agriculture news in marathi, govt. asked to milk sangh is powder made by milk perchaced from farmers, Maharashtra | Agrowon

शेतकऱ्यांकडून घेतलेल्याच दुधाची भुकटी केली का?
चंद्रकांत जाधव
मंगळवार, 18 सप्टेंबर 2018

अनुदानासंबंधी आम्ही मागणी केली आहे. त्यासंबंधी शासनाने आमच्याकडे गायीचे दूध पुरवठादारांची सविस्तर माहिती, बॅंक खाते क्रमांक, गायीचे दूध संकलन याची माहिती मागितली आहे. ती संकलित करून शासनाला दिली जात आहे. जे शेतकरी कमी दूधपुरवठा करतात, त्यांचे बॅंक खाते क्रमांक मिळण्यास अडचणी येत आहेत.
- मनोज लिमये, कार्यकारी संचालक, जिल्हा सहकारी दूध उत्पादक संघ मर्या., जळगाव

जळगाव ः राज्यात प्रतिदिन सहकारी व इतर प्रमुख दूध संघ, संस्था १० लाख लीटर अतिरिक्त ठरणाऱ्या गायीच्या दुधाची भुकटी तयार करतात. या भुकटीसंबंधी शासनाने प्रतिलीटर पाच रुपये अनुदान देण्याचे जाहीर केले होते. परंतु, कोट्यवधींचे अनुदान दीड महिन्यापासून रखडले आहे. दूध संघांनी हे अनुदान मागितले असता ज्या दुधाची भुकटी केली, ते दूध गायीचेच होते का? दूध शेतकऱ्यांकडूनच घेतले का? असा प्रतिप्रश्‍न शासकीय यंत्रणांनी दूध संघांना विचारला आहे. यामुळे हे अनुदान मिळण्याची प्रक्रिया आणखी लांबणीवर पडेल, अशी स्थिती आहे. 

दूधधंदा अडचणीत येत असतानाच दूध उत्पादकांना कमी दरांचा फटका बसल्याने शासनाने शेतकऱ्यांशी संबंधित नेते, संघटना यांच्या आंदोलनानंतर १ ऑगस्ट, २०१८ पासून गायीच्या दुधाला २५ रुपये प्रतिलीटर दर संघ व इतर खाजगी दूध संकलन करणाऱ्या संस्थांनी देण्याचे बंधनकारक केले. तसेच संघ, खासगी संस्थांमध्ये रोज अतिरिक्त ठरणाऱ्या गायीच्या दुधापासून जी भुकटी तयार केली जाईल, त्यासंबंधी शासन प्रतिलिटर पाच रुपये प्रमाणे अनुदान देईल, असेही जाहीर केले. राज्यात तालुका व जिल्ह्यांचे सहकारी दूध संघ व इतर प्रमुख संस्था मिळून रोज १० लाख लीटर अतिरिक्त गायीच्या दुधाचे संकलन करून त्यापासून भुकटी करीत आहेत. 

शासनाला रोज ५० लाख रुपये अनुदान दूध संघांना या भुकटीसंबंधी देय आहे. दर महिन्याला १५० कोटी रुपये अनुदान देय आहे. अर्थातच ही बाब लक्षात घेता मागील दीड महिन्याचे सुमारे २२५ कोटी रुपये अनुदान शासनाला देय आहे. 

