agriculture news in marathi, 'Good day' for dry fish market | Agrowon

सुक्‍या मासळीच्या बाजाराला ‘अच्छे दिन'

टीम अॅग्रोवन
मंगळवार, 14 मे 2019

महागाईचा फटका सुक्‍या मासळीलाही बसला आहे. बोंबील शेकड्यामागे शंभर ते दीडशे रुपयांनी वाढले आहेत. बांगडा, मांदेली, कोलीम, बगी, सुकट यांचेही भाव दुपटीने वाढले आहेत  पावसाळ्यात सुकी मासळी ही ग्रामीण भागातील शेतकऱ्यांची मुख्य गरज असते. त्यामुळे खरेदीला चांगला प्रतिसाद आहे. 
- दिनेश कासेकर, चिपळूण

चिपळूण :  पावसाळ्यात हवीहवीशी वाटणारी सुकी मासळी खरेदीसाठी चिपळूणच्या सुक्‍या मासळी बाजारामध्ये नागरिकांची गर्दी होऊ लागली आहे. त्यामुळे सुक्‍या मासळीच्या बाजाराला ‘अच्छे दिन' आले आहेत. 

पावसाळा सुरू झाला की चिपळूण तालुक्‍यातील शेतकरी शेतीपूर्व कामाला लागतात. पावसाळ्यात शेती हंगाम चालू झाल्यानंतर शेतकऱ्यांना बाजारात खरेदीसाठी वेळ मिळत नाही. त्यामुळे पावसाळ्यापूर्वी तीन ते चार महिने पुरेल इतका मसाला, मिरची, हळद, कांदा, बटाटा, कडधान्य अशा अनेकविध गरजेच्या वस्तू खरेदी करून त्याचा साठा करून ठेवतात. त्याचबरोबर विविध प्रकारची सुकी मच्छीही भरून ठेवतात. पावसाळा आधी केल्या जाणाऱ्या या चार महिन्यांच्या खरेदीला आगोट असे म्हणतात. यंदा पाऊस लवकर येणार असल्याचे संकेत मिळाल्याने शेतकरी वर्गाने आपल्या शेतामध्ये पूर्व मशागतीचे कामे सुरू केली आहेत. 

शेतकऱ्यांनी अगोटाच्या खरेदीला सुरवात केली आहे. अनेक गावांत आठवडी बाजारात मान्सूनपूर्व खरेदीसाठी शेतकऱ्यांची झुंबड उडताना दिसत आहे. महागाई असतानाही खरेदीसाठी गर्दी होत आहे. ग्रामीण भागात पावसाळ्यात गरजेच्या वस्तू मिळण्यात अडचणी येतात. त्यामुळे जीवनावश्‍यक वस्तूंबरोबरच सुक्‍या मासळीची खरेदीही जोरदारपणे सुरू आहे.

सुक्‍या मासळीला ग्रामीण भागात मावरा असे म्हणतात. 
गुहागरसह दापोली भागातील महिला सुके मावरे घेऊन चिपळूणला येतात. येथील आठवडा बाजारात आपली दुकाने थाटून सुकी मासळी विकतात. इतर दिवशी डोक्‍यावर टोपले घेऊन गावो गावी फिरून मासळी विक्री करतात.


इतर ताज्या घडामोडी
औसा तालुक्यात उडीद, मूग व्हायरसच्या...औसा, जि. लातूर : तालुक्यातील उडीद आणि मूग ही पिके...
शेतमजुरांसाठी कौशल्याधारीत प्रशिक्षण...नाशिक: बदलत्या पीक पद्धतीमध्ये कीडनाशक फवारणी,...
कोल्हापूर जिल्ह्यात वादळ, पुराचा उसाला...कोल्हापूर: जोरदार वाऱ्यासह सुरु असलेल्या पावसाने...
पुणे जिल्ह्यात पावसामुळे भात लागवडीला...पुणे ः गेल्या चार ते पाच दिवसांपासून पुणे...
पाथरूडच्या बंधाऱ्यांत मुबलक पाणीपाथरूड, जि. उस्मानाबाद : येथील दुधना नदीवर...
नंदुरबारमध्ये अनेक भागात पाऊस नंदुरबार ः जिल्ह्यात मागील दोन दिवसांत...
पुण्यातील धरणातून उजनीत १३ हजार ५६...सोलापूर ः उजनी धरणाच्या वरच्या बाजूला...
`पपईचा पिकविमा योजनेत समावेश करा`जळगाव ः खानदेशात कांद्यापाठोपाठ पपईचे...
बार्शीत रेशनचा १५१ पोती गहू, तांदूळ...सोलापूर ः बार्शी कृषी उत्पन्न बाजार समितीतील...
‘माढा, पंढरपूर, माळशिरसमधील...सोलापूर ः ‘‘गतवर्षी जुलै, ऑगस्ट, सप्टेंबर या...
परभणीत ऊस, चारा पिकांवर नाकतोड्याचा...परभणी : वांगी (ता.परभणी) येथील ऊस पीक झालेल्या...
पूर्ण कार्यक्षमतेने ऊस गाळप करण्याचे...नाशिक : ‘‘कादवा सहकारी साखर कारखान्याने जुन्या...
नांदेड जिल्ह्यातील सीएससी केंद्रे सुरू...नांदेड : जिल्ह्यातील आपले सरकार सेवा केंद्र, आधार...
अकोल्याच्या पश्चिम भागात जोरदार पाऊसनगर ः दरवर्षी जोरदार पाऊस पडत असलेल्या अकोले...
पुणे जिल्ह्यात पावसाच्या हलक्या सरीपुणे ः पुणे जिल्ह्याच्या बहुतांशी भागात पावसाने...
परभणीत वांगे प्रतिक्विंटल २००० ते ४०००...परभणी ः येथील पाथरी रस्त्यावरील फळे भाजीपाला...
बुलडाणा जिल्ह्यात अडीच लाख शेतकऱ्यांनी...बुलडाणा ः पंतप्रधान पीकविमा योजनेत जिल्ह्यातील...
जायकवाडीत ५५.३२ टक्के उपयुक्त पाणीपैठण, जि. औरंगाबाद : तालुक्यातील जायकवाडी...
नांदेड जिल्ह्यात ९ लाख ४६ हजार पीकविमा...नांदेड ः पंतप्रधान पीकविमा योजनेअंतर्गंत...
कृषिपंपांना बारा तास वीज पुरवठा करा ः...भंडारा : टाळेबंदी काळातही शेतकऱ्यांनी मोठ्या...