agriculture news in marathi, goat farming and poultry scheme status, nagar, maharashtra | Page 2 ||| Agrowon

नगर : शेळी, कुक्कुटपालन योजनेचा दीडशे शेतकऱ्यांना लाभ

टीम अॅग्रोवन
सोमवार, 7 ऑक्टोबर 2019

नगर  ः शेतीसोबत अन्य पूरक उद्योगासाठी पशुसंवर्धन विभागातर्फे देण्यात येणाऱ्या शेळीपालन, कुक्कुटपालन योजनेचा यंदा जिल्हाभरातील १५७ लाभार्थ्यांना लाभ मिळणार आहे. त्यात ४९ लाभार्थी कुक्कुटपालनाचे तर १०८ लाभार्थी शेळीपालनाचे आहेत. मागणीच्या तुलनेत हे उद्दिष्ट मात्र अल्प आहे.

नगर  ः शेतीसोबत अन्य पूरक उद्योगासाठी पशुसंवर्धन विभागातर्फे देण्यात येणाऱ्या शेळीपालन, कुक्कुटपालन योजनेचा यंदा जिल्हाभरातील १५७ लाभार्थ्यांना लाभ मिळणार आहे. त्यात ४९ लाभार्थी कुक्कुटपालनाचे तर १०८ लाभार्थी शेळीपालनाचे आहेत. मागणीच्या तुलनेत हे उद्दिष्ट मात्र अल्प आहे.

ग्रामीण भागात शेतकरी, बेरोजगार तरुणांनी शेतीला जोडून अन्य व्यवसाय करावा, यासाठी पशुसंवर्धन विभागाकडून शेळीपालन, कुक्कुटपालनाचा लाभ दिला जातो. त्यासाठी शासनाकडून अनुदान मिळते. गेल्या काही वर्षांपासून ही योजना राबवली जात आहे. शेळीपालनासाठी सहा शेळ्या व एक बोकड तर कुक्कुटपालनासाठी एक हजार पक्षी देण्याची योजना आहे. यंदा या योजनेतून कुक्कुटपालनाचा जिल्हाभरातील केवळ ४९ लाभार्थ्यांनाच लाभ मिळणार आहे. त्यामध्ये अकोले तालुक्यातील १०, श्रीगोंद्यातील २ व राहाता तालुक्यातील चार तर कर्जत, कोपरगाव, जामखेड, नगर, नेवासा, पाथर्डी, पारनेर, राहुरी, शेवगाव, श्रीरामपूर, संगमनेर या तालुक्यांतील प्रत्येकी तीन लाभार्थ्यांचा यात समावेश आहे.

शेळीपालनात यंदा १०८ लाभार्थी निवडले जाणार आहेत. त्यात अकोले तालुक्यातील २१, कर्जत, जामखेड तालुक्यातील प्रत्येकी पाच, कोपरगाव, नेवासा, राहाता, शेवगाव तालुक्यांतील प्रत्येकी सहा, पाथर्डी, राहुरी, श्रीगोंदा, श्रीरामपूर तालुक्यातील प्रत्येकी सात, नगर, पारनेर तालुक्यांतील प्रत्येकी आठ, संगमनेर तालुक्यातील नऊ लाभार्थी निवडले जाणार आहेत. पशुसंवर्धन विभागाने सुरू केलेल्या या योजनेला गेल्या काही वर्षांपासून चांगला प्रतिसाद मिळत आहे .

योजनेचा लाभ मिळावा म्हणून दरवर्षी अनेक शेतकरी अर्ज करतात. मात्र, त्या तुलनेत लाभ मिळत नाही. यंदाही हजारो शेतकऱ्यांनी मागणी केलेली असताना योजनेचा लाभ मात्र मोजक्या लोकांना मिळला आहे. उद्दिष्टापेक्षा मागणी जास्त असल्याने सोडत पद्धतीतून जिल्हा निवड समिती लाभार्थी निवड करत असल्याचे सांगण्यात आले.
 
