स्वामिनाथन आयोगाबद्दल दिशाभूल करू नये : जावंधिया

शेतीप्रश्‍नांचे अभ्यासक विजय जावंधिया
शेतीप्रश्‍नांचे अभ्यासक विजय जावंधिया

नागपूर : ‘डॉ. स्वामिनाथन आयोगाच्या शिफारशीप्रमाणे भाव जाहीर केले तर ते महाराष्ट्रावर अन्याय करणारे ठरेल, कारण आपला उत्पादन खर्च जास्त आहे’ असे विधान करून अापण शेतकऱ्यांची व जनतेची दिशाभूल करीत आहात, अशा आशयाचे पत्र शेतीप्रश्‍नांचे अभ्यासक विजय जावंधिया यांनी मुख्यमंत्री देवेंद्र फडणवीस यांना पाठविले आहे.

श्री. जावंधिया आपल्या पत्रात म्हणतात, ‘शेतीमालाच्या भावासंदर्भात विरोधी पक्षात असताना काय बोलायचे हे मी सांगण्याची गरज नाही. पण २०१४ च्या लोकसभा निवडणूक प्रचार सभेतून शेतकऱ्यांना खर्चावर ५० टक्के नफा जोडून भाव देऊ, असे स्पष्ट आश्‍वासन पंतप्रधान नरेंद्र मोदी यांनी दिले होते. मात्र, आपण म्हणता, स्वामिनाथन यांच्या शिफारशीप्रमाणे भाव जाहीर केले, तर ते महाराष्ट्रावर अन्याय करणारे ठरेल, कारण आपला उत्पादन खर्च जास्त आहे. अापण असे विधान करून शेतकऱ्यांची व जनतेची दिशाभूल करीत आहात, ती आपण करू नये.’

स्वामिनाथन आयोगाने शिफारस केली अाहे, त्यात,‘केंद्रीय कृषी कृषिमूल्य आयोग ज्या पद्धतीने उत्पादन खर्च काढतो, त्यावर १५ टक्के नफा जोडून हमीभाव जाहीर करतो. यात बदल करून तो उत्पादन खर्च अधिक ५० टक्के नफा जोडून जाहीर करावा,’ असे म्हटले आहे. याचाच अर्थ असा, की मोदी सरकारने जे भाव आज जाहीर केले आहेत, त्यापेक्षा जास्त भाव जाहीर करावे लागतील. असे झाले, तर हमीभावाच्या खरेदीत शेतकऱ्यांना जास्त भाव मिळतील, मग यात शेतकऱ्यांचे नुकसान कसे, असा प्रश्‍न जावंधिया विचारतात.

मध्य प्रदेशचा भावांतर योजनेचा सिद्धांत देश पातळीवर राबवावा लागेल व हमी भाव, बाजारभावातील फरक शेतकऱ्यांच्या बँक खात्यात जमा करावा लागेल, अशी मागणीही त्यांनी केली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com