या अनुदानासंबंधी सहकारी दूध संघांनी शासनाला पत्र दिले, त्यावर शासनाने ज्या गायीच्या दुधाची भुकटी केली, त्याची सर्व सविस्तर माहिती मागविली आहे. तसेच जे दूध घेतले ते शेतकऱ्यांकडूनच घेतले का व ते गायीचेच होते का, असा प्रश्‍न केला आहे. दूध संघांकडे शेतकऱ्यांचे बॅंक खाते क्रमांक नाहीत. दूध संघ दूधपुरवठादार सोसायटीला निश्‍चित दिवसांचे दुधाचे पैसे सोसायटीच्या बॅंक खात्यात जमा करतो. मग सोसायट्या हा निधी दूधपुरवठादार, दूध उत्पादकांना रोखीने देतात. ही बाब लक्षात घेता आता दूध संघांनी या अनुदानासंबंधी आता गायीचे दूध पुरविणाऱ्या सोसायट्यांमधील सभासद, दूध उत्पादकांचे बॅंक खाते क्रमांक गोळा करून ती माहिती शासनाला देण्याची कार्यवाही सुरू केली आहे. त्यात आणखी काही दिवस लागतील. मग शासन सर्व बाबींची माहिती मिळाल्यानंतर पडताळणी, तपासणी करील. यानंतर अनुदानाचा मार्ग मोकळा होईल. यात अनेक दिवस जातील, अशी स्थिती आहे. 

टॅग्स

इतर अॅग्रो विशेष
रत्नागिरी : गतवर्षीच्या तुलनेत भात...रत्नागिरी ः अतिवृष्टीमुळे कोकणातील शेतकरी चांगलाच...
दक्षिण आफ्रिकेतील 'मालावी हापूस'...पुणे  ः दक्षिण आफ्रिकेतील मालावी प्रांतात...
सांगली जिल्ह्यात द्राक्षबागांना आता...सांगली ः गेल्या पंधरा ते वीस दिवसांपूर्वी...
राज्यात रब्बीसाठी सव्वासहा हजार शेतीशाळापुणे : रब्बी हंगामात राज्यात सव्वासहा...
केंद्र सरकारकडून एक लाख टन कांदा...पुणे: मॉन्सूनचा वाढलेला मुक्काम, अतिवृष्टी,...
बाजार समित्या बरखास्त करणार : केंद्रीय...नवी दिल्ली : बाजार समित्यांची कार्यपद्धती आणि...
राज्य झाले टॅंकरमुक्त; केवळ बुलडाण्यात...पुणे: मॉन्सून आणि मॉन्सूनोत्तर काळात राज्यात...
केसर आंब्याचे उत्पादन ४५ टक्के घटणार;...औरंगाबाद : गंध आणि चवीसाठी केसर आंब्याची आपली...
किमान तापमानात चढ-उतारपुणे: मॉन्सूनोत्तर पावसाने उघडीप दिल्यानंतर...
अवर्षणग्रस्त माळरानावर फुलवली प्रगतशील...नगर जिल्ह्यात कायम अवर्षणग्रस्त कर्जत तालुक्यातील...
साठ देशी गायींच्या संवर्धनाचा आदर्शपुणे जिल्ह्यातील मंचर येथील सोनेचांदीचे पारंपरिक...
साखर निर्यातीला डिसेंबरपर्यंत मुदतवाढकोल्हापूर : पावसाळी स्थितीमुळे निर्यात न होऊ...
काजू उत्पादन ३० टक्क्यांनी घटणारसिंधुदुर्ग : जुलै, ऑगस्टमध्ये झालेली अतिवृष्टी,...
द्राक्ष बागांचे पंचनामे करताना दिशाभूलनाशिक  : द्राक्ष बागांचे पंचनामा केल्यास...
कृषी कौशल्य प्रशिक्षणांद्वारे उभी...केंद्र शासनाची प्रधानमंत्री कौशल्य विकास योजना २....
गारठा वाढला; नगर येथे नीचांकी तापमानपुणे  : उत्तरेकडून येणारे थंड वारे,...
पावसाने द्राक्ष शेतीचे ९ हजार कोटींवर...पुणे : सततच्या पावसामुळे सर्व अवस्थांमधील द्राक्ष...
दक्षिण महाराष्ट्रातील कारखान्यांना...कोल्हापूर: कर्नाटकने झोनबंदी केल्याने सीमाभागातून...
पीक नुकसानीचा अंतिम अहवाल लांबण्याची...पुणे : राज्यात अतिपावसामुळे झालेल्या पिकांच्या...
शासकीय खरेदीसाठी उडीद, सोयाबीनची...परभणी: किंमत समर्थन मूल्य योजनेअंतर्गत...