सरकार शेतकऱ्यांच्या खंबीरपणे पाठीशी : लोणीकर

दुष्काळात सरकार शेतकऱ्यांच्या खंबीरपणे पाठीशी
दुष्काळात सरकार शेतकऱ्यांच्या खंबीरपणे पाठीशी

जाफराबाद, जि. जालना  : तालुक्‍यातील पीक परिस्थितीची पालकमंत्री बबनराव लोणीकर यांनी रविवारी (ता. २१) पाहणी केली. सरकार शेतकऱ्यांच्या पाठीशी खंबीरपणे उभे असून शेतकऱ्यांना सर्वतोपरी मदत करण्यात येईल, असे प्रतिपादन पालकमंत्री बबनराव लोणीकर यांनी केले. टंचाई निवारण कामी तसेच शेतकऱ्यांच्या समस्या सोडविण्यात दिरंगाई करणाऱ्या अधिकारी, कर्मचारी यांच्याविरुद्ध कारवाई करण्यात येईल, असेही श्री. लोणीकर म्हणाले.

श्री. लोणीकर म्हणाले, जाफराबाद तालुक्‍यात १६ हजार ७२९ शेतकऱ्यांना ७२ कोटी ६९ लक्ष कर्जमाफी दिली. तसेच यावर्षी १४ हजार २८५ शेतकऱ्यांना ७३ कोटी ४९ लक्ष कर्जवाटप केले. बोंड अळीचे अनुदान ३५ कोटी मंजूर केल्याचे सांगून १५ कोटी ७७ लाख रुपये शेतकऱ्यांना वाटप केले. पीकविमा आणि गारपीट अनुदानाची आकडेवारी देत शेतकऱ्यांच्या पाठीशी सरकार कसे उभे आहे असे सांगितले.

जाफ्राबाद येथील शेतपिकांची पाहणी करून शेतकऱ्यांशी संवाद साधून झालेल्या नुकसानीची माहिती घेतल्यानंतर पालकमंत्री बबनराव लोणीकर यांनी जाफ्राबाद येथील हिंदुस्तान लॉन येथे सर्व तालुकास्तरीय यंत्रणाकडून परिस्थितीच्या नियोजनाचा आढावा घेतला.

या प्रसंगी आमदार संतोष दानवे यांनी जाफराबाद तालुक्‍यातील दुष्काळाची दाहकता लक्षात घेता विहीर अधिग्रहण आणि टॅंकर प्रस्ताव मंजुरीचे अधिकार तहसीलदारांना मिळावे, तसेच तालुकास्तरीय दुष्काळ निवारण कक्ष स्थापन करावा, चाऱ्याच्या छावण्या निर्माण कराव्या, तसेच खडकपूर्णा प्रकल्पातून ५० गावांसाठी वाटर ग्रिड प्रकल्प मंजूर करावा, अशी मागणी केली.

या वेळी सभापती साहेबराव कानडजे, भाऊसाहेब जाधव, रामधन कळंबे, भगवान लहाने, शिवसिंह गौतम, दीपक वाकडे, उपविभागीय अधिकारी हरिश्‍चंद्र गवळी, तहसीलदार जे. डी. वळवी, जिल्हा अधीक्षक कृषी अधिकारी विजय माईनकर, जिल्हा उपनिबंधक एन. व्ही. आघाव, कार्यकारी अभियंता डी. एच. डाकोरे, गटविकास अधिकारी उदयसिंग राजपूत तालुका कृषी आधिकारी एस. टी. पठाण, सहकारी निबंधक पी. एच. बेरा, प्रकल्प अधिकारी विनय साळवे, सपोनि मिलिंद खोपडे, नायब तहसीलदार बी. के. चंडोळ, गौरव खैरनार, तलाठी, ग्रामसेवक, कृषी सहायक यांच्यासह सरपंच व शेतकरी मोठ्या संख्येने उपस्थित होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com