agriculture news in marathi government not taking steps for Orange Growers in Vidharbha says Chandrakant Patil | Agrowon

संत्रा उत्पादकांना शासनाने वाऱ्यावर सोडले : चंद्रकांत पाटील

टीम अॅग्रोवन
सोमवार, 6 सप्टेंबर 2021

संत्रा पीक विम्याच्या हप्त्यात देखील जिल्हानिहाय वेगवेगळी रक्कम आकारून शेतकऱ्यांच्या जखमांवर मीठ चोळल्याचा आरोप भाजपचे प्रदेशाध्यक्ष चंद्रकांत पाटील यांनी केला. 

अमरावती : विदर्भातील मुख्य पीक असलेल्या संत्रा पिकातील फळगळ बाबत राज्य सरकारने दुर्लक्षित धोरण अवलंबिले आहे. त्यामुळे शेतकरी हतबल झाले असतानाच संत्रा पीक विम्याच्या हप्त्यात देखील जिल्हानिहाय वेगवेगळी रक्कम आकारून शेतकऱ्यांच्या जखमांवर मीठ चोळल्याचा आरोप भाजपचे प्रदेशाध्यक्ष चंद्रकांत पाटील यांनी केला. 

दौऱ्यावर असलेल्या चंद्रकांत पाटील यांनी मोर्शी येथे जयस्तंभ चौकात आयोजित कार्यकर्ता सभेत मार्गदर्शन करताना हे वक्तव्य केले. विदर्भातील संत्रा उत्पादक कधी कमी तर कधी जास्त पावसामुळे जेरीस आला आहे. अशावेळी अडचणीतील शेतकऱ्यांना दिलासा देण्याचे काम सरकारने केले पाहिजे. मात्र या वर्षीच्या हंगामात संत्रा आणि मोसंबी पिकात फळगळ होत आहे. त्याबाबत शेतकऱ्यांना शास्त्रीयदृष्ट्या मार्गदर्शन देखील करण्याबाबत सरकारने उदासीनता सिद्ध केली.

शेतकऱ्यांना मार्गदर्शनासाठी कृषी विद्यापीठ, कृषी विभाग तसेच केंद्रीय लिंबूवर्गीय संशोधन संस्थांचे प्रतिनिधीदेखील बांधावर पोहोचले नाही. संत्रा उत्पादकांना या सरकारने वाऱ्यावर सोडले आहे. तज्ज्ञांच्या माध्यमातून मार्गदर्शनाच्या बाबतीत अपयशी ठरलेल्या सरकारने फळगळ झालेल्या शेतकऱ्यांना आर्थिक मदतही केली नाही. संत्रा हे विदर्भाचे मुख्य फळपीक आहे. या बागायतदारांना अडचणीत शासनाने आधार दिला पाहिजे. मात्र शासन आधार देत नसेल तर भाजपच्या पदाधिकारी व कार्यकर्त्यांनी या विरोधात पेटून उठत आंदोलनाचा मार्ग अवलंबला पाहिजे. त्याकरिता सुरुवातीला तालुका, जिल्हास्तरावर आंदोलन करा. त्यानंतर देखील सरकार संत्रा उत्पादकांच्या पाठीशी उभे राहत नसेल तर मंत्रालय स्तरावर आंदोलन करून संत्रा उत्पादकांच्या प्रश्नांकडे लक्ष वेधा, त्यांना न्याय मिळवून दिल्याशिवाय माघारी फिरू नका, असे आवाहन देखील चंद्रकांत पाटील यांनी केले. 

माजी कृषिमंत्री अनिल बोंडे, आमदार प्रताप अडसड, भाजप जिल्हाध्यक्ष निवेदिता चौधरी, युवा मोर्चा जिल्हाध्यक्ष मनीष मेन, कमलसिंग चितोडिया, जयंत ढोले, देव बुरंगे यांची या वेळी उपस्थिती होती. 


इतर ताज्या घडामोडी
शेततळ्याच्या अनुदानासाठी नगरला सर्वाधिक...नगर ः नगर जिल्ह्यातील शेतकऱ्यांनी केलेल्या...
कृषिपंपांची वीजतोडणी मोहीम तत्काळ...हिंगणा, जि. नागपूर : महावितरण कंपनीने कृषिपंपाचे...
नुकसानग्रस्त शेतकऱ्यांना भरीव मदत...जलालखेडा, जि. नागपूर : खरीप हंगाम सन २०२१-२२ ला...
अर्धापूर भागात केळीवर रोटावेटर; रोग,...नांदेड : जिल्ह्यात झालेल्या अतिवृष्टीमुळे...
लाच घेताना पेठ तालुका कृषी अधिकाऱ्यास...नाशिक : कृषी सेवा केंद्राच्या परवान्याचे नूतनीकरण...
कृषिमंत्र्यांच्या तालुक्याची अतिवृष्टी...नाशिक: जिल्ह्यात ऑगस्ट-सप्टेंबर २०२१ दरम्यान...
यवतमाळ : पाणंद रस्त्यांची मोहीम अर्धवटयवतमाळ : शेतकऱ्यांच्या दृष्टीने पाणंद रस्ते अतिशय...
सोलापूर जिल्ह्यात जलजीवन मिशनच्या...सोलापूर ः जिल्ह्याच्या विविध भागांतील...
सोलापूर जिल्ह्यात फळपीक विम्याचा लाभ...सोलापूर : प्रधानमंत्री पीक विमा योजनेअंतर्गत...
खानदेशात रब्बी पिकांची पेरणी २०...जळगाव  ः खानदेशात रब्बी हंगामातील पिकांची...
सोंडलेचा १७० कोटींचा निवाडा मंजूरचिमठाणे, जि. धुळे : शिंदखेडा व धुळे तालुक्यांना...
जळगाव जिल्ह्यात भरडधान्य खरेदी योजनेचा...जळगाव ः जिल्ह्यात भरडधान्य खरेदीसाठी शेतकऱ्यांना...
लासलगांव बाजार समितीत शेतमाल तारण कर्ज...नाशिक : निफाड तालुक्यात मका व सोयाबीन काढणीचे काम...
मेशी येथे आधारभूत खरेदी किंमतकडे...मेशी, ता. देवळा : आधारभूत किंमत खरेदी योजनेतर्गत...
गावकऱ्यांच्या श्रमामुळे ‘पद्मश्री’ :...नगर : ‘‘राजकारणापासून दूर राहून गावाच्या विकासावर...
‘स्वाभिमानी’च्या आंदोलनाची १७ ला...बुलडाणा : कापूस-सोयाबीन उत्पादकांचे प्रश्‍न,...
बारावीच्या परीक्षेसाठी आजपासून अर्ज...मुंबई : राज्य शिक्षण मंडळाकडून फेब्रुवारी-मार्च...
जर्मनीत कोरोनाचे रुग्ण पुन्हा वाढले बर्लिन: जगभरात कोरोना रुग्णांची संख्या कमी होत...
मुंबईत गुरुवारी २८३ नवे कोरोना रुग्ण; २...मुंबई : बुधवारच्या तुलनेत मुंबईत कोविड बाधित...
चेन्नई पुन्हा जलमय; अतिवृष्टीचा जबर...चेन्नई ः तमिळनाडूवर अतिवृष्टीचे संकट घोंघावू...