शासनाकडून मिळेना दुष्काळाची हमी

शासनाकडून मिळेना दुष्काळाची हमी
शासनाकडून मिळेना दुष्काळाची हमी

यवतमाळ : जिल्ह्यातील नऊ तालुक्‍यातच गंभीर व मध्यम स्वरूपाचा दुष्काळ जाहीर करण्यात आला होता. आता याच तालुक्‍यांसाठी दुष्काळी मदत जाहीर करण्यात आल्याने उर्वरित सात तालुके मदतीपासून वंचित राहणार आहेत. 

खरीप हंगाम २०१८ मधील दुष्काळी तालुक्‍यांसाठी निधी वितरित करण्यात आला आहे. शासनाने सुरवातीला जाहीर केलेल्या राज्यातील १५१ तालुक्‍यांना मदतीचा निर्णय घेतला असून, त्यात जिल्ह्यातील नऊ तालुक्‍यांचा समावेश आहे. ३१ डिसेंबरला पीक कापणी प्रयोगानुसार जिल्ह्याची अंतिम पैसेवारी जाहीर करण्यात आली. त्यात जिल्ह्याची पैसेवारी ५० पेक्षा कमी निघाली. एनडीआरएफच्या निकषानुसार अशा तालुक्‍यांना दुष्काळी नियम लागू करुन त्यांना मदत देणे क्रमप्राप्त आहे. मात्र नुकत्याच, काढण्यात आलेल्या शासन निर्णयात १५१ तालुक्‍यांना मदतीसाठी पात्र ठरविण्यात आले.  त्यामुळे आधी जाहीर झालेल्या नऊ तालुक्‍यातील शेतकऱ्यांना दुष्काळी मदत मिळण्याची शक्‍यता वर्तविण्यात येत आहे.

कोरडवाहू क्षेत्रासाठी सहा हजार ८०० रुपये, तर ओलीतासाठी १३ हजार ५०० रुपये व बागायतीसाठी १८ हजार रुपये हेक्‍टरी मदत दिली  जाणार आहे. एकीकडे पैसेवारी ५० पेक्षा कमी आल्याने जिल्हाच दुष्काळग्रस्तांच्या यादीत आला आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com