लक्षांक वाढवून मिळावा
नगरसह राज्याच्या बहुतांश भागात आता शेळीपालन, कुक्कुटपालनाकडे शेतकरी, सुशिक्षित बेरोजगार केंद्रित झाले आहेत. या व्यवसायाला बॅंका मात्र सहजपणे कर्ज देत नाहीत. शिवाय पशुसंवर्धन विभागातून अनुदानाचा लाभ मिळण्याचा प्रयत्न करण्यासाठी कित्येक वेळा प्रयत्न करुनही लाभ मिळत नाही. त्यामुळे शासनसाने लक्षांक वाढवून देण्याची मागणी गेल्या अनेक दिवसांपासून केली जात आहे.


इतर ताज्या घडामोडी
बागायती गहू लागवडीची सूत्रेगव्हाची पेरणी जमिनीत पुरेशी ओल असताना दक्षिणोत्तर...
खत, पाणी व्यवस्थापनातून वाढवा करडई...योग्य प्रकारे लागवडीसह खत व्यवस्थापन, विरळणी आणि...
दर्जेदार कांदा रोपनिर्मितीचे तंत्रमहाराष्ट्रात रब्बी कांदा पिकाचे क्षेत्र मोठ्या...
रुंद वरंबा सरी पद्धतीने हरभरा लागवडहरभरा लागवडीसाठी रुंद वरंबा सरी पद्धतीचा वापर...
सुधारित जवस वाणांची लागवड कराजवसाच्या सुधारित वाणाची निवड केल्यास...
नाशिकमध्ये फ्लॉवर १२२१ ते ५३१४ रूपये नाशिक : येथील कृषी उत्पन्न बाजार समितीमध्ये...
हरभरा पिकाची तंत्रशुद्ध पद्धतीने लागवडकोरडवाहू तसेच ओलीताखाली हरभऱ्याच्या विजय,...
मोदी सरकारकडून शेतकऱ्यांच्या ह्रदयावर...नवी दिल्ली : कृषी सुधारणा कायद्यांविरोधात...
कृषी कायद्यांविरोधात सर्व आघाड्यांवर...चंडीगड ः केंद्र सरकारच्या कृषी कायद्यांना...
काळा पैसा बंद झाल्याने त्यांचा विरोध; ...नवी दिल्ली : ‘‘कृषी सुधारणा कायद्यांमुळे...
कृषी कायदे झुगारून लावा; काँग्रेसशासित...नवी दिल्ली   ः काँग्रेसशासित राज्यांनी...
नगर जिल्ह्यात पीक नुकसानीचे पंचनामे...नगर  ः महिनाभर सतत पाऊस पडल्याने जिल्ह्यातील...
पुणे विभागात एक लाख ३८ हजार हेक्टरवर...पुणे  ः यंदा वेळेवर पाऊस झाल्याने चारा...
पावसाचा नगरमधील १७ हजार कांदा...नगर  ः गेल्या महिनाभरात झालेल्या सततच्या...
नुकसानीबाबत परभणीतील सहा हजारांवर ...परभणी : अतिवृष्टी तसेच नाले, ओढे, नद्यांच्या...
 पावसाची विश्रांती; सिंधुदुर्गात भात...सिंधुदुर्ग  ः जिल्ह्यात पावसाने विश्रांती...
पानपिंपरी, विड्याच्या पानाला...बुलडाणा  ः पानपिंपरी व विड्याचे पानमळे हे...
जत तालुक्यातील सात गावांमधील ...सांगली  ः जत तालुक्यातील सात गावांमधील...
अकोला जिल्ह्यात ८७ हजार हेक्टरवर हरभरा...अकोला  ः यंदा समाधानकारक पावसामुळे सर्वच...
ऊस वाहतूक दरात ५० टक्के वाढ द्या : ...कोल्हापूर : ऊस वाहतुकीच्या दरात ५० टक्के वाढ...