कोरोनामुळे शेती व्यवसायावर सकारात्मक परिणाम होतील 

कोरोना महामारीमुळे इंग्लंडमधील शेती आणि पुरवठा साखळीवर सध्या विपरित परिणाम झालेला असला तरी दीर्घकालिन परिणाम पाहता इंग्लंमधील शेतीमध्ये सकारात्मक बदल होतील, असे मत एका ऑनलाईन सर्वेक्षणात व्यक्त करण्यात आले.
agriculture
agriculture

लंडनः कोरोना महामारीमुळे इंग्लंडमधील शेती आणि पुरवठा साखळीवर सध्या विपरित परिणाम झालेला असला तरी दीर्घकालिन परिणाम पाहता इंग्लंमधील शेतीमध्ये सकारात्मक बदल होतील, असे मत एका ऑनलाईन सर्वेक्षणात व्यक्त करण्यात आले. सॅविल्स रूरल रिसर्च या संस्थेने एप्रिलच्या पहिल्या आठवड्यात हे शेतकरी सर्वेक्षण केले.  या सर्वेक्षणात २९ टक्के शेतकऱ्यांनी कोरोनामुळे शेती मजुरांचे कामकाज विस्कळीत झाल्याचे सांगितले, तर ४३ टक्के शेतकऱ्यांनी शेतीमाल बाजारपेठेत पोहोचविण्यात अडथळे आल्याचे सांगितले. कोरोना विषाणूमुळे इंग्लंमधील शेतीमध्ये सकारात्मक बदल होतील, असे मत ५९ टक्के शेतकऱ्यांनी व्यक्त केले. तर केवळ ५ टक्के शेतकऱ्यांना कोरोनामुळे देशातील शेतीवर वाईट परिणाम होणार असल्याचे वाटते.  सध्या कोरोनामुळे उद्योग आणि पुरवठा साखळीसमोर मोठे आव्हान उभे राहिले असले तरी या साथीमुळे देशांतर्गत अन्न सुरक्षेचे महत्त्व अधोरेखित झाले आहे. तसेच देशासाठी अन्न उत्पादनाचे अत्यावश्यक काम करणाऱ्या शेतकऱ्यांबद्दल कृतज्ञतेची भावना निर्माण झाली आहे. ब्रिटिश सरकारचा शेतीकडे पाहण्याच्या दृष्टीकोनावर त्याचा दीर्घकालिन परिणाम होण्याची आशा बळावली आहे. इंग्लंड युरोपियन युनियनच्या सामाईक कृषी धोरणातून (कॉमन ॲग्रिकल्चर पॉलिसी-सीएपी) बाहेर पडल्याच्या पार्श्वभूमीवर ही घडामोड महत्त्वाची मानली जात आहे.  कोरोनाच्या संकटामुळे शेतीची कामे, मजूर-कामगार, पुरवठा साखळी यांच्यावर विपरीत परिणाम झाल्याने शेती व्यवसायाला सर्वच आघाड्यांवर झगडावे लागत आहे. शेती उद्योगाच्या बाबतीत मोठी अनिश्चितता निर्माण झाल्याचे मानले जात आहे. परंतु शेतीविषयक दीर्घकालिन सकारात्मक भावनेने सध्याच्या नकारात्मक चित्रावर मात केल्याचे आढळून येत आहे. कोरोना संकटातून बाहेर पडल्यानंतर ब्रिटिश सरकारच्या शेतीविषयक धोरणांमध्ये बदल होतील, अशी आशा निर्माण झाली आहे.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com