ऊसतोड मजुरांचा विमा सरकारने उतरवावा 

नगर ः राज्यात सध्या कोरोना व्हायरस संसर्ग वाढत आहे. त्यात लवकरच साखर कारखाने सुरु होणार असल्याने मजुरांचे स्थलांतर होणार आहे. त्या पार्श्वभूमीवर सर्व ऊसतोड मजुरांचा विमा सरकारने उतरावा, अशी मागणी ऊसतोड कामगार संघटनाच्या प्रतिनिधींनी केली. ऊसतोडणी मजुरांच्या दरवाढ, अपघात विमा, निवासी आश्रम शाळांबाबतही चर्चा झाली. लवकर शरद पवार आणि मुख्यमंत्री उद्धव ठाकरे यांनी हस्तक्षेप करुन तोडगा काढण्यासाठी लवकर बैठक घ्यावी, असे अपेक्षा यावेळी व्यक्त केली.  ऊसतोडणी मजुरांनी मजुरीत दरवाढ व अन्य मागण्यांसाठी ऊसतोडणी मजुरांच्या संघटनांनी संप पुकारला आहे. त्याबाबत गुरुवारी (ता.२४) साखर संघाच्या कार्यालयात साखर संघाचे अध्यक्ष जयप्रकाश दांडेगावकर यांच्यासह संचालक मंडळांनी कोरोनाच्या पार्श्वभूमीवर प्रत्येक ऊसतोडणी मजूर संघटनांच्या प्रतिनिधींशी स्वतंत्र चर्चा करुन मते जाणून घेतली. सध्या कोरोना व्हायरस संसर्ग वाढत आहे. त्यात लवकरच साखर कारखाने सुरु होणार असल्याने मजुरांचे स्थलांतर होणार आहे.  यावेळी साखर संघाचे अध्यक्ष जयप्रकाश दांडेगावकर, संचालक, महाराष्ट्र राज्य ऊसतोडणी कामगार मुकादम युनियनचे चे अध्यक्ष गहीनीनाथ थोरे, श्रमिक संघटनेचे जीवन राठोड, माजी आमदार केशव आंधळे, प्रदीप भांगे, दत्तु भांगे, प्रा. सुशिला मोराळे, सुभाष जाधव आदींसह संघटनांचे प्रतिनिधी उपस्थित होते. लवकर शरद पवार आणि मुख्यमंत्री उद्धव ठाकरे यांनी हस्तक्षेप करुन तोडगा काढण्यासाठी लवकर बैठक घ्यावी, असे अपेक्षा यावेळी व्यक्त केली.

साखर संघाचा प्रस्ताव अमान्य सामान्य परिस्थिती असलेल्या मजुरांना उपचाराची वेळ आली तर ते परवडणारे नाही. मजुरांनी २५ टक्के व सरकार आणि कारखाने प्रत्येकी ३७.५० टक्के विमा हप्ता भरतील, असे साखर संघाकडून सांगण्यात आले. मात्र, सर्व ऊसतोड मजुरांचा विमा सरकारने उतरावा, अशी मागणी ऊसतोड कामगार संघटनांच्या प्रतिनिधींनी केली. दरवाढ, विठ्ठलराव विखे पाटील अपघात विमा योजना, निवासी आश्रम शाळा याबाबींवर चर्चा झाली.