agriculture news in marathi, government gives extension for sugar export, kolhapur, maharashtra | Page 2 ||| Agrowon

साखर निर्यातीला डिसेंबरपर्यंत मुदतवाढ

टीम अॅग्रोवन
मंगळवार, 12 नोव्हेंबर 2019

पावसाळी स्थितीमुळे साखर निर्यातीला मुदतवाढ मिळावी, अशी मागणी आम्ही केली होती. त्याला यश मिळाले आहे. यामुळे निर्यातीस तयार असूनही बंदरापर्यत न पोचलेली साखर आता निर्यात होऊ शकेल. याचा फायदा साखर कारखान्यांना होऊ शकेल.
- प्रकाश नाईकनवरे, व्यवस्थापकीय संचालक, राष्ट्रीय सहकारी साखर कारखाना महासंघ, नवी दिल्ली.

कोल्हापूर : पावसाळी स्थितीमुळे निर्यात न होऊ शकलेल्या साखर कारखानदारांना केंद्राने दोन महिने मुदतवाढ दिल्याने दिलासा मिळाला. २०१८-१९ ची साखर डिसेंबर अखेरपर्यंत निर्यात केल्यास त्याचा विचार अनुदानासाठी होणार असल्याने कारखान्यांनी निर्धारित कोट्यानुसार साखर निर्यात करावी, अशा सूचना सोमवारी (ता.११) केंद्रीय अन्न औषध विभागाचे सचिव जितेंद्र झुयल यांनी साखर कारखान्यांना दिल्या.

यापूर्वी ही मर्यादा सप्टेंबर अखेरपर्यंत होती. गेल्या वर्षी देशात साखरेचे विक्रमी उत्पादन झाले. याचा फटका यंदाच्या हंगामात कारखान्यांना बसू नये, यासाठी केंद्राने कारखान्यांनी साखर निर्यात करावी, याकरिता सप्टेंबरपर्यंतचा कालावधी दिला होता; परंतु महाराष्ट्रासह देशाच्या अनेक भागांत ऑगस्टपासून सलग दोन महिने सातत्याने पाऊस सुरू होता. महाराष्ट्रातील साखर पट्ट्यात तर महापुराने कहर केल्याने पंधरा दिवसांहून अधिक काळ वाहतूक बंद झाली. रस्ते बंद असल्याने जे कारखाने साखर निर्यात करण्याच्या प्रक्रियेत होते. त्यांना याचा फटका बसला. यामुळे काही कारखान्यांची साखर मध्येच अडकली. बंदरावर परिस्थिती प्रतिकूल असल्याने रस्ते असूनही बंदरावर साखर पोच करता आली नाही. यामुळेच साखर निर्यातीत गेल्या दोन महिन्यांत मोठे अडथळे आले. निसर्गाचा फटका बसल्याने कारखान्यांची साखर निर्यात होऊ शकली नाही.

ही स्थिती पाहून राष्ट्रीय सहकारी साखर महासंघाने २०१८-१९ च्या साखर निर्यातीची मुदत वाढवून देण्याची मागणी केली होती. अखेर त्याला यश येऊन सोमवारी याबाबतचे पत्र साखर कारखान्यांना शासनाच्या वतीने देण्यात आले. मुदत वाढविली असली तरी दिलेल्या कोट्याइतकीच साखर निर्यात करावी. २०१९-२० च्या निर्यात कोट्यात त्याचा समावेश असू नये, अशा सूचना कार्यालयाने केल्या आहेत. 
 


इतर अॅग्रो विशेष
बाजार स्वातंत्र्यांची मागणी पूर्ण पुणेः केंद्र सरकारने सादर केलेल्या शेती आणि पणन...
गुणवत्तापूर्ण हळद, डाळींची थेट...सनपुरी (जि. परभणी) येथील प्रयोगशील शेतकरी नरेश...
मराठवाड्यात जोरदार पावसाचा पिकांना फटकाऔरंगाबाद, परभणी : औरंगाबाद, जालना, बीड, लातूर,...
हजारो टन कांदा निर्यातीच्या प्रतीक्षेतमुंबई/नाशिक : देशभरात कांदा निर्यातबंदी...
बीटी वांग्याच्या दुसऱ्या टप्प्यातील...पुणे : देशभरात चर्चेत असलेल्या बीटी वांग्याच्या...
साखर निर्यातीचे करार ५७ लाख टनांवरकोल्हापूर : देशातल्या साखर निर्यातीचे करार आता ५७...
तुरळक ठिकाणी जोरदार पावसाची शक्यतापुणे ः बंगालचा उपसागर व उत्तर तामिळनाडूच्या...
दूध सल्लागार समिती कागदावरचपुणे : राज्यस्तरीय दूध सल्लागार समितीची एकही बैठक...
राज्यात मोसंबी १००० ते ४००० रुपये...औरंगाबादमध्ये १००० ते २५०० रुपये प्रतिक्विंटल...
कांदा, लसूण शेतीत बहिरवाडीने मिळवली...बहिरवाडी (ता. जि. नगर) हे छोटे गाव कांदा व लसूण...
स्पर्धेत टिकण्यासाठी ‘ई-नाम’केंद्र सरकारने कृषी, पणन व्यवस्थेत सुधारणा घडवून...
बाजार सुधारणांत नको राजकीय धुळवडकोरोनाच्या पार्श्वभूमीवर होत असलेल्या संसद...
सुपारी फळगळीचे संकटसिंधुदुर्ग: मुसळधार झालेला पाऊस आणि सतत ढगाळ...
कोकण, मराठवाड्यात पावसाची शक्यतापुणे ः गेल्या काही दिवसांपासून राज्यातील काही...
कांदा निर्यातबंदीविरोधात मराठवाड्यातही...औरंगाबाद/परभणी: केंद्र सरकारने कांदा निर्यातबंदी...
निर्यातबंदीमुळे कांदा दरात मोठी घसरणनाशिक: केंद्र सरकारने कांदा निर्यातबंदी केल्याचा...
कांदा निर्यातबंदी विरोधात नाशिक...नाशिक: प्रतिकूल हवामान, वाढलेला उत्पादन खर्च व...
‘स्मार्ट’च्या २८ पथदर्शक प्रकल्पांना...पुणे: कृषी खात्याच्या ‘स्मार्ट’ प्रकल्पातून...
सांगली जिल्ह्यात द्राक्ष फळ छाटणी...सांगली ः जिल्ह्यात सप्टेंबरच्या पहिल्या आठवड्यात...
मराठवाड्यात पावसाचा जोर कायमपुणे ः गेल्या दोन ते तीन दिवसांपासून राज्यातील...