शासनाने अतिरिक्त दूध खरेदीची मर्यादा वाढवावी ः घाटगे

कोल्हापूर : शासनाने अतिरिक्त दूध खरेदीची मर्यादा वाढवावी, असे आवाहन भाजपा जिल्हाध्यक्ष समरजितसिंह घाटगे व किसान मोर्चाचे जिल्हाध्यक्ष भगवानराव काटे यांनी केले.  

निवेदनानुसार, ‘कोरोना’च्या पार्श्वभूमीवर दूध उत्पादकांना दिलासा देण्यासाठी राज्य शासनाने दररोज दहा लाख लिटर दूध प्रति लिटर २५ रूपये प्रमाणे खरेदी करण्याचा निर्णय घेतला आहे. तो स्वागताहार्य आहे. राज्यात गाय व म्हशीच्या दुधाच्या एकूण निर्मितीपैकी केवळ दहा लाख लिटर दूध खरेदी करणे हे प्रमाण खूपच कमी आहे. त्यामुळे शेतकरी हिसासाठी अतिरिक्त दूध खरेदी करण्याची मर्यादा वाढवावी. 

पश्चिम महाराष्टात म्हशीचे दूध उत्पादन ८० टक्केच्या वर आहे. त्यामुळे दोन्ही दूध समान दराने खरेदी न करता म्हशीच्या दुधास जादा दर द्यावा. संचारबंदीमुळे शेतकरी अडचणीत आला आहे.

फळ भाज्या, पालेभाज्या, शेतात पडून आहेत. शेतमालाला उठाव नाही. बऱ्याच तकऱ्यांची ऊस बिले अद्याप मिळालेली नाहीत. त्यामुळे शेतकरी आर्थिक अडचणीत आहे. दुधावरच त्याचे दैनंदिन अर्थकारण चालू आहे. त्यालाही दर नाही. त्यामुळे एकूण उत्पादनापैकी अतिरिक्त ठरणारे सर्व दूध खरेदी करून शेतकऱ्यांना न्याय द्यावा, अशी घाटगे, काटे यांची मागणी आहे.