Agriculture news in Marathi The government should buy agricultural produce on the dam | Agrowon

शासनाने शेतीमाल बांधावर खरेदी करावा : शेतकरी संघटना

टीम अॅग्रोवन
मंगळवार, 14 एप्रिल 2020

लातूर : ‘कोरोना’ विषाणूचा वाढता संसर्ग लक्षात घेता राज्यात २१ दिवसांच्या लॉकडाऊन नंतर खबरदारीचा उपाय म्हणून पुन्हा १६ दिवसांचा लॉकडाऊन वाढवण्याचा निर्णय सरकारने घेतला आहे. या लॉकडाऊनच्या काळात सोशल डिस्टन्सिंगचा प्रश्न निर्माण होऊन ‘कोरोना’चा धोका वाढण्याची शक्यता आहे. त्यामुळे इतर व्यवसायाबरोबर बाजार समित्या बंद ठेवण्याचा निर्णय सरकारने घेतला आहे. बाजार समित्या बंद करणार असाल तर शासनाने शेतकऱ्यांच्या बांधावर जाऊन शेतीमाल खरेदी करावा, अशी मागणी शेतकरी संघटनेचे जिल्हाध्यक्ष राजकुमार सस्तापूरे यांनी केली आहे.

लातूर : ‘कोरोना’ विषाणूचा वाढता संसर्ग लक्षात घेता राज्यात २१ दिवसांच्या लॉकडाऊन नंतर खबरदारीचा उपाय म्हणून पुन्हा १६ दिवसांचा लॉकडाऊन वाढवण्याचा निर्णय सरकारने घेतला आहे. या लॉकडाऊनच्या काळात सोशल डिस्टन्सिंगचा प्रश्न निर्माण होऊन ‘कोरोना’चा धोका वाढण्याची शक्यता आहे. त्यामुळे इतर व्यवसायाबरोबर बाजार समित्या बंद ठेवण्याचा निर्णय सरकारने घेतला आहे. बाजार समित्या बंद करणार असाल तर शासनाने शेतकऱ्यांच्या बांधावर जाऊन शेतीमाल खरेदी करावा, अशी मागणी शेतकरी संघटनेचे जिल्हाध्यक्ष राजकुमार सस्तापूरे यांनी केली आहे.

बाजार समित्या बंद झाल्यामुळे राज्यातील शेतकरी आर्थिक अडचणीत सापडला आहे. एका बाजूला जागतिक स्तरावर लॉकडाऊन असल्यामुळे निर्यात बंद आहे. त्यामुळे मोठ्या प्रमाणात निर्यात होणारा शेतीमाल थांबला आहे. त्यामुळे होलसेल खरेदी करणारा व्यापारी पुढे येत नाही तर, दुसऱ्या बाजूला देशाअंतर्गत बाजार समित्या बंद आहेत. यामुळे दोन्ही बाजूंनी शेतकरी कोंडीत सापडला आहे. प्रशासनाकडून सांगितले जात आहे की, शेतकऱ्यांना कोणत्याही शेतीमालाची वाहतूक किंवा विक्री करायची असेल तर त्यासाठीचा परवाना जिल्हा प्रशासनाकडून दिला जाईल. पण आज गल्लीबोळात व सोसायटीत जाऊन शेतीमाल विक्री करणे सर्व शेतकऱ्यांना शक्य आहे का? असा प्रश्नही त्यांनी उपस्थित केला आहे.

शासकीय खरेदी केंद्र, ग्रामपंचायत, सोसायट्या अशा कोणाच्याही मार्फत शेतकऱ्यांच्या बांधावर जाऊन सरसकट शेतीमाल खरेदी करून तो माल गाव, शहर, महानगर, वॉर्ड, सोसायटीत, विक्री करावा, अशी मागणीही त्यांनी केली आहे. 

...तर लाखोंचा फटका बसेल
द्राक्षे, आंबे, कलिंगड, खरबूज आदी फळे हे दरवर्षी मोठ्या प्रमाणात निर्यात होतात. हा माल गल्लीगल्लीत जाऊन अर्धा एक किलोने विक्री करणे शक्य नाही. फळे भाजीपाला वेळेत तोडणी करून विक्री केले तर ठीक अन्यथा शेतात सडून जातो. याकरिता शासनाने काही तरी निर्णय घेतला पाहिजे. शेतकऱ्यांनी यासाठी लाखो रुपये लावले आहेत. ते जर विक्रीमधून निघाले नाहीत तर शेतकरी पुन्हा आर्थिक संकटात सापडतील.

