...सोलापूर : यंदा ऑक्‍टोबर महिन्यात झालेल्या...
पुणे : नुकसानग्रस्त भाजीपाला पिकांचे...पुणे ः मॉन्सुनोत्तर पावसामुळे पुणे विभागात नऊ...
अमरावती जिल्ह्यात ज्वारी ठरेल रब्बीत...अमरावती  ः मध्यम जमीन व सिंचनाच्या सोयी...
साहेब, संत्रा उत्पादकांचे प्रश्‍न सोडवा...नागपूर ः ‘‘दुचाकी, कार आणि घर घेण्यासाठी कर्जाचे...
परभणी : दूधातील घट ऑक्टोबरमध्येही कायमपरभणी : शासकीय दूध योजनेतंर्गंत येथील दुग्ध...
सातारा जिल्ह्यात भूजल पातळीत वाढसातारा ः जिल्ह्यात यंदा झालेल्या अतिवृष्टी,...
नगर जिल्ह्यात सव्वाचार लाख हेक्‍टर...नगर ः मागील महिन्यात झालेल्या अतिवृष्टीमुळे खरीप...
कोल्हापूरच्या पूर्वेकडच्या भागात...कोल्हापूर : एकेकाळी सोयाबीनच्या उत्पादनात अग्रेसर...
ओला दुष्काळ जाहीर करा; बच्चू कडूंचे...मुंबई : राज्यात ओला दुष्काळ जाहीर करून...
गुलटेकडीत कांद्याच्या आवकेत घटपुणे ः गुलटेकडी येथील कृषी उत्पन्न बाजार...
दक्षिण आफ्रिकेतील हापूस आंबा सांगलीतसांगली : आंब्याचा हंगाम सुरू होण्यास अद्याप...
परभणीत शेतकरी संघर्ष समितीचे रास्ता...परभणी ः जिल्ह्यात मॉन्सुनोत्तर पाऊस आणि...
पीकविम्यासाठी शेतकऱ्यांचा कंपनीसमोर...पुणे ः मागील २०१८ या वर्षातील बीड जिल्ह्यातील...
पंतप्रधान मोदी आणि शिवसेनेत दरी निर्माण...मुंबई ः पंतप्रधान नरेंद्र मोदी आणि शिवसेना...
राज्यात लसूण ४२०० ते २० हजार रूपये...सांगलीत ४२०० ते १५००० रुपये सांगली : येथील...
राजकीय अस्थिरतेमुळे पूरग्रस्तांना मदतीस...कोल्हापूर: महापुरात नुकसानग्रस्त शेतकऱ्यांना...
नवनवीन प्रपत्र, जिओ टॅगिंगच्या...बुलडाणा  ः अवकाळी पावसामुळे झालेल्या...
दुष्काळग्रस्त शेतकऱ्यांच्या प्रश्नी ‘...अकोला ः राज्यातील दुष्काळग्रस्त शेतकऱ्यांना एकरी...
शरद पवार करणार विदर्भातील पीक नुकसानीची...नागपूर ः राज्यात सत्तास्थापनेचे गुऱ्हाळ सुरू...