‘शेतकऱ्यांना मदत करा’
राष्ट्रीय आपत्ती जाहीर झाली असल्याने केंद्र व राज्य सरकारनेही शेतकऱ्यांना नुकसान भरपाई द्यावी. शेतकरी वाचला तर देश वाचणार आहे. अन्यथा लॉकडाऊन नंतर देशाला आर्थिक मंदीला सामोरे जावे लागणार आहे. त्या आर्थिक मंदीतून देशाला फक्त शेतकरीच बाहेर काढू शकतो. म्हणून शेतकऱ्यांना मदत करावी, अशी मागणीही त्यांनी केली आहे.


इतर ताज्या घडामोडी
सोलापूर जिल्ह्यात दमदार पाऊस सोलापूर : जिल्ह्यात गेल्या दोन दिवसांपासून...
नगर जिह्यात पावसाने पिकांचे अतोनात...नगर  : जिल्ह्याच्या बहुतांश भागात...
सोनी गावामध्ये आहेत २८८ शेततळीसोनी (ता. मिरज,जि.सांगली) या गावात  कृषी...
कर्नाळा बँकेत ३६ ग्रामपंचायतींचे पैसे...मुंबई : ‘शेकाप’चे माजी आमदार विवेक पाटील यांच्या...
मराठवाड्याच्या विकासासाठी शासन कटीबध्द...औरंगाबाद : मराठवाड्याच्या सर्वांगिण विकासासाठी...
केंद्राच्या कांदा निर्यातबंदी विरोधात...नाशिक : केंद्र सरकारने कुणाचीही ओरड नसताना, अन्न...
औरंगाबादमधील नुकसानग्रस्त पिकांचे...औरंगाबाद : ‘‘जिल्ह्यात अतिवृष्टीमुळे नुकसान...
खानदेशातील पपई पिकाला अतिपावसाचा फटकाजळगाव : खानदेशात पपई पिकाला अतिपावसाचा फटका बसला...
नांदेडमध्ये ३८ हजार हेक्टर पिकांचे...नांदेड : अतिवृष्टी व पूरामुळे जिल्ह्यातील ३८१...
‘म्हैसाळ’मधून पावणेदोन टीएमसी पाणी उचललेसांगली  ः कृष्णा नदीला आलेल्या पूराचे पाणी...
कांदा निर्यातबंदीविरूध्द कॉंग्रेसचे...रत्नागिरी : कांदा निर्यातीबाबतचा निर्णय...
मुसळधार पावसामुळे पिके भुईसपाटपुणे ः राज्यातील अनेक भागांत कमीअधिक स्वरूपात...
पानपिंपरी पिकाला विम्याचे कवच द्याअकोला ः जिल्ह्यात पानपिंपरी या वनौषधीवर्गीय...
सीमाभाग आणि बंदरातील कांदा सोडा; अन्यथा...नाशिक : टाळेबंदी शिथिल झाल्यानंतर शेजारील...
कोल्हापुरात ‘गोकूळ’चे दूध रोखण्याचा...कोल्हापूर : मराठा आरक्षणाला स्थगिती दिल्याच्या...
शरद पवार यांनी ऊसतोड कामगारांची कोंडी...नगर ः ऊसतोडणी कामगारांच्या तोडणी दरात वाढ करावी...
फळबाग लागवडीसाठी जमिनीची निवड महत्त्वाचीसामान्यपणे फळबागा अयशस्वी होण्यामध्ये किंवा...
बियाणासाठी घरचे सोयाबीन ठेवताना...बियाण्यासाठी निवड करण्यात आलेल्या प्लॉटमध्ये...
महिला बचत गटांच्या माध्यमातून हळद...सहकाराच्या धर्तीवर संघटित झालेल्या राजापूर...
पुणे जिल्ह्यात दोन लाखावर शेतकऱ्यांना...पुणे : जिल्हा बॅंकेकडून खरीप हंगामासाठी गेल्या...